Məktəb davam edir, amma yeni formatda Teledərs layihəsi necə ərsəyə gəlir

56
(Yenilənib 14:59 13.05.2020)
Artıq iki aydan çoxdur ki, bütün ölkədə koronavirus məktəblərimizi şagirdsiz qoyub. Bu şəraitdə Təhsil Nazirliyi müxtəlif digər platformalar təklif etməyə çalışır. Bunlardan biri olan Teledərs layihəsinin necə ərsəyə gəldiyini videomuzda izləyin.

Mart ayının 3-dən etibarən Azərbaycanın bütün təhsil ocaqlarında dərslər dayandırılıb. Məhz bu şəraitdə şagird və tələbələrin öz təhsilini yarımçıq qoymaması üçün Təhsil Nazirliyi müxtəlif yeni platformalar təklif etməyə başlayıb. Bunlardan biri olan Teledərs layihəsi mart ayının 11-dən etibarən Mədəniyyət Kanalında həftədə beş gün, gündə altı saat olaraq göstərilir.

Layihənin arxa cəbhəsində də iş eynilə qızğındır. Çox qısa müddət ərzində Təhsil Nazirliyi təcrübəli komanda yığmağa nail olmuşdur. Layihə üzərində həftənin 5 günü, hər gün 6-7 saat olmaqla qızğın iş gedir. Komanda hər gün həm Azərbaycan, həm rus bölmələri üçün 50-yə yaxın yeni dərs çəkir, onları yerindəcə montaj edir. Maraqlısı odur ki, fizika, riyaziyyat, ana dili kimi əsas fənlərdən başqa, rəsm, informatika kimi ikinci dərəcəli dərslər də əhatə edilib. Texniki dərslər üzrə eksperimentlər də yaddan çıxmayıb.

Təhsil Nazirliyinin İctimaiyyətlə əlaqələr sektorunun müdiri Cəsarət Valehovun sözlərinə görə, layihə kifayət qədər yaxşı reaksiya doğurub.

“Biz həm də əlavə monitorinqlər aparırıq. Biz həm verdiyimiz mesajları dəyərləndirə bilirik, eyni zamanda nəyi daha düzgün və insanlar üçün daha əlçatan etməli olduğumuzu anlayırıq”, - deyə Cəsarət bəy bizimlə bölüşüb.

Ümumi və məktəbəqədər təhsil şöbəsinin müdiri Vəfa Yaqublu isə bu layihənin gənc müəllimlər üçün nəhəng inkişaf imkanı olduğunu deyib.

“Müəllimlərimizin əsas kontingenti təcrübəli pedaqoqlardır. Amma gənc müəllimlər də öz təşəbbüsü ilə layihəyə qoşulmaq istəyiblər. Biz böyük məmnuniyyətlə onları qəbul edirik. Çünki onlar özlərini kənardan müşahidə etmək və daha təcrübəli pedaqoqlardan öyrənmək imkanı əldə etmiş olurlar”, - deyə Vəfa xanım öz fikirlərini bizimlə bölüşüb.

Təhsil Nazirliyi post-karantin müddətində də layihəni davam etdirəcəklərini istisna etmir. Qeyd edək ki, dərslər həftənin 5 günü saat 10-dan 16-dək “Mədəniyyət” kanalında “Dərs vaxtı” verilişində xüsusi cədvəl üzrə yayımlanır.

56
(0:49 / 5.85Mb / просмотров видео: 3)

Dağıdılmış qəbir daşları Ağcabədi məzarlığının atəşə tutulandan sonrakı videosu

2
Bu gün səhər saatlarından Ermənistan Silahlı Qüvvələri humanitar atəşkəs rejimini pozmaqda davam edib. Atılan mərmilərdən biri İmamqulubəyli kənd qəbiristanlığına düşüb.

Ağcabədinin Hacılar, Qiyaməddinli, Boyat, Arazbar və İmamqulubəyli kəndləri ağır artilleriyadan intensiv atəşə tutulub. Səhər saat 07:00 radələrində atılan mərmilərdən biri İmamqulubəyli kənd qəbiristanlığına düşüb. 7 qəbir daşı dağılıb, xeyli qəbirdə qəlpə izləri əmələ gəlib.

Ağcəbədi atəş altında: Evlər dağınıq, şüşələr paramparça, təsərrüfatlar viran – video >>

Sakinlər Ermənistan Silahlı Qüvvələrinin kəndləri mütəmadi atəşə tutduğunu, lakin heç nədən qorxmadıqlarını bildiriblər.

2
Mövzu:
Azərbaycan və Ermənistan arasında müharibə
(1:09 / 8.84Mb / просмотров видео: 16)

Təki vətən sağ olsun: Ağdamın cəbhə kəndlərinin pambıq yığımı

15
(Yenilənib 13:34 31.10.2020)
Builki pambıq yığımı qoşunların qarşıdurma xəttində gedən döyüş əməliyyatları ucbatından xeyli gecikib. Amma bu, kəndlini narahat etmir. Ətraflı videomizda.

Ağdamın kəndlərində sakinlərin əsas məşğuliyyəti kənd təsərrüfatı məhsullarının istehsalıdır. Təsərrüfat sahiblərinin bir hissəsi də pambıq əkib becərir. Builki yığım mövsümü müharibə vaxtına düşüb. Buna baxmayaraq, fermerlər sahələrdə yığım işlərini həyata keçirirlər.

Təsərrüfat sahibi  Şahmar Rzayev Ağdamın cəbhə kəndlərinin ərazisində 50 hektara qədər pambıq əkib. Yüksək məhsul becərən fermer yığımı davam etdirir. sahələrdən 45 sentinerdən yuxarı məhsul əldə olunacağını deyir. Bunun üçün bütün aqrotexniki qaydalara əməl edib.

Günortaya qədər Ağdama 130-dan artıq mərmi düşüb – VİDEO >>

Düşmənin ağ qızıl tarlalarını ağır artilleriyadan atəşə tutmasına baxmayaraq, rayon ərazisində fəaliyyət  göstərən pambıq qəbulu və emalı məntəqələri kəndlinin məhsulunu sahələrdən toplayır. Bütün xərcləri isə həmin şirkətlər öz hesabına reallaşdırır.

Əgər Ermənistan silahlı qüvvələri terror aktlarından əl çəksə, soyuq havalar gəlmədən pambıq sahələrdən toplanacaq. Əslində havanın qeyri-sabit keçməməsi də bu işi sürətləndirəcək.

15
Mövzu:
Azərbaycan və Ermənistan arasında müharibə