Azərbaycan xalq mahnısı britaniyalı musiqiçinin ifasında

50
(Yenilənib 10:34 31.08.2020)
Xalq mahnılarımızı xarici musiqiçilərin ifasında eşitmək doğrudan da qürurverici bir hissdir. Mahnılarımızı yenidən kəşf edir, onlara bir daha aşiq oluruq. Sputnik Azərbaycan sizi ən sevilən mahnılarımızdan birini britaniyalı musiqiçinin ifasında dinləməyə çağırır.

“Girdim yarın bağçasına” xalq mahnısını tanımayan azərbaycanlı az tapılar. Bu mahnını biz Akif İslamzadə, Sara Qədimova, Rübabə Muradova, Rəşid Behbudov kimi korifeylərimizin ifasında eşitməyə adət etmişik.

Mahnı Səid Rüstəmov tərəfində nota alınaraq orkestr üçün işlənmişdir. Ötən il isə mahnını dünyaca məşhur Sami Yusuf Sevda Ələkbərzadə ilə birgə öz konsertində ifa edib.

Sputnik Azərbaycan isə onu tamamilə müxtəlif ifada dinləməyə dəvət edir. Paul Dwyer və tar ifaçısı Aytaç Köktürk mahnının üzərində birgə işləyiblər. Paul Dwyer 1963-cü ildə Böyük Britaniyada doğulub. Hal-hazırda Türkiyədə yaşayan sənətçi yaratdığı televiziya proqramı çərçivəsində ölkəni qarış-qarış gəzərək Anadolunun musiqi ənənələri ilə yaxından tanış olub.

Azərbaycan musiqisinə qarşı biganə olmayan sənətçi son zamanlar bizim mahnılarımızı da ifa etməyə çalışır.

50
(0:35 / 4.26Mb / просмотров видео: 1004)

Artilleriya bölmələrimiz Ermənistan ordusuna sarsıdıcı zərbələr endirir - VİDEO

735
(Yenilənib 16:55 29.09.2020)
Bütün cəbhə boyu döyüşlər davam edir. Azərbaycan Ordusunun artilleriya bölmələri düşmənə sarsıdıcı zərbələr endirir. Bu möhtəşəm kadrları AR Müdafiə Nazirliyinin videosunda izləyin.

Erməni işğalçılarının sentyabrın 27-də başladığı təxribatın qarşısını almaq üçün Azərbaycan Ordusu bütün cəbhə boyu hücuma keçib. Sentyabrın 29-u səhər saatlarından etibarən Füzuli şəhərinin azad olunması uğrunda ordumuzun hücumu davam edir. Səhər saat 07.00-08.00 radələrində cəbhənin Füzuli-Cəbrayıl istiqamətində Ermənistan qoşunlarının daha 4 tankı qəhrəman əsgərlərimiz tərəfindən məhv edilib. Hazırda döyüşlər davam edir. 

Bu gün Füzuli rayonunun işğal altında olan Aşağı Veysəlli kəndi istiqamətindən üzbəüz mövqelərimizə basqın etməyə cəhd göstərən Ermənistan ordusunun hərəkətinin qarşısı bölmələrimiz tərəfindən qətiyyətlə alınıb və düşmən geri çəkilməyə məcbur edilib. Geri çəkilərkən məhv edilmiş erməni əsgərlərinin meyitləri döyüş meydanında qalıb.

Xocavənd rayonunun Hadrut yaşayış məntəqəsi istiqamətində yerləşən Ermənistan ordusunun 1-ci alayının, 3-cü taborunun komanda-müşahidə məntəqəsi dəqiq atəşlə darmadağın edilib. 

Eçmiədzin rayonunda dislokasiya olunan və işğal edilmiş ərazilərimizdə gedən döyüşlərə cəlb edilmiş Ermənistan ordusunun 61-ci əlahiddə mühəndis alayının 13516 saylı hərbi hissəsinin komandiri Spartak Köçəryan, Cəbrayıl rayonu istiqamətində yerləşdirilən Ermənistan ordusunun 18-ci motoatıcı diviziyasının artilleriya rəisi polkovnik Karen Babayan da bu gün məhv ediliblər. Ermənistan ordusunun 18-ci motoatıcı diviziyasının 9-cu alayının komandiri polkovnik Artyom Poqosyan isə ağır yaralanıb.

 

735
Teqlər:
erməni təxribatı, artilleriya, ön cəbhə, cəbhə bölgəsi, Ermənistan-Azərbaycan, Dağlıq Qarabağ münaqişəsi
(1:16 / 7.72Mb / просмотров видео: 628)

“Qələbə ilə geri qayıdacağıq”: Bakıda hərbçiləri belə yola salırlar VİDEO

1201
(Yenilənib 15:47 29.09.2020)
Paytaxt Bakıda ehtiyatda olan hərbçilərin cəbhəyə və döyüş təlimlərinə göndərilməsinə başlanılıb. Şəhərin mərkəzi hərbi komissarlığının önündə nələrin baş verdiyini videomuzda izləyin.

Səfərbərlik və Hərbi Xidmətə Çağırış üzrə Dövlət Xidmətinin Yasamal İdarəsi önündə səhər tezdən çağırışçılardan ibarət cərgələr düzülüb. Gənclərimiz döyüş əhval-ruhiyyəsindədirlər və torpaqlarımızı geri qaytaracaqlarından əmindirlər. Onları yola salmaq üçün ailələri və yaxın dostları gələrək hərbçilərimizi xidmətə alqışlarla yola salıblar.

