Ramazan bayramından öncə fitrə necə çıxarılmalıdır Video

101
(Yenilənib 11:14 23.05.2020)
Qafqaz Müsəlmanları İdarəsinin verdiyi fətvaya görə, Ramazan bayramı may ayının 24-də qeyd ediləcək. Bayramdan bir gün öncə isə evdən fitrə zəkatı çıxarılmalıdır. Bunun necə edildiyini videomuzda izləyin.

Dünya müsəlmanlarının müqəddəs Ramazan ayı Azərbaycanda aprel ayının 25-də başlayıb. On bir ayın sultanı adlandırılan ay İd-əl-Fitr bayramı ilə yekunlaşır. O, Ramazan ayının son günü qürubdan sonra başlayır və üç gün davam edir.

Günün ən gözlənilən anı: Ailə ətrafında iftar axşamı – VİDEO
© Sputnik. İlham Mustafa / Leyla Orucova / Kamilla Əliyeva

Bayramdan bir gün öncə isə hər müsəlman öz evindən ailə üzvlərinin sayına görə fitrə zəkatı çıxarmalıdır. Teoloq Hacı Adil Hüseynoğlu Sputnik Azərbaycan-a fitrənin necə çıxarılmalı olduğunu izah edib.

“Hər adam başına fitrə zəkatı ən azı üç kilo buğdanın mövcud qiymətinə bərabər olmalıdır, bu isə 1.50 manat edir və onun verilmə vaxtı da bayram namazını qılana qədərdir”, - deyə teoloq bildirib.

Buna baxmayaraq, teoloqlar iddia edir ki, özləri maddi cəhətdən çətin vəziyyətdə olan ailələr fitrə zəkatından azad edilir.

Ramazan bayramı adətən məscidlərdə bayram namazı ilə qeyd edilir, amma ölkədə karantin rejimi ilə bağlı olaraq məscidlər bu il bağlı olacaq.

101

ABŞ Rusiyanı Minneapolis etirazlarında əli olmaqda günahlandırır

6
(Yenilənib 16:21 02.06.2020)
ABŞ-da afroamerikalı Corc Floydun ölümünün səbəb olduğu genişmiqyaslı etiraz aksiyaları bitmək bilmir. Floyd mayın sonunda Minnesota ştatının Minneapolis şəhərində polis tərəfindən tutulan zaman ölüb.

Bu insident bütün ölkə üzrə etiraz aksiyalarına səbəb olub. Artıq bir neçə gündür ki, yüzlərlə insan Minneapolis, Nyu-York, Vaşinqton və ABŞ-ın digər böyük şəhərlərində polis özbaşınalığına qarşı etiraz olaraq küçələrə axışıb. Bir çox yerdə dinc nümayişlər tez bir zamanda iğtişaş və polislə qarşıdurmayla sonuclanıb. İştirakçılar talan törədir, mağazaları soyur, vitrinləri qırır və zibil qablarını yandırırlar. Etirazlar zamanı hətta RİA Novosti-nin müxbiri Mixayıl Turgiyev xəsarət alıb. Və bu səbəbdən Rusiya səfirliyi Dövlət Departamentinə nota ünvanlayıb.

Eyni zamanda, ABŞ-ın bir çox ştatında Milli Qvardiya polisin köməyinə gəlib. Amma nə onlar, nə rezin güllələr, nə də bibər qazı etirazları yatırmağa qadir olmayıb. Bu fonda isə Barak Obamanın keçmiş məsləhətçisi Syuzan Rays burada belə Rusiyanı ittiham etməyə çalışıb. Moskvanın bu dəfə nəyə görə günahlandırıldığını və bütün bunlara Donald Trampın bunkerinin necə aid olduğunu videomuzdan öyrənin. 

6

Azərbaycanlı "Edison": onun ixtirası minlərlə həyatı qurtara bilər VİDEO

109
(Yenilənib 15:19 02.06.2020)
Zaqatalalı energetik kombi istilik sistemini sadəcə smartfon vasitəsilə idarə etməyin üsulunu tapıb. Onun buna necə nail olduğunu videomuzda izləyin.

Zaqatala sakini, 44 yaşlı Sahib Şahmalıyev uşaqlıq illərindən texnikaya böyük maraq göstərib. İndi isə artıq energetika mühəndisi olan zaqatalalı kombi istilik sisteminin kənardan idarə edilməsi üsulunu yaradıb. Sistemin özəyini Wi-Fi-a qoşulmuş modullar təşkil edir.

“Ehtiyac olduqda smartfonun monitorundan həm dərəcəni artıra, həm azalda bilirik. Qış-yay rejiminə keçid edirik. Ehtiyac qalmayanda isə tamamilə söndürürük. Bu modullar vasitəsilə biz həm kombi sistemini, həm də istənilən energetik qurğunu hansı ərazidə yerləşməsindən asılı olmayaraq idarə edə bilirik”, - deyə mühəndis bizimlə bölüşüb.

Modulun əsas elementi xüsusi mikroçiplərdir. Proqram platformasında 54 kilobaytlıq kodlaşma hazırlanaraq, çiplərin yaddaşına köçürülüb. İki model çipi internet şəbəkəsində körpü vasitəsilə bir-biri ilə əlaqələndirilib.

Mühəndis iddia edir ki, bu cür qurğu vasitəsilə qaz sızması və elektrik sahəsində baş verən nasazlıqların yol açdığı ağır fəsadların, partlayış və yanğınların qarşısı alına bilər.

Sahib Şahmalıyev tətbiq etdiyi yenilikdə hər hansı bir qazanc güdmür. O, sistemin ona 300-400 manat civarında başa gəldiyini vurğulayıb.

