Azərbaycanın “mahitos”ları Rusiyaya yola düşür: COVID pomidor yığımına mane ola bilmədi

51
(Yenilənib 18:48 12.06.2020)
Koronavirus pandemiyasına baxmayaraq, Azərbaycan fermerləri məhsul yığımına davam edirlər və bu yaxında yerli pomidorlar Rusiya bazarlarına yola düşəcək. Daha ətraflı videomuzda izləyin.

2020-ci ilin ilk dörd ayının nəticələrinə görə, Azərbaycanda qeyri-neft məhsullarının ixracı strukturunda birinci yeri məhz pomidor tutur. İkinci yerdə pambıq, üçüncü yerdə isə qızıl yerləşib. Azərbaycan fermerləri isə Rusiyaya “mahitos” sortu olan yeni pomidor növünü göndərməyə hazırlaşırlar. 

Şəmkirdə parniklərin birində fermerlər hələ tam dəyməmiş pomidorları yığırlar, belə ki, onları uzun yol gözləyir. Uzunmüddətli saxlanma və sonrakı emal onların yaşıl dərilməsini tələb edir.

Şəmkir fermerlərindən biri Elmir Hüseynov deyir ki, pomidorlar Rusiyaya ixrac ediləcək. O iddia edir ki, karantin rejiminə baxmayaraq, onların təsərrüfatında heç bir problem yoxdur.

“Ötən il ilə müqayisədə məhsul daha azdır. Amma problemimiz yoxdur. Hal-hazırda Azərbaycanda pomidorların qiyməti 1,70-2 manat arasıdır”, - deyə fermer Sputnik Azərbaycan-la bölüşüb.

Bir çox mütəxəssis kənd təsərrüfatında uzunmüddətli fasilə proqnozlaşdırsa da, fermerlər ümid etməyə və plan qurmağa davam edirlər. Pomidorları dərib bitirdikdən sonra fermerlər parniklərdə yay mövsümündə xiyar əkməyi düşünürlər.

51

Azərbaycanda heç kimin dadına baxmadığı giləmeyvə: İlk cır mərsin plantasiyası

867
(Yenilənib 15:36 09.07.2020)
Azərbaycanda ilk dəfə cır mərsin yetişdirilməyə başlanıb. Bunun neçə ilə ərsəyə gəldiyini, ölkəmiz üçün qeyri-adi olan bu giləmeyvənin necə göründüyünü videomuzda izləyin.

Bakı şəhər sakini İlyas Əhmədov Azərbaycanda, demək olar ki, heç kimin dadına baxmadığı giləmeyvə yetişdirmək qərarına gəlib. İlk plantasiyanı Siyəzən rayonunda salan Əhmədov ilk üç ili ədəbiyyatı tədqiq etməyə və müxtəlif cür sortlarla sınaq aparmağa sərf edib.

“Azərbaycan iqlimi və suyu ilə hansı çeşidlərin yetişəcəyi bəlli olmadığına görə ilk iki ildə iki hektar ərazidə 11 müxtəlif çeşid əkdik. Və gördüyünüz kimi, bu il biz artıq ilk meyvələri yığmağa başladıq”, - deyə plantasiya sahibi Sputnik Azərbaycan-ın bölgə müxbiri ilə bölüşüb.

Bitki üçün bütün gərəkli materiallar – torpaqdan tutmuş avadanlığa qədər Latın Amerikası ölkələrindən gətirilib. Plantasiya işçilərinin "mavigilə" adlandırdığı ilk meyvə hal-hazırda Bakı bazarlarına göndərilib və 125 qramı 2 manat 90 qəpiyə təklif edilir. Əhmədov özü etiraf edir ki, alıcılar ilk öncə meyvəni tanımadığı və qiymətin yüksək olduğunu deyiblər. Amma bunun da öz səbəbləri var.

“Bu, olduqca “şıltaq” bitkidir və çətin ərsəyə gəlir. Bir kilo bitkidən birinci ildə maksimum 300-400 qram yığmaq olar. Bu giləmeyvənin əziyyəti də çoxdur. Bütün işlər əl ilə görülür. Meyvə azot sevmədiyi üçün yetişdirilməsində heç bir gübrədən istifadə edilmir. Tamamilə orqanikdir”, - deyə plantasiya sahibi açıqlayıb.

