Oxumamış rəssam - Zaqatalalı gənc bağında lazımsız materiallardan nağıllar aləmi yaradıb
(Yenilənib 14:52 01.09.2020)
29 yaşlı zaqatalalı Həbibullah Babayevin yaşadığı həyətə daxil olanda sanki nağıllar aləminə düşürsən. Qəhrəmanımız həyətini və evini öz əlləri ilə düzəltdiyi mozaika və dağlama üsulu ilə hazırlanmış əsərlərlə bəzədib. Buna necə nail olduğunu videomuzda izləyin. Həbibullah Babayev üçün lazımsız material yoxdur. O, bir çoxumuzun gərəksiz adlandırdığı əşyalara ikinci həyat bəxş edir. Yaşadığı ev və həyət onun əl işləri ilə bəzədilib və hər əşya tullantı mişar daşı, şin, çaylaq daşı kimi materiallardan hazırlanıb. Maraqlısı odur ki, Həbibullahın ali təhsili yoxdur.
©
Sputnik / Leyla Orucova / Taleh Mahmudov
“Çox istəyərdim ki, rəssamlıq sənətinə yiyələnim, amma hələ ki, bu mənim üçün bir arzu olaraq qalıb. Mənə elə gəlir ki, bu işlər rəssamlığı bilən insanlar üçün daha rahat olar. Mən isə hər iş üzərində əziyyət çəkirəm, nüanslarını internetdə araşdırıram”, - deyə gənc bizimlə bölüşüb.
Onun hazırladığı hər iş bir nüsxədə olduğuna görə o, əl işlərini satmaq fikrində deyil. O, bu işlə satış üçün deyil, dincəlmək üçün məşğul olduğunu deyib.
“Gündəlik qayğılardan, işdən yorulanda bu sənətlə məşğul oluram, beynim dincəlir, ruhum təzələnir”, - deyə Babayev etiraf edib.
Bu vaxta qədər Həbibullah heç bir sərgidə iştirak etməyib. İşlərin əksəriyyətini isə daşımaq qeyri-mümkündür. Amma nə vaxtsa öz işində kamilləşib sərgi təşkil etmək onun planlarından biridir.
Füzuli rayonunun Yuxarı Əbdürrəhmanlı kəndi bu gün necə görünür - VİDEO
(Yenilənib 17:51 22.01.2021)
Füzuli rayonunun Yuxarı Əbdürrəhmanlı kəndinin bugünkü vəziyyəti necədir? Sputnik Azərbaycan kəndin bu gününü əks etdirən videomaterialı təqdim edir. Müdafiə Nazirliyi işğaldan azad edilmiş Füzuli rayonunun Yuxarı Əbdürrəhmanlı kəndindən çəkilmiş videoreportaj yayımlayıb. Sputnik Azərbaycan həmin reportajı təqdim edir.
“Rus dili olimpiadasına bu qədər şagirdin qatıldığı başqa ölkə tanımıram” – İrek Zinnurov
(Yenilənib 17:01 22.01.2021)
Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – yeni rəhbəri İrek Zinnurov artıq öz işinə başlayıb. Pandemiya müddətində mərkəzin əsas fəaliyyət hədəfləri barədə – videomuzda.Su polosu üzrə ikiqat olimpiya çempionu, Dövlət Dumasının Tatarıstandan seçilmiş sabiq deputatı İrek Zinnurov Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – rəhbəri təyin olunub. O artıq öz işinə başlayıb: gənclər təşkilatları, universitet rektorları və dövlət departamentləri ilə fəal şəkildə görüşlər keçirir. Yeni rəhbər, ilk növbədə, ölkələr arasında mədəniyyət, idman və bölgələrarası əməkdaşlıq sahəsində əlaqələrin inkişafına diqqət yetirəcək.
"Həmvətənlərimlə görüşdüm və onların “Rossotrudniçestvo” ilə bağlı şikayətlərini dinlədim. İndi bu problemə başqa baxış bucağından yanaşmaq istəyirəm. Biz bəzən axşam saatlarında, hətta lazım gələrsə, şənbə-bazar günlərində, başqa sözlə, həmvətənlərimizə əlverişli olan vaxtda da işləyəcəyik ki, onlar bir-biri ilə rahat görüşüb ünsiyyətdə ola bilsinlər. Mədəniyyət, təhsil, elm sahəsində görülən işləri davam etdirmək niyyətindəyik”, – deyə Zinnurov Sputnik Azərbaycan-a müsahibəsində bildirib.
Yeni rəhbərin sözlərinə görə, o, Azərbaycanın bütün qurumları ilə sıx əməkdaşlıq etməyə hazırdır.
AMEA-nın iki institutunun rəhbərləri işdən azad olundular
(Yenilənib 19:17 22.01.2021)
AMEA-nın A.Bakıxanov adına Tarix İnstitutunun, həmçinin Radiasiya Problemləri direktorları vəzifələrindən azad ediliblər.BAKI, 22 yanvar - Sputnik. AMEA-nın Radiasiya Problemləri İnstitutunun direktoru Oqtay Səmədov vəzifəsindən azad edilib.
APA-nın məlumatına görə, bu barədə AMEA Rəyasət Heyətinin bu gün keçirilən iclasında qərar verilib. Onun yerinə hələlik təyinat yoxdur.
Həmçinin Yaqub Mahmudov AMEA-nın A.Bakıxanov adına Tarix İnstitutunun direktoru vəzifəsindən azad edilib.
Bu barədə məlumatı AMEA-dan təsdiqləyiblər.