Göründüyü qədər çətin deyil: Novruz süfrəsi üçün badambura resepti

301
(Yenilənib 13:10 17.03.2020)
Novruz bayramını şirniyyatsız təsəvvür etmək olmur. Bu dəfə də biz badambura reseptini təqdim edirik. Hazırlanma qaydası göründüyü qədər çətin deyilmiş. Onun necə hazırlanmalı olduğunu isə videomuzda izləyin.

Bayram həftəsindən sonra 3 ay pəhriz saxlamadınsa, daha o bayramın nə dadı? Elə insanlar var ki, bütün ili Novruz şirniyyatlarını yeməyib, özlərini bayrama saxlayırlar. Bu dəfə də biz, ənənəyə sadiq qalaraq, Novruz süfrəsinə verilən şirniyyatlardan birinin hazırlanma qaydasını təqdim edirik.

Badambura üçün bizə lazımdır:

4 stəkan un, duz, 2 xörək qaşığı şəkər tozu, 2 yumurta, 1 xörək qaşığı üzüm sirkəsi, 2 xörək qaşığı xama, əvvəlcədən ilıq suda isladılmış yaş maya və 100 qram kərə yağı, içlik üçün 200 qram öncədən soyulmuş və azca qızardılmış badam, 180 qram şəkər tozu, yarım çay qaşığı üyüdülmüş hil

Badamburanın hazırlanma qaydasını isə bizim üçün evdar xanım Məhliqə Balıyeva göstərib. Bir çox yeni ailə qurmuş xanım qat-qat xəmirin çətin ərsəyə gəldiyini düşünsə də, Məhliqə xanım bunun o qədər də çətin olmadığını göstərdi.

İlk öncə xəmir yoğrulur və bir saat boyunca acıması üçün qırağa qoyulur. Bu zaman ərzində isə əvvəlcədən soyulmuş (bunun üçün badamları suda isladıb saxlamaq lazımdır) və qurudulub-azca qızardılmış badam çəkilir, şəkər tozu və üyüdülmüş hil əlavə edilərək içlik hazırlanır.

Daha sonra xəmir 8 kündəyə bölünür və kündələr bir-bir açılaraq, araları yağlanmaqla üst-üstə yığılır. 8 lavaşın hamısı bu cür açılandan sonra bunlar bir yerdə rulet halında bükülür və 2 barmaq qalınlığında kəsilir. Daha sonra içlik əlavə edilir və 180 dərəcədə 30 dəqiqə ərzində sobada bişirilir.

Badamburanın addımbaaddım hazırlanma qaydasını isə videomuzda izləyin.

Nuş olsun!

301

Ermənistan ordusunun dinc əhalimizi atəşə tutan bölmələri darmadağın edilir - VİDEO

82
(Yenilənib 20:58 29.10.2020)
Azərbaycan silahlı qüvvələri Ermənistan ordusunun mülki əhalini atəşə tutan birləşmələrinə zərbə endirməkdə davam edir.

Mülki infrastruktur və dinc əhalimizi atəşə tutan düşmən bölmələri Azərbaycan Ordusunun bölmələri tərəfindən darmadağın edilir. Bu barədə videogörüntüləri Müdafiə Nazirliyi paylaşıb.

Sputnik Azərbaycan həmin görüntüləri təqdim edir.

82
Mövzu:
Azərbaycan və Ermənistan arasında müharibə
(0:27 / 2.55Mb / просмотров видео: 70)

Raket zərbəsinin qurbanları: Bərdə övladlarını son mənzilə yola salır

82
(Yenilənib 18:01 29.10.2020)
İki gün dalbadal raket atəşinə tutulan Bərdədə həlak olmuş dinc sakinlərin dəfn mərasimi keçirilib. Ətraflı – videomuzda.

Sputnik Azərbaycan-ın bölgə müxbiri Bərdə şəhərinin raket atəşinə tutulması zamanı həlak olmuş sakini Allahverdiyev Əsgər Mahir oğlunun dəfn mərasimində olub. Əsgərin 37 yaşı vardı.

Mərmi sanki yağış kimi yağdı… - Bərdə faciəsi xəsarət alanın dilindən - VİDEO >>

2020-ci il oktyabrın 28-də Ermənistan silahlı qüvvələri saat 13 radələrində əhalinin sıx yaşadığı Bərdə şəhərinin mülki obyektləri və infrastrukturuna raket zərbələri endirib. Nəticədə 21 dinc sakin həlak olub, təxminən 70 nəfər yaralanıb. Mülki obyektlərə və nəqliyyat vasitələrinə zərər dəyib. Bütün həlak olanlar və xəsarət alanlar dinc sakinlərdir.

Dərhal evə qaçdım, amma artıq gec idi - Erməni hücumu nəticəsində həlak olan Aysunun atası >>

Xatırladaq ki, oktyabrın 27-də Ermənistan silahlı qüvvələrinin Bərdənin Qarayusifli kəndini artilleriya atəşinə tutması nəticəsində beş dinc sakin, o cümlədən yeddi yaşlı qız həlak olmuş, daha 13 nəfər yaralanmışdı.

82
Mövzu:
Azərbaycan və Ermənistan arasında müharibə
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0