Amerikansayağı Novruz: Azərbaycanı özünə ikinci ev seçmiş ailə bayramı necə qeyd edir

51
(Yenilənib 14:09 21.03.2020)
Frimen ailəsi üçün nahara plov və ya dolma yemək artıq adi hal alıb, çünki onlar çoxdandır Bakını öz evi adlandırır. Novruz bayramının isə onlar üçün xüsusi mənası var. Bu bayramda Sputnik Azərbaycanın onların qonağı olub.

Brent və Cemma Frimen və onların iki qızı (9 yaşlı Cazzi və 7 yaşlı Obri) artıq 4-cü dəfədir Novruzu qeyd edirlər. Onlar üçün papaq atmaq, səməni cücərtmək və bayram süfrəsinə plov bişirmək çoxdandır doğmalaşmış adətlərdən olub.

3 il yarım öncə qızlarına yeni təcrübələr yaşatmaq, yeni mədəniyyətlə tanış etmək üçün ABŞ-dan Bakıya köçən Frimenlər elə ilk gündən cəmiyyətimizin hissəsi olmağa çalışıblar. Və təbii ki, Novruz da onlar üçün xüsusi bayrama çevrilib.

Adətən onlar Novruzu azərbaycanlı dostlarının evlərində keçirir. Öz ailələri ABŞ-da qaldığı üçün buradakı dost-tanışları onlar üçün ikinci ailəyə çevrilib. Cemma ilk dəfə azərbaycanlı ailəsində qonaq olduğu günü yaxşı xatırlayır.

“Masa yeməklə dolu idi. Amerikada bizdə bir böyük boşqab olur. Burada isə üstdəki boşqabı götürür və təmiz boşqaba daha çox yemək qoyurlar. Mənim üçün bu cür yeməklərə qonaq etmək qonaqpərvərlik rəmzidir və Filippindəki ailəmi xatırladır”, - deyə o bizimlə bölüşüb.

Brent üçün isə əsas məqam bu bayramın ailəliklə qeyd edilməsidir. Və o, Novruzu rəmzlərinə görə ABŞ-da qeyd edilən Pasxa bayramına oxşadıb.

Qızlar isə Novruz şirniyyatlarını çox sevirlər və hər il bu bayramı səbirsizliklə gözləyirlər. Bu il isə onlar tonqal üzərindən atlamağı və papaq atmağı planlaşdırırlar.

51

İdman zalı sağlam qidalanma: rus sülhməramlıları Qarabağda necə yaşayır

15
(Yenilənib 10:26 15.01.2021)
Rus hərbçiləri Dağlıq Qarabağda üç blok-modul tipli şəhərcik inşa edib. Orada təhlükəsizliyi təmin etmək və atəşkəs rejiminə nəzarət məqsədi ilə təxminən 400 sülhməramlı yerləşdirilib.

Videodakı kadrlardan da göründüyü kimi yaradılmış infrastruktur hərbçilərə özlərini evlərindəki kimi hiss etməyə imkan verir. Hər belə obyekt avtonom olmaqla yanaşı, istənilən təbii şərait üçün uyğundur.

Modul tipli şəhərcik fasiləsiz elektrik, su və istilik təchizatı ilə təmin olunub. Hərbi şəhərciklərin ərazisində idman zalı, hamam, yeməkxana, istirahət otağı və tibb məntəqəsi də var. Yaşayış hissəsi bütün lazımi mebel və məişət texnikası ilə təchiz edilib.

Yaxın gələcəkdə daha beş belə obyektin inşası planlaşdırılır ki, orada da təxminən 540 hərbçinin yerləşdirilməsi nəzərdə tutulur.

15

Vəzir ailəsinin kəndi görün haldadır: yol var, çay var, adam yoxdur - VİDEO

8
(Yenilənib 14:25 16.01.2021)
Yaşayış məntəqəsi Qarabağ xanları nəslindən olan vəzir və tarixçi Mirzə Camal Cavanşirə (təqr. 1773-1853) məxsus ailələrin məskunlaşması nəticəsində yaranıb və onun adı ilə adlanıb

BAKI, 16 yanvar - Sputnik. Füzuli rayonunun Mirzəcamallı kəndindən videogörüntülər yayılıb. Sputnik Azərbaycan Müdafiə Nazirliyinə istinadən görüntüləri təqdim edir.

Yaşayış məntəqəsi Qarabağ xanları nəslindən olan vəzir və tarixçi Mirzə Camal Cavanşirə (təqr. 1773-1853) məxsus ailələrin məskunlaşması nəticəsində yaranıb və onun adı ilə adlanıb. XVIII əsrdə Türkman, XIX əsrdə Tərəkəmə adlanıb. 1842-ci ildən bəri Mirzə Camal bəy Məhəmmədxan bəy оğlu Hacılı-Cavanşirin adıyla bağlıdır. Kənd Köndələnçayın sahilində, dağətəyi ərazidədir.

Xatırladaq ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb.

Düşmən tərəfindən yaşayış məntəqələrinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüblər.

Azərbaycan Ordusu əks-hücum əməliyyatı başlayandan sonra 44 gün ərzində Qarabağımız düşmən tapdağından azad olunub. Füzuli şəhəri oktyabrın 17-də, bütövlükdə rayon isə noyabrın 7-dək erməni işğalçılarından təmizlənib.

8
Teqlər:
video, işğaldan azad edilmiş ərazilər, kənd, Azərbaycan, Qarabağ, Füzuli
Manat, arxiv şəkli

Yardım dayandırılmayıb - Şahmar Mövsümov

0
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

0