Təsərrüfat sahibləri zoğal ağaclarını niyə kəsirlər?

406
(Yenilənib 12:10 16.09.2020)
Zoğal ölkə xaricinə çıxarılan azsaylı kənd təsərrüfatı məhsullarından biridir. Lakin bu il təsərrüfat sahibləri qazanc əldə edə bilmir və bağlarını kəsməyə meyl edirlər. Səbəbini isə videomuzdan öyrənin.

Zoğal mürəbbəsi, turşusu və kompotu qış üçün strateji məhsullardan hesab edilir. Belə ki, hamımız zoğalın soyuqdəyməyə qarşı bir nömrəli dərman olduğuna inanırıq.

Zoğal bağlarına Qazax rayonunda hər evdə rast gəlmək olar. Avqustun əvvəllərindən yığımı başlayan məhsulun satışı isə əsasən Rusiya bazarlarında aparılır. Sahibkarlar tərəfindən alışı təşkil edilən meyvə təsərrüfatlardan yığılaraq yük avtomobilləri ilə ölkə xaricinə çıxarılır.

Lakin dəyişən qiymətlər və alıcılarla birbaşa əlaqələrinin olmadığını deyən təsərrüfat sahibləri üçüncü şəxslərin qiymətləri oynatdığını və nəticədə qazanc əldə edə bilmədiklərini söyləyirlər. Bu səbəbdən alıcısı var deyə yeni zoğal bağları salanlar da var, gəlir götürə bilmədiyindən bağlarını kəsənlər də.

Qazax rayon Kosalar kənd sakini Azər Nəsibov düşünür ki, satışın dövlət tərəfindən təşkil ediləcəyi təqdirdə sahibkarların daha çox gəlir götürə biləcəklərini deyib.

“Bu il iqlim şəraitinə görə məhsuldarlıq aşağı oldu. Buna baxmayaraq, qiymətlər yenə əvvəlki illərdən fərqlənmədi. Bunun Azərbaycanda bazarı yoxdur. Təsərrüfatçı da xaricə çıxara bilmir. Alıcılarla təsərrüfatçılar arasında olan üçüncü şəxslər daha çox qazanırlar”, - deyə təsərrüfatçı öz fikirlərini Sputnik Azərbaycan-ın bölgə müxbiri ilə bölüşüb.

Kamera önündə danışmaq istəməyən alıcılar isə yerli bazarın Rusiya bazarları ilə tənzimləndiyini bildiriblər. Bəzi təsərrüfatçılar suya tələbkar olduğu, qiymətinin kəskin dəyişməsi və daha gəlirli meyvə yetişdirmək istədiklərinə görə zoğal ağaclarını kəsməli olurlar.

406

Rusiyanın koronavirus peyvəndi: hansı ölkələr onu almaq istəyir

16
(Yenilənib 14:35 22.09.2020)
Pandemiya nə vaxt bitəcək? Yəqin ki, bu sual hamını narahat edir. Koronavirus probleminə son qoymağa Rusiyanın "Sputnik V" vaksini də kömək edəcək. Hansı ölkələr Rusiya preparatını almaq niyyətindədir və daha harada vaksin yaradılır – ətraflı videoçarxımızda.

Rusiyanın COVID-19 əleyhinə vaksini yaratmasını kosmosa uçuşla müqayisə etmək olar. "Sputnik V" preparatı effektivliyini və təhlükəsizliyini sübut edib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu >>

Rusiya peyvəndini ilk olaraq Belarus alacaq. Qazaxıstan da onun tədarükü üçün saziş imzalayıb. Vaksinini həmçinin yaxın vaxtlarda Moldova, Azərbaycan və Tacikistan əldə etməyə hazırlaşır.

16

Rusiya zooparkına məxsus şirin skeleti yarım əsrdir Gəncədə saxlanır

468
Bir vaxtlar Rusiya zooparkına məxsus olan şir, daha doğrusu, onun skeleti, yarım əsrdir, Gəncədə saxlanılır. Daha ətraflı Anatomiya muzeyindən hazırladığımız süjetdə izləyin.

Gəncədə yerləşən Anatomiya muzeyi Azərbaycan Dövlət Aqrar Universitetinin nəzdində yaradılıb və 90 ilə yaxındır ki, fəaliyyət göstərir.

Gəncədə oazis: Gəncə sakini öz həyətini Nəbatat bağına çevirib – video
© Sputnik / Rahim Məmmədov / Kamilla Əliyeva / Leyla Orucova

Muzeydə saxlanılan eksponatlar buraya ilk dəfə daxil olanlar üçün həm vahiməli, eyni zamanda da maraqlı görünə bilər. Məsələn, burada insan skeletini görmək olar. Bundan başqa, xüsusi qablarda və formalinin içində müxtəlif heyvan nümunələri nümayiş etdirilir – uzunluğu iki metrdən artıq ilandan tutmuş, kərtənkələ, quş və digər böyük və kiçik ölçülü heyvanlar.

Anatomiya, Patanatomiya və Patfiziologiya kafedrasının dosenti Ehkam Əliyev bildirib ki, sovet vaxtında qurbağa, kərtənkələ, ilan və digər preparatları Moksvada tədris vəsaitləri hazırlayan fabrikdən sifariş ediblər. Bundan başqa, tələbələrin özləri də bəzi ilanları muzeyə təqdim ediblər.

Hal-hazırda ölkədə tüğyan edən pandemiyaya görə insanlar muzeyə həvəslə getməsələr də Sputnik Azərbaycan-ın bölgə müxbiri istəyənlər üçün muzeyə virtual səyahət təşkil edə bilib.

468
Faiq Bağırov, arxiv şəkli

Rüşvət almaqda günahlandırılan sabiq XİN rəsmisi ev dustaqlığına buraxıldı

0
(Yenilənib 12:50 23.09.2020)
XİN-in Konsulluq İdarəsinin sabiq rəisi Faiq Bağırovun barəsində seçilən həbs qətimkan tədbiri ev dustaqlığı ilə əvəz edildi.

BAKI, 23 sentyabr — Sputnik. Səbail rayon Məhkəməsində Xarici İşlər Nazirliyinin (XİN) Konsulluq İdarəsinin sabiq rəisi Faiq Bağırovun barəsində seçilən həbs qətimkan tədbirinin ev dustaqlığı ilə əvəz edilməsinə dair vəsatətə baxılıb.

Sputnik Azərbaycan xəbər verir ki, bu barədə "e-mehkeme.gov.az" saytı məlumat yayıb. Hakim Azər Tağıyevin sədrliyi ilə keçirilən prosesdə qərar elan olunub.

Qərara əsasən, F. Bağırovun barəsində seçilən həbs qətimkan tədbirinin ev dustaqlığı ilə əvəz edilməsinə dair vəsatəti təmin edilib.

Qeyd edək ki, F.Bağırov Dövlət Təhlükəsizliyi Xidməti tərəfindən saxlanılıb. Ona Cinayət Məcəlləsinin 311-ci (rüşvət alma) maddəsi ilə ittiham verilib.

Onun barəsində Səbail Rayon Məhkəməsinin qərarı ilə 4 ay müddətinə həbs qətimkan tədbiri seçilib.

0