1201
Teqlər:
Bakı, könüllü, çağırış, Səfərbərlik və Hərbi Xidmətə Çağırış üzrə Dövlət Xidməti, münaqişə, Dağlıq Qarabağ

Növbəti erməni təxribatını əngəlləmək üçün Kamran Əliyev rusiyalı həmkarına müraciət etdi

0
(Yenilənib 21:50 29.09.2020)
Ara Abramyan Rusiyada yaşayan 20 minə yaxın erməni soydaşlarını könüllü qismində Dağlıq Qarabağ ərazisinə Rusiyadakı erməni diasporasının koməkliyi ilə göndəriləcəyinə dair bəyanat yayıb

BAKI, 29 sentyabr - Sputnik. Bir sıra Rusiya kütləvi informasiya vasitələrində və sosial media səhifələrində Rusiya erməniləri İttifaqının rəhbəri Ara Abramyanın Rusiyada yaşayan 20 minə yaxın erməni soydaşlarını könüllü qismində Dağlıq Qarabağ ərazisinə Rusiyadakı erməni diasporasının koməkliyi ilə göndəriləcəyinə dair bəyanatı yayılıb.

Sputnik Azərbaycan xəbər verir ki, bu barədə Baş Prokurorluğun açıqlamasında qeyd olunub.

Bildirilir ki, bundan başqa, Yaxın Şərq və Mərkəzi Asiya ölkələrinin öyrənilməsi üzrə Mərkəzin sədri Semyen Baqdasarovun “Vzqlyad” qazetində Azərbaycanın mülki dinc əhalisinin yaşadığı Gəncə şəhəri və Daşkəsən rayonu ərazilərinin, o cümlədən beynəlxalq strateji əhəmiyyət kəsb edən Bakı-Ceyhan qaz kəmərinin atəşə tutulması barədə çıxışı da yer alıb.

Qeyd edilənlərlə bağlı Azərbaycan Respublikasının Baş Prokuroru Kamran Əliyev Rusiya Federasiyasının Baş Prokuroru İqor Krasnova və İstintaq Komitəsinin sədri Aleksandr Bastrıkinə rəsmi müraciət edərək bildirib ki, sentyabrın 27-dən başlayaraq təcavüzkar Ermənistanın hərbi-siyasi rəhbərliyi öz təxribatçı əməllərini davam etdirərək, beynəlxalq humanitar hüququn əsas norma və prinsiplərini kobud şəkildə pozmaqla, o cümlədən Cenevrə Konvensiyası və BMT-nin Təhlükəsizlik Şurasının qərarları ilə üzərinə düşən öhdəlikləri yerinə yetirməyərək dinc Azərbaycan əhalisinin sıx yaşadığı əraziləri ağır artilleriyadan atəşə tutmuş, nəticədə mülki əhali arasında ölən və yaralananlar var.

Müraciətdə, həmçinin göstərilib ki, hədəf kimi əhalinin kompakt olduğu məntəqələr - rayon və kənd mərkəzləri, mülki infrastruktur obyektlər - xəstəxanalar, tibb məntəqələri, məktəb binaları, uşaq bağçaları seçilir.

Hazırki vəziyyəti və yuxarıda qeyd edilənləri nəzərə alaraq, Baş Prokuror Azərbaycan Respublikasının ərazi bütövlüyünə qarşı yönəlmiş təcavüzkar siyasəti yürüdən, o cümlədən bəyanatlarında Rusiya Federasiyasının Cinayət Məcəlləsinin 208.1 (federal qanunla nəzərdə tutulmayan silahlı birləşmənin yaradılması, habelə belə bir qurumun rəhbərliyi və ya onun maliyyələşdirilməsi), 205.2.2 (KİV istifadə edilməklə terror fəaliyyətlərinə, terrorizmin ictimai əsaslandırılmasına və ya terrorizmin təbliğinə açıq çağırışlar), 280.2 (KİV istifadə edilməklə ekstremist fəaliyyətə açıq çağırışlar), 282.2 “b” bəndi (nifrət və ya düşmənçiliyin qızışdırılması, habelə insan ləyaqətinin alçaldılması), 359.3 (muzdluluq) və digər maddələrində nəzərdə tutulmuş cinayətlərin törədilməsinə açıq çağırışlara yol verən şəxslər və təşkilatlar barəsində qanuni tədbirlərin görülməsini xahiş etməklə, məsələni şəxsi nəzarətlərinə götürülməsinə ümidvar olduğunu bildirib.

0
Teqlər:
Kamran Əliyev, erməni təxribatı, Erməni diasporu, Rusiya, Ermənistan-Azərbaycan Dağlıq Qarabağ münaqişəsi
Əlaqədar
Hikmət Hacıyev: "Ermənistan radarlara baxsın"
Hüsənli kəndində Ermənistan ordusunun mərmisi yaşayış evini dağıdıb – VİDEO
MN: "Ermənistan tərəfi köhnə videoları yeni görüntülər kimi təqdim edir”
Ermənistan silahlı qüvvələrinin atəşi nəticəsində Cocuq Mərcanlıda 14 yaşlı uşaq yaralandı
Rus İcması beynəlxalq ictimaiyyəti Ermənistana təzyiq etməyə çağırdı