"Yeni şəhidlərimiz olmasın" - Polad Həşimovun portretini yaradan rəssam - VİDEO

152
(Yenilənib 12:14 03.09.2020)
Azərbaycan Rəssamlar İttifaqının üzvü Ülkər Əbülfət yaradıcılığının böyük hissəsini vətənpərvərlik mövzusuna həsr edib. Onun Polad Həşimova həsr edilmiş son əsərinin zər ilə necə ərsəyə gətirildiyini videomuzda izləyin.

Azərbaycan Rəssamlar İttifaqının üzvü, Azərbaycan Ordusunun birinci Tank taborunun Fəxri üzvü Ülkər Əbülfət bu günə qədər 600-dan artıq şəhid portreti yaradıb. Son vaxtlar isə o, portretlərini tamamilə yeni üsulla çəkir – yapışqan və zərlə.

Rəssam etiraf edib ki, bu cür portretlər yağlı boya ilə müqayisədə tez başa gəlsə də, digər tərəfdən təhlükəli ola bilər. Çünki yapışqan vaxtından tez quruya, zər yapışmaya bilər.

Ülkər Əbülfətin məqsədi Azərbaycan həqiqətlərini ictimaiyyətə çatdırmaq, Vətən uğrunda canını fəda etmiş şəhidlərin ruhunu əbədiləşdirməkdir.

“Bu mövzunu işləmək mənə həqiqətən çox çətindir. Gecələr də yata bilmirəm, o gözlər mənə baxır. Əgər mənə dözmək bu qədər çətindirsə, valideyn üçün bu daha da ağırdır”, - deyə rəssam bizimlə bölüşüb.

Vətənpərvər rəssamın ən böyük arzusu isə portretini çəkmək üçün bundan sonra yeni şəhidlərin olmamasıdır.

152

Evlər "Suqovuşan"ın işığı ilə aydınlanacaq - VİDEO

7
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

7
Teqlər:
"Azərenerji" ASC, SES, Suqovuşan

Döyüş yoldaşlarını xilas etmək üçün öz canını qurban verən şəhid video

25
(Yenilənib 11:03 04.12.2020)
Pərvin Salmanzadə əsgər yoldaşlarının darda olduğunu görüb, dostlarının təkidlərini dinləmədən onları xilas etməyə cumub, onların həyatını qurtarıb, özü isə ürəyindən qəlpə yarası olaraq şəhid olub. Onun ailəsinə son sözləri ilə videomuzda tanış olun.

Pərvin Salmanzadə hər gün cəbhədən ailəsinə, dostlarına, uşaqlarına zəng edərdi. Onları ruhlandırar, zarafatlarından da geri qalmazdı. Maraqlıdır ki, bütün tanışları bir ağızdan onun çox zarafatcıl olduğunu deyir. Hətta ilk dəfə cəbhəyə yollanacağını eşidən dostları ona inanmayıb.

Amma inanmalı olublar, çünki Pərvinin sorağı Şuşadan gəlməyə başlayıb. İştirak edəcəyi son Şuşa əməliyyatına yollanmazdan öncə isə anasına zəng edib və ondan halallıq istəyib, üç uşağının anasına əmanət olduğunu söyləyib, sanki anasıyla həmişəlik sağollaşırmış.

Təəssüflər olsun ki, elə də oldu. Bir neçə gün Pərvindən xəbər eşitməyən dostları daha sonra Pərvinin meyitinin Füzulidə olduğunu öyrəniblər. Daha sonra isə Pərvinin komandiri onun anasına zəng edib və hər şeyi olduğu kimi danışıb. Pərvin əsgər yoldaşlarının yaralı olduğunu görüb, arxaya baxmadan onların imdadına qaçıb. Komandiri xilas edərkən isə özü ürəyindən qəlpə yarası olaraq qəhrəmanca şəhid olub.

İndi isə onun ailəsi və yaxınları hər gün onun qəbrini ziyarət edirlər. Pərvin isə bizə arxasınca üç atasız uşaq və azad Şuşanı qoyub getdi

25
Nikol Paşinyan, arxiv şəkli

Paşinyandan növbəti etiraflar: Aprel döyüşü şifahi vədlə dayandırılıbmış

0
Ermənistanın baş naziri Qarabağda müharibənin qarşısını ala bilməməsi barədə ittihamlara cavab verərkən müəyyən təfərrüatı da açıqlayıb

BAKI, 5 dekabr — Sputnik. 2016-cı ildəki Aprel döyüşləri Ermənistan hökumətinin Azərbaycana əraziləri qaytarmaq barədə şifahi vədi əsasında dayandırılıb. Sputnik Ermənistan yazır ki, bunu Ermənistanın baş naziri Nikol Paşinyan özü və hökumətinin müharibəni dəf etmədikləri barədə ittihamlara cavab vermək məqsədli videomüraciətində deyib.

“Əgər siz müharibədən qaça bilərdinizsə, bunu 2016-cı ildə edəydiniz. Siz bunu edə bilmədiniz. Siz şifahi olaraq söz verdiniz ki, əraziləri təhvil veririk, o zaman dayandırdınız. Bəs bizə niyə eyni şey müyəssər olmadı? Çünki bizə deyildi ki, Ermənistan artıq bir neçə dəfə söz verib, amma yerinə yetirməyib, ona görə də söhbət ancaq yazılı surətdə və konkret müəyyənləşdirilmiş tarixlər əsasında baş tuta bilər”, - Paşinyan deyib.

O əlavə edib ki, müharibəni yalnız imzalanmış sənəd əsasında dayandırmaq mümkün idi və bu, noyabrın 9-da, yaxud müharibədən əvvəl və ya o başladığı ilk günlərdə baş tuta bilərdi. Nazir xatırladıb ki, müharibənin ilk günündə parlament tribunasında hansı şərtlər əsasında müharibəni dayandıra biləcəyini açıqlayıb, amma nə bu şərtlərlə razılaşan oldu, nə də bu barədə kütləvi çıxışlar edildi.

“İndi isə məlum olur ki, hamı ərazilərin 5+2 fotrmatda geri qaytarılmasına razı imiş. Əgər bu belə idisə, bunu 2016, 2017-ci illərdə edəydiniz. Müharibədən qaçaydınız. Problemi həll edəydiniz. Xüsusilə də Aprel müharibəsindən sonra nüansları bilirdiniz. Bəziləri elə bilirlər ki, Azərbaycan bu 5+2 formatını alqışlayır. Bu sadəcə müzakirə olunmalı təklif idi, Ermənistan bu varianta razı olan kimi isə Bakı daha çoxunu – Şuşa ilə Laçını - istəyəcəkdi”, - Paşinyan deyib.

Onun sözlərinə görə, hökumətin Türkiyənin Qarabağ münaqişəsinə müdaxiləsinə icazə verdiyi barədə ittihamları da anlamır. Paşinyan deyib ki, bu hadisə hələ 10 il bundan qabaq, erməni hökumtəi futbol diplomatiyası görüntüsünü yaradanda başladı və Ankara işğal olunmuş ərazilərin azad olunması barədə ilkin şərt irəli sürdü.

Qeyd edək ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb, kəndlərin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

2020-ci il noyabrın 10-da Azərbaycan, Rusiya və Ermənistan liderlərinin Qarabağ üzrə üçtərəfli bəyanatı imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) isə Kəlbəcər rayonu Azərbaycana qaytarılıb. Dekabrın 1-də Laçın rayonu Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0
Teqlər:
aprel döyüşləri, müharibə, etiraf, Nikol Paşinyan, Ermənistan, Türkiyә, Azərbaycan, Qarabağ