Bakı restoranlarının “B Planı” yoxdur: pandemiya zamanı bizneslər sağ qalmağa çalışır

56
(Yenilənib 16:14 20.05.2020)
Koronavirus pandemiyası turizm sahəsini çökdürüb desək, yanılmarıq. Ən çox əziyyət çəkən sahə isə restoran biznesidir. Uzunmüddətli karantindən sonra restoranların necə sağ qalmağa çalışdığını videomuzda izləyin.

May ayının 18-dən etibarən uzunmüddətli fasilədən sonra Bakı kafe və restoranları yenə də öz qapılarını paytaxt sakinlərinin üzünə açıb. Amma hər şey səsləndiyi qədər asan deyil. Onlar yalnız səhər 8-dən axşam 6-ya qədər işləyə bilər. Onlara qarşı qoyulan tələblər də az deyil. Pandemiya şəraitində əlavə sanitar qaydalara riayət edilməli, qonaq sayı və onlar arasında məsafənin olmasını da diqqət altında saxlanılmlıdır.

Bu müddət ərzində bir çox iaşə obyekti “sağ qalma” rejiminə keçməli oldu. Bəziləri çarəni çatdırma xidmətini işə salmaqda gördü. Bəziləri isə müflisləşmə həddinə çatdı.

Sputnik Azərbaycan paytaxt mərkəzində yerləşən “Qaraj” pabının sahibi Zaur Novruzovun sözlərinə görə onlar bağlı qaldıqları müddəti təmir və yenilənmə işlərinə həsr edib.

“Müştərilərimiz əsasən xaricilərdir və onlar da 6-ya qədər işdə olurlar. Buna görə də yalnız 6-ya qədər işləmək mümkünsüz görünür. Nə edək, hələ ki işimiz sağ qalmaqdır” - deyə Zaur bizimlə bölüşüb.

Bir şey aydındır. Pandemiya restoranlar üçün əsl sınağa çevrilib. Onların bu sınaqdan necə keçəcəklərini isə yalnız zaman göstərəcək.

56
(2:02 / 12.63Mb / просмотров видео: 111)

Atəşkəs Tərtərə dinclik gətirmədi: Rayon dağıntılar içində qalıb VİDEO

105
(Yenilənib 17:28 27.10.2020)
Ermənistan SQ növbəti dəfə atəşkəsi pozaraq yaşayış məntəqələrimizi atəşə tutmağa davam edir. Tərtər şəhərinin dünən axşam “Smerç” yaylım atəşli reaktiv sistemindən atəşə tutulmasından sonra necə göründüyünü videomuzda izləyin.

Dağlıq Qarabağda artıq sayca üçüncü humanitar atəşkəs oktyabrın 26-da saat 08:00-da başlamalı idi. Amma Ermənistan SQ yenidən atəşkəsə məhəl qoymur.

Xüsusilə də Tərtər rayonu ağır artilleriyadan və toplardan atəşə tutulur. Ötən gün axşam saatlarında rayonun yaşayış məntəqələri raketlərdən də atəşə tutulub. Ən çox atəşə məruz qalan yaşayış məntəqələri Qapanlı, Qazyan, Hüsənli, Düyərli, Səhləbad kəndləri və rayon mərkəzidir.

Şəhər mərkəzinə düşmüş raket xeyli zərər yetirib, evi darmadağın edib, yaşamağa yararsız hala salıb. Ötən gün saat 18 radələrində Düyərli kənd sakini İsgəndər Həsənovun həyətinə atılan raket xoşbəxtlikdən partlamayıb. Digəri isə Nazim Quliyevin həyətinin aşağı hissəsinə düşərək partlayıb.

Kənd sakinləri yekdilliklə bildiriblər ki, Ermənistan SQ heç bir halda atəşkəsə məhəl qoymayıb, rayonu, dinc sakinləri atəşə tutmağa davam edib.

105
Teqlər:
atəş, Tərtər, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
(2:07 / 16.42Mb / просмотров видео: 156)

Bir ay cəbhədə: Bakılılar əsgərlərimizə arzulamaq istədilər video

110
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

110
Mövzu:
Azərbaycan və Ermənistan arasında müharibə

Türkiyə Azərbaycan münaqişə ilə bağlı son prosesləri müzakirə etdilər

0
(Yenilənib 10:30 28.10.2020)
Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla Dağlıq Qarabağ münaqişəsini və son prosesləri müzakirə ediblər.

BAKI, 28 oktyabr — Sputnik. Türkiyə Xarici İşlər Naziri Mövlud Çavuşoğlu Azərbaycan Xarici İşlər Naziri Ceyhun Bayramovla telefonla danışıb.

Sputnik Azərbaycan xəbər verir ki, bu barədə Türkiyə XİN məlumat yayıb.

Məlumatda bildirilir ki, nazirlər telefon danışığında Dağlıq Qarabağ münaqişəsini və son prosesləri müzakirə ediblər.

0
Əlaqədar
Ceyhun Bayramovla Mövlud Çavuşoğlu növbəti erməni barbarlığını müzakirə etdilər
Mövlud Çavuşoğlu Moskva görüşü barədə: Azərbaycanın verdiyi qərarları dəstəkləyirik
Mövlud Çavuşoğlu azərbaycanlı həmkarı ilə son prosesləri müzakirə etdi
Çavuşoğlu Bayramova başsağlığı verdi, dəstəyini bildirdi
Çavuşoğlu Bayramovla danışdı: mövzu yenə Qarabağ