Üzünüzü görək: ilin sonuna qədər maskada? SORĞU

72
(Yenilənib 16:21 19.05.2020)
Ölkə üzrə xüsusi karantin rejimi tədricən yumşalır, amma ictimai yerlərdə maska taxmaq vacibdir. Bakılılar bu qaydaya necə yanaşır? Apteklərdə yenə maska qıtlığı varmı? Bu suallara videomuzda cavab tapın.

Nazirlər Kabineti yanında Operativ Qərargahın qərarı ilə karantin rejimi mayın 31-nə qədər uzadılıb.

Buna baxmayaraq, 9 maydan etibarən Bakı metropoliteni yenidən öz qapılarını sərnişinlərə açıb. Mayın 18-dən isə xüsusi karantin rejimi xeyli yumşaldılıb – kafelər, restoranlar, parklar artıq açıqdır. Yaşı 65-dən yuxarı olanların evdən çıxmasına qadağa da artıq yoxdur.

Buna baxmayaraq, metro və avtobuslarda, xəstəxana və dövlət strukturlarında, bir sözlə? ictimai yerlərdə maska taxmaq vacibdir. Cərimələr tətbiq edilmir, amma bu yerlərə maskasız buraxmaya bilərlər. Bakı sakinləri isə bu müddət ərzində maska taxmağa alışdıqlarını deyirlər və bundan sonra da maskada gəzməyə etiraz etmirlər.

Apteklərdə maskaların olmaması problemi də artıq yoxdur. Yerli maska istehsalı tənzimlənib və maskalara sabit qiymət qoyulub – ortalama 30 qəpik.

Karantin rejimi yumşaldılsa da, ayın axırına qədər qüvvədədir. Ticarət mərkəzləri və təhsil ocaqları bağlı olaraq qalır. Azərbaycanda hər gün virusa yoluxanların sayı üçrəqəmli ədədlə ölçülür. Bu səbəbdən evdə qalmasanız da, maska taxmağa çalışın.

72

Sülhməramlı kontingent üçün növbəti maddi-texniki təminat vasitələri gətirilib - VİDEO

18
(Yenilənib 21:01 30.11.2020)
Azərbaycan Müdafiə Nazirliyindən bildirilib ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

Azərbaycanın Dağlıq Qarabağ bölgəsində yerləşdirilən Rusiya sülhməramlı kontingenti üçün noyabrın 30-da növbəti maddi-texniki təminat vasitələri ölkəmizə gətirilib.
Sputnik Azərbaycan Müdafiə Nazirliyinə istinadən bildirir ki, dəmir yolu ilə gətirilən yük müəyyən olunmuş marşrut üzrə təyinat məntəqəsinə çatdırılıb

18
Teqlər:
dəmiryolu, Rusiya, Azərbaycan, sülhməramlılar

Vətənə qayıdıb hər şeyi bərpa edəcəyəm: Kəlbəcərli meşəbəyinin özünə verdiyi söz video

24
(Yenilənib 11:06 30.11.2020)
Kəlbəcərdə 20 ildən artıq meşəbəyi işləyən Vaqif İmranov öz doğma vətəninə qayıdıb oradakı meşələri bərpa etmək istəyir. Daha ətraflı videomuzda izləyin.

Kəlbəcər deyəndə, gözümüzün önünə qızıl yataqları, sıx meşələr, qiymətli ağaclar gəlir. Ermənilər isə bu torpaqları tərk edərkən bu cənnəti məhv etməyə, oksigen mənbəyini tələf etməyə çalışıblar.

22 il Kəlbəcərin Əsrik kəndində meşəbəyi işləyən Vaqif İmranov bildirir ki, onun bir vaxtlar nəzarət etdiyi meşəlik ərazilər qiymətli ağaclarla zəngin olub. Onun öz əlləri ilə və məktəblilərlə birgə əkib-becərdiyi ağaclar hal-hazırda yandırılıb məhv edilir. Amma Vaqif kişi tezliklə doğma elinə qayıdıb yenidən həmin meşələri bərpa etmək fikrindədir.

Qışda qarlı mənzərəsi, yayda sərin meşələri, bulaqları ilə seçilən Kəlbəcərə ölkənin bütün bölgələrindən insanlar axışırdı. Çay kənarında çadırlar qurub, təbiətin mənzərəsini seyr edirdilər.  Sevincləri hədsiz olan kəlbəcərlilər doğma yurdlarına qayıtmağa tələsirlər. O gün isə artıq uzaqda deyil.

24
Azərbaycan hərbçiləri, arxiv şəkli

Müzəffər Azərbaycan Ordusu Laçında! - VİDEO

81
(Yenilənib 00:21 01.12.2020)
Üçtərəfli bəyanata əsasən Müzəffər Azərbaycan Ordusunun bölmələri dekabrın 1-də Laçın rayonuna daxil olub.

BAKI, 01 dekabr - Sputnik. Azərbaycan Respublikası, Rusiya Federasiyası Prezidentləri və  Ermənistan Respublikası baş nazirinin imzaladığı üçtərəfli bəyanata əsasən, Azərbaycan Ordusunun bölmələri dekabrın 1-də Laçın rayonuna daxil olub.

Sputnik Azərbaycan bildirir ki, məlumatı və müvafiq videonu Azərbaycan Müdafiə Nazirliyi yayıb.

 

81
Teqlər:
Azərbaycan ordusu, Azərbaycan, Qarabağ, Laçın