“Onlar evimizi vurur, Ordumuz isə onların tankını”: Ağdam bu gün necədir
(Yenilənib 21:13 16.10.2020)
Ağdamın Xındırıstan kənd sakinləri əmindirlər ki, Ermənistan SQ gücü Ordumuza çatmadığına görə dinc əhalini, kənd evlərini mərmi atəşinə tutub. Daha ətraflı videomuzda. Ermənistan silahlı qüvvələri Ağdamın cəbhəyanı yaşayış məntəqələrini intensiv atəşə tutmaqda davam edir. Ən çox atəşə məruz qalan yaşayış məntəqələri Təzəkənd qəsəbəsi, Xındırıstan, Çıraqlı, Çəmənli, Zəngişalı və digər cəbhəyanı yaşayış məntəqələridir. Səhər saatlarında atılan mərmilərdən biri Xındırıstan kəndində Elnur İsmayılova məxsus evə düşüb. Ev tamamilə dağılıb. Həmin vaxt ev sakinləri təsərrüfat işləri ilə məşğul olduğundan xoşbəxtlikdən xəsarət alan olmayıb.
Ev sahibinin qohumu Oruc İsmayılov hadisə yerində olub. O əmindir ki, Ermənistan SQ gücü ordumuza çatmadığına görə dinc əhalini, kənd evlərini mərmi atəşinə tutub.
“Yüz dənə bu cür ev Ordumuza, millətimizə, dövlətimizə qurban olsun. Orduya gücü çatmadığından bu evi vurdu dağıtdı, amma dövlətimiz yenidən bundan da gözəl bərpa edəcək, amma Ordumuzu, inşallah, qələbə ilə gözləyirik. Ordumuza, dövlətimizə güvənmişik. Və gördüyünüz kimi xalqımız birdir”, -deyə o, Sputnik Azərbaycan-ın bölgə müxbirinə danışıb.
Bütün bunlara baxmayaraq cəbhəyanı yaşayış məntəqələrinin sakinləri heç nədən qorxmadıqlarını və öz ev-eşiklərini tərk etməyəcəklərini bildiriblər.
Tu-160 raket daşıyıcısının havada yanacaqdoldurma prosesi - maraqlı video
(Yenilənib 11:09 15.01.2021)
Uzaq mənzilli aviasiya pilotları təyyarələrini 6000 metrdən artıq yüksəklikdə və saatda təxminən 600 kilometr sürətlə İl-78 hava tankerinə yaxınlaşdırıb.Ümumiyyətlə, uçuş hazırlığının bu ən mürəkkəb elementini yerinə yetirmək üçün yalnız təcrübəli pilotlara icazə verilir, lakin bu dəfə manevrlərdə gənc zabitlər də iştirak edib. Təlimlərə ümumilikdə beş Tu-160 və Il-78 təyyarəsi cəlb olunub.
Fırçanı kürək əvəz edərsə: qarlı stadionda yaranan rəsmlər
(Yenilənib 11:45 17.01.2021)
Artıq ikinci qışdır ki, Yekaterinburq sakini Leonid Valitov xokkey kortunda nəhəng rəsmlər çəkir. Ətarflı videomuzda izliyin. Leonid Valitov bu məqsədlə cəmi iki əşyadan istifadə edir: rəsm və kürək. Leonid “Photoshop”proqramında eskizlər yaradaraq onları işarələyir və sonra buz meydançasına köçürür. Adətən, rəsmləri gecələr çəkir, çünki həmin vaxt kortda heç kim olmur.
Həmin vaxt meydançadakı qar örtüyü də hamar olur və iş prosesini asanlaşdırır. Bir standart rəsm üzərində iş 5 saata yaxın vaxt aparır.
Peyvənd olunmuş nazirdən jurnalistlərə təklif
Zülfiyyə Quluyeva, Sputnik Azərbaycan
BAKI, 18 yanvar — Sputnik. "Azərbaycan ən müasir, zəngin ölkələrin siyahısındadır ki, vaksinasiyaya başlanılıb".
Sputnik Azərbaycan xəbər verir ki, bu barədə jurnalistlərə açıqlamasında Səhiyyə naziri Oqtay Şirəliyev deyib.
O bildirib ki, bəzi ölkələrdə ilin sonuna, bəlkə də gələn ilə vaksinasiya planlaşdırılır: "Mütəxəssislər qərara gəliblər ki, Azərbaycan üçün ən yaxşı vaksin "Sinovac" şirkətinin vaksinidir. Bir neçə ölkələrdə kliniki sınaqlardan keçib. Heç bir yerdə fəsadı olmayıb. Qardaş Türkiyədə də bu vaksindən istifadə olunur. Həmçinin kifayət qədər effektlidir. Hər vaksinasiyadan sonra müəyyən insanlar xəstələnə bilər, amma onlar da xəstəliyi yüngül keçirirlər. Bunlar nəzərə alınaraq, seçim olundu. Bu gündən vaksinasiya başlayır. Jurnalistləri də vaksinasiyaya qoşulmağa dəvət edirik".