Bakı əhlini uşaqlığına qaytardıq: bu gün qapıları bağlamaq olmaz

1046
(Yenilənib 13:23 10.03.2020)
Sputnik Azərbaycan Yel çərşənbəsində bakılılara uşaqlığını xatırlamağa dəvət edib. Görəsən, Bakı əhli ən son nə vaxt papaq atıb? Məzəli sorğumuzu videomuzda izləyin.

Papaq atmaq Novruz bayramının ən vazkeçilməz ənənələrindən biridir. Uşaqlıqdan xatırlayırıq ki, ən böyük papağı olana həsəd aparardıq. Hansı mənzillərdən daha çox pay qoyduqlarını da bir-birimizə deyərdik, sonra da yığdıqlarımızı bir araya toplayıb, qarnımız partlayanadək yeyərdik.

Biz də bir günlük də olsa bakılıları uşaqlıq illərinə qayıtmağa dəvət etdik. Gözlədiyimiz kimi, görüşdüyümüz bir çox insan cavab verməkdən elə yerindəcə imtina etdi, bəziləri isə (inanmaq çətin olsa da) ömürlərində heç vaxt papaq atmadıqlarını bildirdilər. Amma elə qəhrəmanlarımız da oldu ki, üzlərində təbəssümlə uşaqlıq illərinə qayıtdılar.

Qeyd edək ki, bu gün Azərbaycanda Yel çərşənbəsi qeyd edilir. Novruz bayramına bir həftədən bir az çox vaxt qalıb. Arzu edirik ki, heç bir virus təhlükəsi bayram əhvalınıza soğan doğramasın. Ən xoş arzularla, Sputnik Azərbaycan.

1046

Qarış-qarış Qarabağ: Ağdamın Şahbulaq kəndi - VİDEO

32
(Yenilənib 13:38 29.11.2020)
Üçtərəfli bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb

Ağdam rayonunun Şahbulaq kəndindən videogörüntülər yayılıb.

Sputnik Azərbaycan bildirir ki, videonu Azərbaycan Müdafiə Nazirliyi təqdim edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.
Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılması nəzərdə tutulur. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.
Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

32
Teqlər:
Azərbaycan Müdafiə Nazirliyi, video, kənd, Ağdam, Qarabağ
Mövzu:
Azərbaycan və Ermənistan arasında müharibə

Rusiyalı istehkamçılar Dağlıq Qarabağda əraziləri minalardan necə təmizləyirlər video

30
(Yenilənib 17:03 27.11.2020)
Rusiyanın hərbi mühəndisləri bir sutka ərzində 87 partlayıcı obyekt aşkar edərək zərərsizləşdiriblər. Daha ətraflı Rusiya Federasiyası Müdafiə Nazirliyinin videosunda izləyin.

Bu vaxta qədər Rusiya sülhməramlılarının əraziləri minalardan təmizləmək ilə məşğul olan mühəndis-istehkamçı hissələri Xankəndinin cənub kənarındakı uzunluğu 1,5 km-dən çox olan bir hissəsi də daxil olmaqla 2 hektardan çox ərazini və təxminən 3 km yolu təmizləyib. Əməliyyat zamanı ümumilikdə 144 partlayıcı obyekt məhv edilib.

Minaların zərərsizləşdirilməsi ilə məşğul olan sülhməramlılar müasir qoruyucu kostyumlar və partlayıcı obyektlərin axtarışı üçün IMP-S2 və INVU-3M mina detektorları kimi müasir vasitələrlə təchiz edilib.

30
: Yaponiyada qoruyucu maskada olan insanlar

İnsana hörmət: COVID-ə görə təmassız lift yaratdılar

0
(Yenilənib 17:58 29.11.2020)
Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb

BAKI, 29 noyabr - Sputnik. Yaponiyanın Hitachi Ltd. və Mitsubishi Electric şirkətləri koronavirus infeksiyasının yayılmasının qarşısını almaq üçün təmassız lift modelləri təqdim ediblər.

Sputnik Azərbaycan bildirir ki, NHK telekanalının məlumatına görə, yeni Hitachi modelində liftin çağırılması, yaxud da hansısa mərtəbəyə qalxması üçün düymələrə gərək yoxdur. Bunun üçün LİNE ani mesajlaşma tətbiqindən, yaxud liftin kabinəsinin böyründə həkk olunmuş xüsusi QR-şifrənin skanından istifadə etmək olar. İstənilən mərtəbənin seçimini insan öz smartfonu vasitəsilə idarə edir, buna görə də hansısa düyməyə basmağa gərək qalmır.

Mitsubishi Electric-in lifti isə avtomatik olaraq gəlir və adamı lazımi mərtəbəyə qaldırır, ancaq bunun üçün öncədən sistemə smartfon üçün olan tətbiq vasitəsilə həmin adam haqda məlumatlar daxil edilməlidir.

Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb, 10 nəfər dünyasını dəyişib. Epidemiya başlayandan Yaponiyada 148272 nəfər yoluxub, bunlardan 2133 nəfər dünyasını dəyişib. 122550 nəfər isə sağala bilib.

0
Teqlər:
kontaktsız, lift, risk, yoluxma, Yaponiya, Koronavirus, epidemiya, COVID-19
Mövzu:
Dünyanı cənginə almış bəla