Parça qalıqlarından unikal geyimlər: azərbaycanlı dizayner dayanıqlı dəb yaradır

47
Renara Şəmsiyevanın yaratdığı hər bir geyim bir nüsxədə olur, çünki o öz işlərini parça qalıqlarından yaradır. Onun ən çox sevdiyi parça növü isə cinsdir. Modelyerin digərlərinin lazımsız və atılmış adlandırdığı parça hissələri ilə necə işlədiyini videomuzda izləyin.

Remara Şəmsiyeva modelyer kimi öz işlərini Azərbaycan üçün qeyri-adi sayılan dayanıqlı dəb istiqamətində yaradır. Onun məqsədi digərlərindən fərqlənən geyimlər yaratmaq, amma eyni zamanda öz peşəsi ilə ətraf mühitə mümkün qədər az zərər verməkdir.

Hər bir yeni parça qalığı onun üçün həll etməli məsələ, cavabını axtaran suala çevrilir. Bu işə yeni başlayanda o, tanıdıqlarından köhnə cins paltarlarını yığar və ən xırda qalıqlarından belə yeni geyimlər hazırlamağa çalışırdı. İndi isə o, daha çox fabriklərdə istifadəsiz qalmış parçalarla işləməyə üstünlük verir.

Onun ən çox bəyəndiyi parça cinsdir. Modelyerin fikrincə cinsi belə bir xüsusiyyəti var ki, o nə qədər çox geyilsə, bir o qədər ağarır və elə görkəm alır ki, heç bir maşınla həmin effekti almaq mümkün olmur. Hər geyilmiş cins əşya bizə sanki bir həyat əhvalatı danışır.

“Cins öz yiyəsinin həyatını onunla birgə yaşayır və onunla birgə dəyişir. Bu, çox maraqlıdır. Və xüsusilə də həmin ağarmış, üzülmüş hissələri istifadə etməyi çox sevirdim. Çünki bu effekti başqa heç bir şeylə əldə etmək olmur”, - deyə modelyer bizimlə bölüşüb.

Onun ilk işi 8-9 il bundan öncə yığılmış pencəkdir və Renara onu indiyə qədər saxlayıb, hətta bu günə qədər çox önəmli tədbirlərdə onu geyməyə üstünlük verir.

İlk vaxtlar onun yaratdığı geyimlərə münasibət heç də birmənalı deyildi.

“Atılmış, ikinci əl kimi sözlər ilk növbədə nədənsə neqativ hisslər oyadır, amma əslində “atılmış” deyilən bir şey yoxdur, sadəcə bu parça qırığı kiməsə lazım deyil, amma mənə lazımdır. Vəssalam! Bununla həmin əşya dəyərdən düşmür. Əksinə. Mənim kolleksiyalarımda elə işlər var ki, insanlar onun nədən hazırlandığını bəzən dərhal başa düşmür”, - deyə o bizə danışıb.

Renara yaratdığı geyimlərə də olduqca demokratik qiymətlər təyin etməyə çalışır. Dayanıqlı dəbin inkişaf etdiyi ABŞ və Avropa ölkələrində bu cür geyimlərin qiyməti olduqca yüksək olur, azərbaycanlı dizayner isə bu qiymətləri orta bazar dəyərində təyin etməyə çalışır. Çünki dizaynerin öz sözlərinə görə, onun məqsədi bu dəb istiqamətini ilk növbədə ölkədə populyarlaşdırmaqdır.

Maraqlıdır, amma Renara öz işinin bir neçə ildən sonra hansı istiqamətdə inkişaf edəcəyi barədə düşünmür. O, sadəcə yaratdığı hər layihədən, aldığı hər sifarişdən zövq almağa çalışır və əmindir ki, heç olmasa nəyinsə atılmasının qarşısını ala bilir.

47
(2:02 / 12.63Mb / просмотров видео: 64)

Atəşkəs Tərtərə dinclik gətirmədi: Rayon dağıntılar içində qalıb VİDEO

80
(Yenilənib 17:28 27.10.2020)
Ermənistan SQ növbəti dəfə atəşkəsi pozaraq yaşayış məntəqələrimizi atəşə tutmağa davam edir. Tərtər şəhərinin dünən axşam “Smerç” yaylım atəşli reaktiv sistemindən atəşə tutulmasından sonra necə göründüyünü videomuzda izləyin.

Dağlıq Qarabağda artıq sayca üçüncü humanitar atəşkəs oktyabrın 26-da saat 08:00-da başlamalı idi. Amma Ermənistan SQ yenidən atəşkəsə məhəl qoymur.

