Zamana səyahət: Bakı Xan Sarayı qonaq gözləyir

66
(Yenilənib 15:20 24.07.2020)
İçərişəhərdə Bakı Xan Sarayı artıq bərpa edilib və ilk qonaqlarını gözləyir. Şəhər sakinləri isə artıq buraya gəzinti üçün gəlməyə başlayıb. Kompleksin indi necə göründüyünü videomuzda izləyin.

Birinci Vitse-prezident Mehriban Əliyevanın təşəbbüsü ilə 2018-ci ildə Bakı Xan Sarayının bərpası və rekonstruksiyası başlayıb. Bütün işlər dövlət tarixi-memarlıq qoruğunun idarəsi tərəfindən aparılıb.

Daha möhkəm: Bərpadan sonra İçərişəhərin Qala qapıları necə görünür
© Sputnik / Kamilla Əliyeva / Taleh Mahmudov / Leyla Orucova

Bakı Xan Sarayı Şamaxı Darvazasının (Qoşa Qala) solunda yerləşir. 1806-cı ildə Bakı Xanlığı Rusiya tərkibinə daxil edildikdən sonra, binada Rusiyanın hərbi qarnizonu yerləşib. Post-sovet vaxtlarında isə burada hərbi komendatura olub.

Bir vaxtlar kompleksə beş qapalı həyət, onların birində ayrıca meyvə bağı, ovdan, fəvvarə və hamam daxil olub. Günümüzə isə yalnız portal və bərpa edilmiş kiçik məscid çatıb. Bərpa işlərinin başlamasından sadəcə iki il sonra isə saray sanki yenidən canlanıb. İçərişəhər Muzey Mərkəzinin direktoru, sənətşünaslıq üzrə fəlsəfə doktoru Əminə Məlikovanın sözlərinə görə, koronavirus pandemiyasının yayılması əleyhinə ölkədə elan edilmiş karantin rejimi bitər-bitməz, Bakı Xan Sarayı muzey kimi fəaliyyət göstərməyə başlayacaq.

“Bu çox maraqlı və xüsusi bir muzey olacaq. Sadəcə bir şey deyə bilərəm ki, hər qonaq özünü zaman səyahətçisi kimi hiss edəcək. Burada hər kəs XV əsrdən XX əsrin əvvəlinə qədər Bakının tarixinə səyahət edə biləcək”, - deyə Məlikova bizimlə bölüşüb.

Bərpa edilmiş həyət isə Qədim şəhərin sakinləri və qonaqları üçün yamyaşıl gəzinti guşəsinə çevrilib. Bu ərazidə qalereya– “Baqqal” suvenir və ənənəvi sənət nümunələrinin sərgi və satışı, Kitab evi və kafe fəaliyyət göstərir. Parka giriş pulsuzdur, muzeyə bilet isə yerli sakinlər üçün 2 manat, tələbə və məktəblilər üçün 50 qəpik, xarici qonaqlar üçün isə 5 manat olacaq.

Bizə isə “İçərişəhər” Muzey mərkəzinin hissəsi olacaq yeni muzeyin öz qapılarını nə vaxt açacağını gözləmək qalır.

66
(1:32 / 11.70Mb / просмотров видео: 206)

Ağdam fasiləsiz atəş altında: Hadisə yerindən yeni kadrlar video

583
Ağdam rayonu səhər saatlarından mərmi atəşi altındadır. Evlər darmadağın edilir, təsərrüfat yararsız hala salınır. Bu gün mərmi düşmüş evlərin hal-hazırda necə göründüyünü videomuzda izləyin.

Ağdamda kəndlər arasında gediş-gəliş getdikcə çətinləşir. Hər an atəş altında qalmaq mümkündür. İnsanların yaşayışı alt-üst edilir. Buna baxmayaraq, Ağdam əhalisi əzmlə öz həyatlarına davam edir, Azərbaycan Ordusuna güvəndiyini deyirlər.

Ermənistan silahlı qüvvələrinin dinc əhaliyə atəş açması nəticəsində, ölənlərin sayı 14, yaralananların sayı isə 46-ya çatıb.

583
(0:23 / 2.19Mb / просмотров видео: 572)

Tonaşendə Ermənistan SQ-nin daha iki tankı məhv edilib

600
(Yenilənib 20:33 30.09.2020)
Azərbaycan Ordusunun bölmələri tərəfindən Tonaşendə düşmənin iki tankı məhv edilib. Daha ətraflı Müdafiə Nazirliyinin videosunda izləyin.

Qoşunlarımızın zərbələrinə məruz qalan Ermənistanın 1-ci ümumqoşun ordusunun 10-cu dağatıcı diviziyasının Tonaşendə yerləşən 7-ci dağatıcı alayının 2-ci taboru ağır itkilərə məruz qaldığından komandanlıqdan təcili surətdə kömək istəyib. Köməyə gələn ehtiyat qüvvələr tərəfimizdən aşkar olunaraq atəş zərbəsi ilə məhv edilib.

Sentyabrın 27-də saat 06:00 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb.

Müdafiə Nazirliyinin məlumatına görə, Azərbaycan Ordusunun uğurlu əməliyyatı nəticəsində bir sıra kəndlərimiz - Füzuli–Cəbrayıl istiqamətində Qaraxanbəyli, Qərvənd, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı işğaldan azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, Talış kəndi ətrafındakı əlverişli yüksəkliklər nəzarətə götürülüb.

600
Vladimir Putin və Emmanuel Makron

Makron Putinə zəng edib: Qarabağda gedən hərbi əməliyyatlar pislənib

0
(Yenilənib 01:57 01.10.2020)
Rusiya və Fransa prezidentləri Dağlıq Qarabağ münaqişə bölgəsində vəziyyətin kəskin hal almasını pisləyiblər.

BAKI, 1 oktyabr — Sputnik. Rusiya Prezidenti Vladimir Putinlə Fransa Prezidenti Emmanuel Makron arasında telefon danışığı olub.

Sputnik Azərbaycan Kremlin mətbuat xidmətinə istinadla xəbər verir ki, söhbət zamanı dövlət başçıları Dağlıq Qarabağda, həmçinin Belarus Respublikasında yaranan son vəziyyəti müzakirə ediblər.

Telefon danışığı Fransa tərəfinin təşəbbüsü ilə baş tutub. Hər iki prezident Dağlıq Qarabağ münaqişə bölgəsində vəziyyətin kəskin hal almasını pisləyiblər. Onlar davam edən hərbi əməliyyatlardan narahatlıq keçirdiklərini ifadə ediblər.

0
Teqlər:
hərbi əməliyyatlar, Dağlıq Qarabağ bölgəsi, Dağlıq Qarabağ problemi, Dağlıq Qarabağ, Rusiya prezidenti Vladimir Putin, Fransa prezidenti Emmanuel Makron