Yeməli Qız qalası Bakıda zəncəfil şəhəri sərgisi açılıb

113
(Yenilənib 14:19 13.12.2019)
Bakının ən yaxşı qənnadıçıları zəncəfilli pryanik, karamel və zefirdən əsl sənət əsərlərini yaradıblar. Şirin və yeməli meqapolisin necə göründüyünü videomuzda izləyin.

Zəncəfilli pryanik evi bütün dünyada ənənəvi Milad şirniyyatı hesab edilir. Bu dəfə də Bakının ən tanınmış qənnadıçıları bu ənənəni ölkəmizdə təkrar ediblər və nəticədə ədviyyatlı xəmir, biyan, karamel və zefirdən möhtəşəm yeməli şəhər alınıb.

Havadan bayram qoxusu gəlir: ənənəvi xeyriyyə yarmarkasından video
© Sputnik / Kamilla Əliyeva / Taleh Mahmudov / L.Orucova

Burada Bakının ən məşhur abidələrinin kiçik yeməli maketlərini görmək olar – Heydər Əliyev Mərkəzi, Qoşa qala qapısı, “Alov qüllələri” kompleksi, Qız qalası, Teleqüllə, Xalça Muzeyi və hətta şirniyyatdan hazırlanmış təyyarə, gəmi, balaca evciklər və karusellər.

Sərgi Port Baku Mall ticarət mərkəzində yer alır və 13 yanvara qədər davam edəcək. Bu yeməli şəhərə adam baxdıqca baxmaq istəyir. Əsas məqam, tamaha qurban düşüb evciklərdən birini yeməməkdir.

“Gingerbread City” (Zəncəfilli Şəhər) layihəsi “Nargis” Nəşriyyat Evi tərəfindən təşkil edilib və “Formula 1” Azərbaycan Qran Prisi, “Azərbaycan Hava Yolları”, Azərbaycan Xəzər Dəniz Gəmiçiliyi və digər şirkətlər tərəfindən dəstəklənib.

113
(0:49 / 5.85Mb / просмотров видео: 3)

Dağıdılmış qəbir daşları Ağcabədi məzarlığının atəşə tutulandan sonrakı videosu

0
(Yenilənib 14:41 31.10.2020)
Bu gün səhər saatlarından Ermənistan Silahlı Qüvvələri humanitar atəşkəs rejimini pozmaqda davam edib. Atılan mərmilərdən biri İmamqulubəyli kənd qəbiristanlığına düşüb.

Ağcabədinin Hacılar, Qiyaməddinli, Boyat, Arazbar və İmamqulubəyli kəndləri ağır artilleriyadan intensiv atəşə tutulub. Səhər saat 07:00 radələrində atılan mərmilərdən biri İmamqulubəyli kənd qəbiristanlığına düşüb. 7 qəbir daşı dağılıb, xeyli qəbirdə qəlpə izləri əmələ gəlib.

Ağcəbədi atəş altında: Evlər dağınıq, şüşələr paramparça, təsərrüfatlar viran – video >>

Sakinlər Ermənistan Silahlı Qüvvələrinin kəndləri mütəmadi atəşə tutduğunu, lakin heç nədən qorxmadıqlarını bildiriblər.

0
Mövzu:
Azərbaycan və Ermənistan arasında müharibə
(1:09 / 8.84Mb / просмотров видео: 16)

Təki vətən sağ olsun: Ağdamın cəbhə kəndlərinin pambıq yığımı

15
(Yenilənib 13:34 31.10.2020)
Builki pambıq yığımı qoşunların qarşıdurma xəttində gedən döyüş əməliyyatları ucbatından xeyli gecikib. Amma bu, kəndlini narahat etmir. Ətraflı videomizda.

Ağdamın kəndlərində sakinlərin əsas məşğuliyyəti kənd təsərrüfatı məhsullarının istehsalıdır. Təsərrüfat sahiblərinin bir hissəsi də pambıq əkib becərir. Builki yığım mövsümü müharibə vaxtına düşüb. Buna baxmayaraq, fermerlər sahələrdə yığım işlərini həyata keçirirlər.

Təsərrüfat sahibi  Şahmar Rzayev Ağdamın cəbhə kəndlərinin ərazisində 50 hektara qədər pambıq əkib. Yüksək məhsul becərən fermer yığımı davam etdirir. sahələrdən 45 sentinerdən yuxarı məhsul əldə olunacağını deyir. Bunun üçün bütün aqrotexniki qaydalara əməl edib.

Günortaya qədər Ağdama 130-dan artıq mərmi düşüb – VİDEO >>

Düşmənin ağ qızıl tarlalarını ağır artilleriyadan atəşə tutmasına baxmayaraq, rayon ərazisində fəaliyyət  göstərən pambıq qəbulu və emalı məntəqələri kəndlinin məhsulunu sahələrdən toplayır. Bütün xərcləri isə həmin şirkətlər öz hesabına reallaşdırır.

Əgər Ermənistan silahlı qüvvələri terror aktlarından əl çəksə, soyuq havalar gəlmədən pambıq sahələrdən toplanacaq. Əslində havanın qeyri-sabit keçməməsi də bu işi sürətləndirəcək.

15
Mövzu:
Azərbaycan və Ermənistan arasında müharibə