Giləmeyvə xərçəng, şəkər və göz xəstəliklərinin müalicəsində istifadə edilir. Tərkibində digər giləmeyvələrlə müqayisədə antioksidant daha çoxdur.

Hal-hazırda isə plantasiyada 25-ə yaxın insan çalışır. Əhmədov gələcəkdə bazar qiymətini aşağı salmaq və giləmeyvəni bir deyil, üç mövsümdə təklif etmək üçün 10 hektar torpaqda cır mərsin əkməyə başlayıb. Gələcəkdə isə Azərbaycan üçün qeyri-adi olan digər giləmeyvələri yetişdirməyi planlaşdırır.

867

Medalın əks tərəfi: Bakı koronavirusun ciddi olduğunu nəhayət anlayıb

160
(Yenilənib 11:24 08.07.2020)
Azərbaycanda qısaca “azad nəfəs” dönəmindən sonra sərt karantin rejimi dəyişmədən qalır. Televizordan isə yalnız koronavirus xəbərlərini eşidirik. Bəs insanlarımız bu virusun doğrudan da təhlükəli olduğuna inanmağa başlayıblarmı?

Son ay ərzində koronovirusa yoluxanların sayı gün ərzində 500-dən aşağı enmək bilmir.  Yalnız bir-iki ay öncə Azərbaycanda ən populyar ifadə “koronavirus boş şeydir” idisə, son zamanlarda vəziyyət tamamilə dəyişib.

Artıq hər kəsin ətrafında yoluxanlar, vəziyyəti ağırlaşanlar var. Təəssüf ki, tanıdıqlarımız arasında ölüm xəbərini almağa da başlamışıq. Deyəsən, nəhayət, Bakı pandemiyanın real, koronanın isə doğrudan da təhlükə olduğunu anlamağa başlayıb.

Ölkədə isə karantin rejimi yenidən uzadılıb və sərtləşdirilib. Əhalinin tibbi maska taxmağa münasibəti yavaş-yavaş dəyişir. Hər gün ölkənin müxtəlif regionlarında karantin pozulması haqqında cərimə xəbərləri eşidirik, boş yerə evdən bayıra çıxmamağa çalışırıq.

Sputnik Azərbaycan isə bu zamanlarda şəhərdəki vəziyyəti müşahidə etməyi qərara alıb. Daha ətraflı - videomuzda.

160
Dərslərini etdən məktəbli, arxiv şəkli

Sizin əlinizdədir! Uşaqların riyazi bacarıqları valideynlərin davranışından asılıdır

0
(Yenilənib 00:35 10.07.2020)
Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu infomasiyaları riyazi testlərin nəticələri ilə uyğunlaşdırıb.

BAKI, 9 iyul — Sputnik. Böyük Britaniyanın Uels universitetinin nümayəndələri uşaqların elmə, eyni zamanda riyazi elmlər üzrə bacarıqlarını artırma yollarını müəyyən edib.

Sputnik Azərbaycan xarici mətbuata istinadla xəbər verir ki, araşdırmaya 1991-ci il aprelin 1-dən 1992-ci il dekabrın 21-nə qədər doğulan uşaqlar cəlb edilib.

Müəyyən edilib ki, öyrənmə bacarığına ailə vəziyyəti birbaşa təsir edir.

Alimlər uşaqların hansı şəraitdə yaşadığını və valideynləri ilə münasibətlərinin necə olduğunu araşdırıb və bu informasiyaları riyazi testlərin nəticələri ilə uyğunlaşdırıblar.

Araşdırma müəllifləri müəyyən ediblər ki, uşaqları ilə harmoniya ilə işləməyi bacaran valideynlərin uşaqları böyük nailiyyətlər əldə edə bilirlər. Buna validyenlərin təhsil səviyyəsi də təsir edir.

Daha əvvəl isə alimlər ətirli çubuqların daha effektiv təhsil almağa təsir etdiyini açıqlamışdı. Müəyyən edilmişdi ki, məşğələ zamanı məkanın qızılgül ətirli olması uşaqlara daha çox motivasiya verir.

0