109
Sumqayıt Kimya Sənaye Parkında tibbi maska istehsalı müəssisəsinin əməkdaşı, arxiv şəkli

Keçəlin dərmanına möhtac qalmaq: sovetin "havası" başımızdan vaxt çıxacaq?

0
(Yenilənib 20:08 02.06.2020)
Azərbaycanda maska və şpris istehsal edən müəssisələrin açılması bu sahədə sənayenin başlanğıcı olmalıdır.

Zülfiyyə Quluyeva, Sputnik Azərbaycan

BAKI, 2 iyun — Sputnik. Koronavirus pandemiyası dövründə Azərbaycanda tibbi maska və kombinezon istehsal edən iki müəssisə fəaliyyətə başladı. SARS-CoV-2 koronavirusunun yayılması bir daha Azərbaycanda tibbi sənayenin inkişafının zəruri olduğunu ortaya çıxartdı. Bəs görəsən, ölkəmizdə tibbi sənaye hansı istiqamətdə inkişaf etdirilməlidir?

Professor Adil Qeybulla Sputnik Azərbaycan-a açıqlamasında bildirib ki, son aylarda tibbi sənaye sahəsində dirçəliş olsa da, bu, hələ yetərli sayıla bilməz: "Azərbaycanda bu gün həyati əhəmiyyət kəsb edən, ən vacib dərman preparatları belə istehsal edilmir. Tibbi sənayenin inkişafı ölkəmiz üçün çox vacibdir. Koronavirus pandemiyası göstərdi ki, biz tibb sahəsində ən bəsit tibbi ləvazimatları istehsal etmirik. Maska, şpris kimi tibbi ləvazimatlara görə xaricdən asılıyıq. Bu gün ağrıkəsici bəsit inyeksiya vasitələrini xaricdən idxal edirik".

A.Qeybulla bildirir ki, Sovet dövründə də Azərbaycanda tibbi sənaye inkişaf etməyib:

"Sovetlər birliyində də bizim dərman vasitələrinə tələbatımızı Belarusiya, Ukrayna ödəyirdi. Artıq Azərbaycan müstəqil dövlətdir. Tibb sənayesinin inkişafına maraqlı olmalıdır. Bunun üçün xaricdən investor cəlb edilməli, sərmayə qoyulmalıdır. Çox təəssüf ki, ölkəmiz tibbi sənayenin inkişafında çox geri qalıb. Azərbaycanda maska və şpris istehsal edən müəssisələrin açılması bu sahədə sənayenin başlanğıcı olmalıdır. Xarici ölkələrdə dərman istehsal edən məşhur şirkətlərlə müqavilə bağlanmalı, ölkəmizdə tibbi sənayenin inkişafına iri həcmli sərmayə qoyulmalıdır".

Professorun sözlərinə görə, tibbi sənayenin inkişafı üçün kadr hazırlığı da aparılmalıdır: "Azərbaycanda əczaçılıq sahəsində kadr hazırlanmalıdır. Çünki bu sahədə yetişən kadrların çoxu yaşlanıb. Tibb Universitetində bu sahə üçün ixtisaslı kadr hazırlanmalıdır".

Deputatlarımız nöqtəni qoydular: əməl etməsəniz, 100 manatla vidalaşın>>

İqtisadçı Samir Əliyev isə tibbi sənayenin inkişafına nail olmaq üçün bir sıra işlər görülməli olduğunu söyləyir. O, Sputnik Azərbaycan-a açıqlamasında bildirib ki, tibbi sahədə idxaldan böyük asılılıq var: "Ən sadə texnologiya tələb edən maskanın istehsalına biz təzə-təzə başlayırıq. Hansı ki, bunun istehsalında yüksək texnoloji avadanlıq tələb olunmurdu. Azərbaycan çalışmalıdır ki, tibbi ləvazimatlarla bağlı idxaldan asılılıq azalsın. Neft emalından alınan tullantılardan analiz və dərman qutularının istehsalına başlaya bilərik. Bu gün bizim universitetlər bunun üçün kadr da hazırlamalıdır. Bəzi dərmanlar var ki, onları ölkəmizdə istehsal edə bilərik. Pandemiya onu göstərdi ki, idxaldan asılılıq bizə çox böyük problem yaradır. Bu problemi aradan qaldırmaq üçün isə bazar münasibətləri formalaşmayıb.

Dərmanların qiymətlərinin bazar tərəfindən tənzimlənməsi Azərbaycanda tibbi sənayenin inkişafına, dərman istehsalına mane olur. Dərmanların qiymətinin tənzimlənməsi insanlar üçün yaxşıdır. Bu, biznesin inkişafına problem yarada bilər. Amma biz çalışmalıyıq ki, bu biznes səmərəli biznesə çevrilsin. İstənilən sənayenin bazarları axtarılmalıdır. Dövlət biznes mühiti yaratmalıdır ki, iri sahibkarlar problemlə üzləşməsinlər.

Sahibkarların ucuz kreditlərə əlçatanlığı təmin edilməlidir. Yalnız bundan sonra biz tibbi sənayenin inkişafı, bu sahəyə investorların cəlbindən danışa bilərik. Əks halda, biz hələ illərlə ən sadə tərkibli dərmanları, dərman ləvazimatlarını xaricdən idxal etməli olacağıq".

0
Əlaqədar
Azərbaycanda COVID19-un müalicəsində istifadə olunan dərmanlar açıqlandı
Xoş, çox xoş xəbər var: Dərman tapılıb!   
Bəla evimizə girib, dərmanını isə bilmirik – Hərə bir söz deyir
Koronavirus əleyhinə dərman təsdiq edilmədi – Sübut yoxdur
Bu dərman vasitələri 5 il yerli mal sayılacaq - Fərman