Xüsusilə də Tərtər rayonu ağır artilleriyadan və toplardan atəşə tutulur. Ötən gün axşam saatlarında rayonun yaşayış məntəqələri raketlərdən də atəşə tutulub. Ən çox atəşə məruz qalan yaşayış məntəqələri Qapanlı, Qazyan, Hüsənli, Düyərli, Səhləbad kəndləri və rayon mərkəzidir.

Şəhər mərkəzinə düşmüş raket xeyli zərər yetirib, evi darmadağın edib, yaşamağa yararsız hala salıb. Ötən gün saat 18 radələrində Düyərli kənd sakini İsgəndər Həsənovun həyətinə atılan raket xoşbəxtlikdən partlamayıb. Digəri isə Nazim Quliyevin həyətinin aşağı hissəsinə düşərək partlayıb.

Kənd sakinləri yekdilliklə bildiriblər ki, Ermənistan SQ heç bir halda atəşkəsə məhəl qoymayıb, rayonu, dinc sakinləri atəşə tutmağa davam edib.

80
Teqlər:
atəş, Tərtər, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
(2:07 / 16.42Mb / просмотров видео: 134)

Bir ay cəbhədə: Bakılılar əsgərlərimizə arzulamaq istədilər video

89
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

89
Mövzu:
Azərbaycan və Ermənistan arasında müharibə
Yemək yeyən insanlar, arxiv şəkli

İaşə obyektlərində reyd: sıxlığa da əməl etməyiblər

0
(Yenilənib 22:30 27.10.2020)
Reyd keçirilən 42 ictimai iaşə müəssisəsində Azərbaycan Respublikasının Nazirlər Kabinetinin qərarı ilə təsdiq edilmiş qaydalara əməl olunmaması və kobud şəkildə pozulması faktları aşkarlanıb

BAKI, 27 oktyabr — Sputnik. Ölkəmizdə hərbi vəziyyətin elan olunduğu, eyni zamanda xüsusi karantin rejiminin davam etdiyi bir şəraitdə əhalinin sağlamlığı və təhlükəsizliyinin təmin olunması bizlərdən müharibə dövrünün şərtlərinə uyğun olaraq xüsusi yanaşma və məsuliyyət tələb edir. Xüsusilə, qida sahəsində fəaliyyət göstərən sahibkarlıq subyektləri xəstəliyin yayılmaması üçün əks-epidemik tədbirlərə ciddi riayət etməli, insanların sıx toplaşdığı ictimai iaşə müəssisələrində karantin rejiminin tələblərini daim diqqət mərkəzində saxlamalıdırlar.

Azərbaycan Qida Təhlükəsizliyi Agentliyinin əməkdaşları tərəfindən bu sahədə aidiyyəti qurumlarla birgə həyata keçirilən yoxlama-nəzarət tədbirləri zamanı, təəssüflər olsun ki, bəzi ictimai iaşə müəssisələrinin sahibləri və müştərilər tərəfindən bir sıra qaydalara əməl edilmədiyi aşkar olunur. AQTA-dan Sputnik Azərabycan-a verilən məlumata görə, agentlik tərəfindən ictimai iaşə müəssisələrində reydlər davam etdirilir. Belə ki, AQTA əməkdaşları tərəfindən 25-26 oktyabr 2020-ci il tarixində Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəki, Quba, Lənkəran, Şəmkir, Cəlilabad, Sabirabad) üzrə 697 ictimai iaşə obyektində 1281 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən 42 ictimai iaşə müəssisəsində Azərbaycan Respublikasının Nazirlər Kabinetinin qərarı ilə təsdiq edilmiş qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb.

Aparılan reydlər zamanı sahibkarlıq subyektlərində, əsasən, işçi heyətin və müştərilərin tibbi maskadan istifadəsinə nəzarət edilməməsi, həmçinin pandemiya dövründə ictimai iaşə müəssisələrinin qida qəbulu zallarında müştəri qəbulu zamanı adambaşına müəyyən edilən sıxlıq normalarına riayət olunmaması ilə bağlı nöqsanlar aşkarlanıb.

Nazirlər Kabinetinin müvafiq qərarına əsasən, qida qəbulu zallarında oturacaqların ara məsafəsi eyni masa arxasında 1 metrdən, masalararası məsafə isə 2 metrdən az olmamalıdır. Koronavirus (COVID-19) pandemiyası dövründə ictimai iaşə müəssisələrində müştəri qəbulu qüvvədə olan norma və qaydalardan 2 dəfə az olmalı və müvafiq olaraq, adambaşına müəyyən edilən sahə ikiqat artırılmalıdır.

0