Bir tikə çörək naminə: bakılı poçtalyon Germanın hekayəsi

92
(Yenilənib 15:54 07.02.2020)
Nizami küçəsi (loru dildə desək – “Tarqovı”) və Fəvvarələr meydanında hər kəs German Yelikoyevi tanıyır – o, illərdir qəzet, jurnal, krossvord və uşaqlar üçün rəngləmə kitablarını çatdırmaqla məşğuldur. Bakılı poçtalyon öz hekayəsini Sputnik Azərbaycan-la paylaşıb.

56 yaşlı Bakı sakini German Yelikoyev artıq 23 ildir, poçtalyon kimi çalışır və artıq daimi abunəçi bazasını yığa bilib. Hər ayın əvvəlində Nizami küçəsində bir çoxları Germanın yeni jurnal və ya krossvord gətirməsini gözləyir.

“1997-ci ildən qəzet çatdırmaqla məşğul olmuşam. Elə vaxt olub ki, hətta “Tarqovı”da özüm üçün balaca stol qoyub, yeni jurnal satışı ilə məşğul idim. Amma küçə ticarəti ləğv olunandan sonra, jurnal və qəzetləri ayrıca paketlərə qoyub abunəçilərə bir-bir çatdırıram. Məni artıq tanıyan və gözləyənlər də var. Bəzən isə elə olur ki, məni paketlə və ya alıcıya jurnal verərkən görürlər və yaxınlaşıb maraqlanırlar. Belə-belə satışlarım da olur”, - deyə German bizimlə bölüşüb.

Son zamanlarda isə əl ağacı onun işini olduqca çətinləşdirib. Uzunmüddətli xəstəlikdən sonra çanaq-bud oynağında əmələ gələn fəsadlar ucbatından ikinci qrup əlil olub. Amma buna baxmayaraq, ruhdan düşməyib. German bu günə qədər öz çörək pulunu özü qazanmaq imkanındadır.

“İstəklərim o qədər böyük də deyil. Ən əsası cansağlığıdır. Bundan başqa da, yaşadığım evi təmir etmək istərdim. Otağımı təzələmək pis olmazdı. Amma hər şey çox bahadır, hələ ki, yalnız yavaş-yavaş pul yığıram”, - deyə German hekayəsini bitirib.

Qəzet və jurnalları oxuyanların çox az qaldığı və bir də insanların puluna qənaət etdiyi bir vaxtda bu cür işləmək daha da çətinləşsə də, German yenə də ümidlərini itirmir. Uşaqlığın kaskadyor olmaq istəyi isə elə arzu olaraq qalıb. Amma qəhrəmanımızın dediyi kimi, “Nə edək, necə alınırsa, elə də yaşamalıyıq”.

92
(2:02 / 12.63Mb / просмотров видео: 45)

Atəşkəs Tərtərə dinclik gətirmədi: Rayon dağıntılar içində qalıb VİDEO

54
(Yenilənib 17:28 27.10.2020)
Ermənistan SQ növbəti dəfə atəşkəsi pozaraq yaşayış məntəqələrimizi atəşə tutmağa davam edir. Tərtər şəhərinin dünən axşam “Smerç” yaylım atəşli reaktiv sistemindən atəşə tutulmasından sonra necə göründüyünü videomuzda izləyin.

Dağlıq Qarabağda artıq sayca üçüncü humanitar atəşkəs oktyabrın 26-da saat 08:00-da başlamalı idi. Amma Ermənistan SQ yenidən atəşkəsə məhəl qoymur.

Xüsusilə də Tərtər rayonu ağır artilleriyadan və toplardan atəşə tutulur. Ötən gün axşam saatlarında rayonun yaşayış məntəqələri raketlərdən də atəşə tutulub. Ən çox atəşə məruz qalan yaşayış məntəqələri Qapanlı, Qazyan, Hüsənli, Düyərli, Səhləbad kəndləri və rayon mərkəzidir.

Şəhər mərkəzinə düşmüş raket xeyli zərər yetirib, evi darmadağın edib, yaşamağa yararsız hala salıb. Ötən gün saat 18 radələrində Düyərli kənd sakini İsgəndər Həsənovun həyətinə atılan raket xoşbəxtlikdən partlamayıb. Digəri isə Nazim Quliyevin həyətinin aşağı hissəsinə düşərək partlayıb.

Kənd sakinləri yekdilliklə bildiriblər ki, Ermənistan SQ heç bir halda atəşkəsə məhəl qoymayıb, rayonu, dinc sakinləri atəşə tutmağa davam edib.

54
Teqlər:
atəş, Tərtər, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
(2:07 / 16.42Mb / просмотров видео: 112)

Bir ay cəbhədə: Bakılılar əsgərlərimizə arzulamaq istədilər video

71
Artıq düz bir aydır ki, əsgərlərimiz ön cəbhədə əks-hücum əməliyyatlarını davam edir, torpaqlarımızı qarış-qarış qan-tərlə azad edirlər. Bakılıların cəbhədə vuruşan əsgərlərimizə nə arzu etmək istədiklərini videomuzda izləyin.

Artıq bir aydır ki, Azərbaycanın Ermənistan tərəfindən işğal edilmiş ərazilərində qızğın döyüşlər gedir. Əsgərlərimizin bizə yaşatdığı hər qələbə bizi sevindirir. Hal-hazırda bütün Azərbaycan xalqının duaları onların yanındadır.

Sputnik Azərbaycan bakılılara əsgərlərimizə öz ürək-dirək sözlərini çatdırmaq imkanı yaratmaq istəyib. Daha ətraflı – videomuzda izləyin.

Qeyd edək ki, 10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

71
Mövzu:
Azərbaycan və Ermənistan arasında müharibə
Qaz kalonkası, arxiv şəkli

Daha bir nazirlikdən əhaliyə müraciət

0
(Yenilənib 18:43 27.10.2020)
Ölümlə nəticələnə bilən bu təhlükə ilə üzləşməmək üçün aşağıda göstərilən qaydalara əməl olunmalıdır.

BAKI, 27 oktyabr — Sputnik. Havaların soyuması ilə əlaqədar olaraq əhalinin təbii qaza olan tələbatının artması fonunda qaz cihazlarından istifadə zamanı təhlükəsizlik qaydalarının pozulması dəm qazı təhlükəsi yaradır. Bu barədə Sputnik Azərbaycan-a Fövqəladə Hallar Nazirliyindən bildirilib. Məlumata görə, ölümlə nəticələnə bilən bu təhlükə ilə üzləşməmək üçün aşağıda göstərilən qaydalara əməl olunmalıdır:

qaz cihazı saz və standartlara uyğun olmalı;

cihaz olan məkanın hündürlüyü 2 metr 20 santimetrdən az olmamalı;

havaçəkən sistem işləməli, nəfəslik açıq olmalı;

hamam otağında ventilyasiya borusu, qapının aşağısında dəliklər olmalı;

tüstü bacaları ildə iki dəfə təmizlənməlidir.

Yadda saxlayın! Dəm qazı iysizdir, hiss edilmir!

Dəm qazından zəhərlənmənin əlamətləri: baş ağrısı, baş gicəllənməsi, ürək bulanması, halsızlıq.

Dəm qazından zəhərlənmiş insanı təmiz havaya çıxarıb, nəfəsalmasını çətinləşdirən geyimlərdən azad etmək, təcili tibbi yardım çağırmaq lazımdır!

Unutmayın: Qaydalara biganəlik - həyatımıza təhlükədir!

Təhlükə zamanı 112-yə zəng edin!

0