Xına ilə rəsm, qiymətli daşlar, sağlamlıq üçün qab-qacaq Bakıda Hindistan sərgisi

98
(Yenilənib 17:23 08.03.2020)
“Hindistanın ən yaxşıları” sərgisi yenidən Bakıya qayıdıb. Sputnik Azərbaycan isə yarmarkaya baş çəkmək qərarına gəlib. Bu il sərginin necə keçdiyini videomuzda izləyin.

Bakıda artıq yeddinçi dəfə “Hindistanın ən yaxşıları” eksklüziv ticarət sərgisi keçirilir. Burada əlvan hind geyimləri, müxtəlif qiymətli daşlardan hazırlanmış aksessuarlar, ədviyyat, çay, kosmetika və suvenirlər əldə etmək olar. Bu dəfə sərgidə 60 Hindistan şirkəti iştirak edir.

Bu dəfə gözümüzə misdən hazırlanmış qab-qacaq dəydi. 20 ildən artıq Azərbaycanda yaşayan müsahibimiz Dipak Fulvahi iddia edir ki, mis qab-qacağından yeyilən yeməklər sağlamlıq üçün daha xeyirli olur.

Daha bir maraqlı məqam isə Hindistandan məxsusi olaraq sərgi üçün xına rəssamının gəlməsi olub. Hətta Sputnik Azərbaycan-ın jurnalisti belə cazibəyə dözə bilməyib, ilk dəfə əlinə xına rəsmi çəkdirib.

Bakı İdman Sarayında keçən sərgiyə martın 15-nədək 11:00-dan 19:00-a qədər baş çəkmək olar. Giriş pulsuzdur.

98