"Nəhayət, qovuşduq" - Bakı Metropoliteni bu gündən yeni qaydalarla işə başladı

652
(Yenilənib 15:53 09.05.2020)
39 günlük fasilədən sonra Bakı Metropoliteni yenidən öz işini bərpa edib. Amma qaydalar əvvəlki kimi deyil – müəyyən məhdudiyyətlər qoyulub. Metropolitenin işinin bərpasının ilk gününü videomuzda izləyin.

Koronavirusla mübarizə çərçivəsində tətbiq edilən başlıca tədbirlərdən biri Bakı Metropoliteninin işinin dayandırılması idi. 39 gün ərzində Bakı əhalisi ən populyar nəqliyyat növündən istifadə edə bilmədi.

Yavaş-yavaş: Azərbaycan karantindən necə çıxır – Video
© Sputnik / Leyla Orucova / Taleh Mahmudov / İlham Mustafa / İlham Əhmədov

Ötən həftə isə karantin 31 maya qədər uzadılsa da, qismən zəiflədi – ticarət obyektləri, bərbər və gözəllik salonları açıldı. Bu gün isə nəhayət Bakı Metropoliteni öz işinə başladı. Amma qaydalar əvvəlki kimi deyil – müəyyən məhdudiyyətlər qoyulub.

Maska taxmadan metrodan istifadə etmək qadağandır. “Maska tapa bilmirəm” deyənlər üçün – metroda fəaliyyət göstərən apteklərdən yerində maska əldə etmək mümkündür. Amma növbə yaratmamaq və sosial məsafəni gözləmək üçün əhaliyə maskaları öncədən əldə etmək tövsiyə edilir.

Sərnişinlər metro stansiyaları ərazisində və qatarlarda sosial məsafəni gözləməlidirlər. Bundan başqa, metro stansiyalarına yalnız SMS icazə, “icaze.e-gov.az” portalında qeydiyyatdan keçməklə, xidməti vəsiqə və ya iş yeri barədə arayışla daxil olmaq olar.

Stansiyaların girişlərində sərnişinlərin hərarəti yoxlanıla bilər. Metronun özü isə gücləndirilmiş iş rejimində fəaliyyət göstərəcək, qatarların hərəkəti minimum intervalla təmin olunacaq.

Sosial məsafənin qorunmasını təmin etmək üçün stansiya və qatarlardakı oturacaqlarda məlumatlandırıcı işarələr, stansiyaların giriş sahələrində istiqamətləndiricilər qoyulub.

Metronun iş qrafiki isə dəyişmədən qalıb – səhər 6-dan gecə 12-yə qədər. Metro gündə 3 dəfə dezinfeksiya edilir, ventilyasiya sistemi isə tamamilə yenilənib.

Bütün görülən bu tədbirlərə baxmayaraq, dəfələrlə bildirilib ki, sosial məsafə saxlanılmasa və metro açıldıqdan sonra infeksiyaya yoluxanların sayı artsa, metro yenidən bağlana bilər.

652

Evlər "Suqovuşan"ın işığı ilə aydınlanacaq - VİDEO

14
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

14
Teqlər:
"Azərenerji" ASC, SES, Suqovuşan

Döyüş yoldaşlarını xilas etmək üçün öz canını qurban verən şəhid video

37
(Yenilənib 11:03 04.12.2020)
Pərvin Salmanzadə əsgər yoldaşlarının darda olduğunu görüb, dostlarının təkidlərini dinləmədən onları xilas etməyə cumub, onların həyatını qurtarıb, özü isə ürəyindən qəlpə yarası olaraq şəhid olub. Onun ailəsinə son sözləri ilə videomuzda tanış olun.

Pərvin Salmanzadə hər gün cəbhədən ailəsinə, dostlarına, uşaqlarına zəng edərdi. Onları ruhlandırar, zarafatlarından da geri qalmazdı. Maraqlıdır ki, bütün tanışları bir ağızdan onun çox zarafatcıl olduğunu deyir. Hətta ilk dəfə cəbhəyə yollanacağını eşidən dostları ona inanmayıb.

Amma inanmalı olublar, çünki Pərvinin sorağı Şuşadan gəlməyə başlayıb. İştirak edəcəyi son Şuşa əməliyyatına yollanmazdan öncə isə anasına zəng edib və ondan halallıq istəyib, üç uşağının anasına əmanət olduğunu söyləyib, sanki anasıyla həmişəlik sağollaşırmış.

Təəssüflər olsun ki, elə də oldu. Bir neçə gün Pərvindən xəbər eşitməyən dostları daha sonra Pərvinin meyitinin Füzulidə olduğunu öyrəniblər. Daha sonra isə Pərvinin komandiri onun anasına zəng edib və hər şeyi olduğu kimi danışıb. Pərvin əsgər yoldaşlarının yaralı olduğunu görüb, arxaya baxmadan onların imdadına qaçıb. Komandiri xilas edərkən isə özü ürəyindən qəlpə yarası olaraq qəhrəmanca şəhid olub.

İndi isə onun ailəsi və yaxınları hər gün onun qəbrini ziyarət edirlər. Pərvin isə bizə arxasınca üç atasız uşaq və azad Şuşanı qoyub getdi

37

Bir neçə şəhər rayonda sərtləşdirilmiş xüsusi karantin rejiminin müddəti uzadıldı

4
Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır

BAKI, 5 dekabr - Sputnik. Azərbaycanda sanitar-epidemioloji vəziyyəti nəzərə alaraq Nazirlər Kabineti yanında Operativ Qərargah bəzi şəhər və rayonlarda sərtləşdirilmiş xüsusui karantin rejiminin müddətinin uzadılmasına dair qərar qəbul edib.

Sputnik Azərbaycan-ın məlumatına görə, bununla bağlı Nazirlər Kabineti “Xüsusi karantin rejimi ilə bağlı əlavə tədbirlər barədə” 336 nömrəli Qərarda müvafiq dəyişiklik edib.

Dəyişikliyə əsasən, Şəki, Lənkəran şəhərlərinin, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarının inzibati ərazisində Qərarın 2 nömrəli əlavəsində nəzərdə tutulan sahələr istisna olmaqla, digər sahələrdə və istiqamətlərdə fəaliyyətin dayandırılmasının müddəti 2020-ci il dekabrın 14-ü saat 06.00-dək uzadılır.

Qeyd edək ki, əvvəl bu müddət dekabrın 7-si saat 06:00-dək müəyyən edilmişdi.

4
Teqlər:
Xaçmaz, Quba, İsmayıllı, Masallı, Cəlilabad, Biləsuvar, Zaqatala, Qax, Lənkəran, Şəki, sərt karantin rejimi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar