Lerikli təqaüdçü müəllim biologiya otağını əsl arxeologiya muzeyinə çevirib

66
(Yenilənib 15:25 25.03.2020)
Lerikin ucqar Blaband kənd orta məktəbinin 79 yaşlı təqaüdçü biologiya müəlliminin ən böyük sevgisi tarixdir. O, rayonuna aid qədim əşyalar toplamaqla məşğuldur.

Əliheydər Əliyev məktəbin biologiya otağını əsl arxeoloji muzeyə çevirə bilib. Artıq 300-ə yaxın eksponat toplamağa qadir olmuş tarix həvəskarının marağı ilk tapıntısını etdikdən sonra daha da artıb.

“Məndə 2 minə yaxın müxtəlif növ heyvanların, həlqəvi qurdların, həşəratların izi olan daş var. Onların hərəsi bir tarixdir. Bu, fakt olaraq qalır”, - deyə təqaüdçü müəllim bizimlə bölüşüb.

Bu işdə artıq kəndin bütün cavanları ona kömək edirlər. Əliheydər kişi özü şəxsən 43 mağarada olub və tədqiqat işləri aparıb. İndi isə onun ən böyük arzusu kolleksiyası üçün ayrıca bina əldə etməkdir. Daha ətraflı videomuzda izləyin.

66

Vaxtında edilmiş ixtira: Cəlilabad sakini azərbaycanlıları su qıtlığından qurtaracaq

1131
(Yenilənib 17:53 07.08.2020)
Cəlilabad sakini istənilən ərazidə işləyə bilən artezian quyusu qazan qurğu hazırlayıb. Qurğunun necə göründüyü və necə işlədiyini isə videomuzda izləyin.

Bir çox rayon sakini üçün artezian quyuları təmiz içməli su probleminin həllidir. Cəlilabad rayonu Günəşli kənd sakini Rövşən Abdullayev istənilən ərazidə işləyə bilən artezian quyusu qazan qurğu hazırlayıb.

Lerik sakinindən yeni ixtira: Artezian quyu qazmaq üçün
© Sputnik / Rahim Zakiroğlu / Leyla Orucova

“Mən buraya yeni köçdüyüm vaxtlarda suya ehtiyac yarandı. Çox vaxt susuz qalırdıq. Bu cihazı özüm düzəltmək fikrinə gəldim. 2018-ci ilin fevral ayından bu qurğunu sınaqdan keçirmişəm və o vaxtdan bəri bir çox suya ehtiyacı olan insanlar üçün quyu qazmışam”, - deyə Abdullayev bizimlə bölüşüb.

Cəlilabadlı ixtiraçı bu cihazı ərsəyə gətirmək üçün 800 manat pul xərcləyib. Bir il ərzində lazım olan detalları toplayıb, qazıcı qurğuları və yeri qazan baltaları isə öz əli düzəldib. Qurğunu dar küçə, məhəllə, hətta dərin xəndəklərin içində asanlıqla quraşdırıb çalışdırmaq mümkündür.

“Qurğu həm 220, həm də 380 volt gərginlik ilə çalışır. Kiçik həcmli olduğundan hər kəs onu çalışdıra bilər. Hal-hazırda 25 metr dərinliyə kimi qazmaq üçün qazma borularım da var”, - deyə usta yekunlaşdırıb.

Usta hər kəsə suyu israf etməməyi və sudan səmərəli istifadə etməyi tövsiyə edir.

1131

Təbii həkim: Azərbaycanda pandemiya dövründə qarağat bağları çoxalır

68
(Yenilənib 18:09 06.08.2020)
Fermerlərimiz qarağat təsərrüfatlarını genişləndirməyi planlaşdırır. Pandemiya dövründə bu giləmeyvəyə olan tələbat getdikcə artır. Plantasiyadan daha ətraflı videomuzda izləyin.

Ağstafanın Qarahəsənli kəndində fermerlər kənd təsərrüfatının ən gəlirli sahələrindən sayılan qarağatı yığırlar. 

Bu rayonda əsasən giləmeyvənin qara rənglisi becərilir. Mərhələli şəkildə yetişdikcə əl ilə bir-bir, yaxud salxım-salxım yığılan qarağat əziyyətlə toplansa da yaxşı qiymətə gedir. Bu səbəbdən fermerlər qarağat bağlarını ildən-ilə genişləndirirlər. 

Pandemiya dövründə isə qarağata olan tələbat daha da artıb. Belə ki, orqanizm üçün faydalı olan bu meyvə insanda immuniteti yüksəltməklə yanaşı, qış üçün də yaxşı azuqələrdən sayılır.

Fermer Məhəmməd Babayev hazırda qarağatın kiloqramının sahələrdə 2 manata, 2 manat 50 qəpiyə satdıqlarını bildirir.

“Azərbaycanda hər bir evdə, demək olar ki, qarağatdan istifadə edilir. Əsasən kompot və mürəbbə hazırlanır. Qiyməti də qane edir. Hətta onlayn şəkildə bizə müraciət edirlər. Çatdırırıq, pulumuzu alırıq”, -  deyə fermer bizimlə bölüşüb.

Lakin fermerlər bu sahədə də çətinliklərin olduğunu, məhsuldarlığa təsir edən ziyanvericilərlə fərdi şəkildə mübarizə edə bilmədiklərini deyirlər. Fermer Süleyman Babayev bunu lazım olan dərmanlardan düzgün istifadə edə bilmədikləri ilə əlaqələndirir.

Fermerlər deyirlər ki, pandemiya dövründə təsərrüfatlarında rahat işləyib öz məhsullarını yığmaqda heç bir çətinliklə üzləşməyiblər. Qarağatdan bu il yaxşı gəlir götürdüklərindən giləmeyvə bağlarını bir qədər də artırmağı düşünürlər.

68
Gürcüstanda əhatəyə alınmış cinayət yeri, arxiv şəkli

Gürcüstanda atışma: evləri oteli yandırdılar, ölən var

0
(Yenilənib 01:18 09.08.2020)
Hadisəyə səbəb Kulikam kəndində 27 yaşlı kişinin qətli olub. Onun qohumları qisas almaq qərarına gəliblər: şəhərdə qarşıdurma və dava başlayıb. Bir nəfər güllə yarası alıb

BAKI, 9 avqust — Sputnik. Gürcüstanın cənubunda Axalkalaki şəhərində (Samsxe-Cavahetiya bölgəsi) gənclərin davası nəticəsində bir nəfər ölüb, bir neçə ev və otel yandırılıb.

Sputnik Gürcüstan xəbər verir ki, vəziyyəti nəzarətə götürmək üçün polisi səfərbər etmək lazım olub. 

Hadisəyə səbəb Kulikam kəndində 27 yaşlı kişinin qətli olub. Onun qohumları qisas almaq qərarına gəliblər: şəhərdə qarşıdurma və dava başlayıb. Bir nəfər güllələnib.

“Axalkalaki rayonunda kriminal hadisə olub, adam ölüb. Bundan sonra kəndlilər şəhərdə toplaşıblar və daha bir kriminal hadisə baş verib. Hadisə yerinə əlavə polis qüvvələri gəlib. Şəhərdə vəziyyətə tamamilə nəzarət olunur. Gərginlik davam edir, amma əlavə polis qüvvələri vəziyyəti nəzarətə götürüblər”, - Samsxe-Cavahetiyanın qubernatoru Besik Amiranaşvili deyib.

Hadisə ilə bağlı Axalkalakidə “qəsdən adamöldürmə” maddəsi ilə cinayət işi açılıb.

 

0