Real olmasa da, məktəb: Şagirdlər hər gün dərsə necə "gedirlər"

174
(Yenilənib 11:33 21.05.2020)
Artıq iki aydan çoxdur, məktəblər şagirdsiz qalıb, müəllimlər auditoriyasız, uşaqlar isə ünsiyyətsiz. Bütün təhsil yalnız onlayn formada aparılır. Virtual məktəbdə dərslərin necə aparıldığını videomuzda izləyin.

Artıq üç aya yaxındır ki, koronavirus pandemiyası ölkəni məktəbləri bağlamağa vadar etdi. Düzdür, bunun ilk bir neçə həftəsini uşaqlar sevinclərini gizlədə bilmirdilər, axı məktəbə getmək lazım deyil. Dərslər də yoxdur... Xeyr, var. 

Bu müddət ərzində Azərbaycan təhsili tamamilə onlayn platformaya keçid etməli oldu. Öncələr işlənmiş platformalar sınaqdan keçirildi və qısa müddət ərzində yeni həllər tapılmalı oldu. Beləliklə, bütün ölkə üzrə Virtual Məktəb layihəsi işə düşdü.

Teledərslərdən fərqli olaraq bu məktəbin əsas üstünlüyü şagird və müəllim arasında virtual da olsa, canlı ünsiyyətin olmasıdır. Şagirdlər hər gün üç dərsə “gedir”, öncədən tərtib edilmiş cədvəl üzrə dərslərə hazırlaşır, dərs tapşırıqlarını da proqramdaca həll edirlər.

Ən böyük mənfi tərəfi isə bütün ölkənin onlayn platformalara keçid etməsilə zəifləyən internet bağlantısıdır. Hərdən videogörüntü donur, səs qırıq-qırıq gəlir. Bəzi şagirdlərin, xüsusilə də ucqar kəndlərdə yaşayanların, internetə girişi olmadığına görə onlar tamamilə bu proqramdan təcrid edilmiş vəziyyətdə qalır.

Amma bir şey aydındır. Hətta öncələr məktəbə həvəssiz gedən, hər həftə bir-iki gün “qızdırması olan” şagirdlər belə indi yenidən məktəb partası arxasına keçməkdən ötrü çox darıxıblar. Çünki real ünsiyyəti heç bir yenilik əvəz edə bilməz.

174
(2:02 / 12.63Mb / просмотров видео: 111)

Atəşkəs Tərtərə dinclik gətirmədi: Rayon dağıntılar içində qalıb VİDEO

106
(Yenilənib 17:28 27.10.2020)
Ermənistan SQ növbəti dəfə atəşkəsi pozaraq yaşayış məntəqələrimizi atəşə tutmağa davam edir. Tərtər şəhərinin dünən axşam “Smerç” yaylım atəşli reaktiv sistemindən atəşə tutulmasından sonra necə göründüyünü videomuzda izləyin.

Dağlıq Qarabağda artıq sayca üçüncü humanitar atəşkəs oktyabrın 26-da saat 08:00-da başlamalı idi. Amma Ermənistan SQ yenidən atəşkəsə məhəl qoymur.

Xüsusilə də Tərtər rayonu ağır artilleriyadan və toplardan atəşə tutulur. Ötən gün axşam saatlarında rayonun yaşayış məntəqələri raketlərdən də atəşə tutulub. Ən çox atəşə məruz qalan yaşayış məntəqələri Qapanlı, Qazyan, Hüsənli, Düyərli, Səhləbad kəndləri və rayon mərkəzidir.

Şəhər mərkəzinə düşmüş raket xeyli zərər yetirib, evi darmadağın edib, yaşamağa yararsız hala salıb. Ötən gün saat 18 radələrində Düyərli kənd sakini İsgəndər Həsənovun həyətinə atılan raket xoşbəxtlikdən partlamayıb. Digəri isə Nazim Quliyevin həyətinin aşağı hissəsinə düşərək partlayıb.

Kənd sakinləri yekdilliklə bildiriblər ki, Ermənistan SQ heç bir halda atəşkəsə məhəl qoymayıb, rayonu, dinc sakinləri atəşə tutmağa davam edib.

106
Teqlər:
atəş, Tərtər, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
(2:07 / 16.42Mb / просмотров видео: 156)

Bir ay cəbhədə: Bakılılar əsgərlərimizə arzulamaq istədilər video

110
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

110
Mövzu:
Azərbaycan və Ermənistan arasında müharibə

Türkiyə Azərbaycan münaqişə ilə bağlı son prosesləri müzakirə etdilər

0
(Yenilənib 10:30 28.10.2020)
Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla Dağlıq Qarabağ münaqişəsini və son prosesləri müzakirə ediblər.

BAKI, 28 oktyabr — Sputnik. Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla telefonla danışıb.

Sputnik Azərbaycan xəbər verir ki, bu barədə Türkiyə XİN məlumat yayıb.

Məlumatda bildirilir ki, nazirlər telefon danışığında Dağlıq Qarabağ münaqişəsini və son prosesləri müzakirə ediblər.

0
Əlaqədar
Ceyhun Bayramovla Mövlud Çavuşoğlu növbəti erməni barbarlığını müzakirə etdilər
Mövlud Çavuşoğlu Moskva görüşü barədə: Azərbaycanın verdiyi qərarları dəstəkləyirik
Mövlud Çavuşoğlu azərbaycanlı həmkarı ilə son prosesləri müzakirə etdi
Çavuşoğlu Bayramova başsağlığı verdi, dəstəyini bildirdi
Çavuşoğlu Bayramovla danışdı: mövzu yenə Qarabağ