“Aslanın erkəyi, dişisi olmaz” Ulu öndərin təltif etdiyi şəxs bunu nümunədə sübut edir

95
(Yenilənib 17:11 02.12.2019)
Kənd təsərrüfatında istifadə edilən ağır maşınların sükanı arxasında çox vaxt kişiləri görməyi vərdiş etmişik. Amma Sabirabad rayon sakini Gülsurə İbadova bu stereotipi qırmağa müvəffəq olub. Daha ətraflı videomuzda izləyin.

Sabirabad rayonu Kürkəndi kəndi sakini 58 yaşlı Gülsurə İbadova hələ uşaqlıqdan mexanikaya böyük həvəs göstərib. Azərbaycanın ilk qadın sürücü mexaniki Sevil Qazıyevanın həyat tarixini öyrəndikdən sonra isə özü də peşə məktəbində oxumağa ilhamlanıb və məktəbi bitirdikdən sonra kolxozda mexanik kimi işləməyə başlayıb.

Onunla birgə oxuyan qızların çoxu 1-2 il işlədikdən sonra ailə qurub və bu peşənin daşını atıb. Gülsurə xanım isə 16 yaşından sükan arxasına keçib və 17 il dayanmadan çalışıb. Kiçik fasilədən sonra yeni kombaynda yenidən peşəsini davam etdirməyə başlayıb.

“Düzünü desəm, uzun müddətdən sonra yenidən işə başlamaq mənim üçün bir az çətin idi, çünki artıq əvvəlki kimi gənc deyildim. Qorxurdum ki, birdən məndə alınmaz. Amma var gücümü toplayıb bu çətin işin öhdəsindən gəlməyi bacardım.”

Gülsurə xanım deyir ki, ağır maşınları idarə etmək onun üçün çətin deyil. Əksinə, digər qadınları da bu işə həvəsləndirməyə çalışır, hətta özü onlara təlim keçməyə hazırdır.

Amma hər şey heç də həmişə bu qədər asan olmayıb. İlk vaxtlar çox qınaqlar eşidib. Amma heç kimə qulaq asmadan işinə davam edib və hörməti getdikcə artıb. İndi isə yaşadığı kənddəki uşaqlar onu “kombayn sürən bibi” kimi tanıyır, onunla salamlaşırlar.

Onun hünəri və əzmkarlığı dövlət tərəfindən də qiymətləndirilib. İki dəfə “Sosialist əməyi qəhrəmanı” adına layiq görülüb, hətta şəxsən ulu öndər Heydər Əliyev tərəfindən qəbul edilib və medalla təltif olunub.

Gülsurə xanım başına gələn ən dəhşətli hadisəni də bizimlə bölüşüb. Hələ sovet dövründə yağışlı havada sahədən sürüşkən yolla qayıtmalı olub. “Sabir kanalı”nın üzərindən keçəndə kombayn sürüşüb və yarısı kanala doğru aşıb. Xoşbəxtlikdən o, vaxtından xilas edilib. Amma o hadisənin qorxusu hələ də canındadır. Çünki kanal çox dərin idi.

30 ilə yaxındır ailəli olan Gülsurə İbadovanın 5 övladı və 2 nəvəsi var. Həyatda və peşəsində ən böyük dəstəkçisi onun həyat yoldaşıdır. İndi də ailəsinin dəstəyi ilə peşəsində daha da qabağa getməyə müvəffəq olur və hal-hazırda bölgədə hektara görə ən çox pambıq yığan sürücü də məhz odur.

95

Azərbaycan ordusu Şəhidlərin xatirəsini belə andı - VİDEO

15
Azərbaycan Ordu Vətən müharibəsi şəhidlərinin xatirəsini anıb. Sputnik Azərbaycan xəbər verir ki, bu barədə Müdafiə Nazirliyi məlumat yayıb.

BAKI, 4 dekabr — Sputnik. Azərbaycan Ordu Vətən müharibəsi şəhidlərinin xatirəsini anıb. Sputnik Azərbaycan xəbər verir ki, bu barədə Müdafiə Nazirliyi məlumat yayıb.

Məlumatda bildirilir ki, Azərbaycan Respublikası Prezidentinin Sərəncamına əsasən saat 12:00-da Əlahiddə Ümumqoşun Ordusu, Hərbi Hava Qüvvələri, Hərbi Dəniz Qüvvələri, birlik, birləşmə, hərbi hissə və xüsusi təyinatlı hərbi təhsil müəssisələrində canlarını Azərbaycan Respublikasının ərazi bütövlüyü yolunda qurban vermiş Vətən müharibəsi şəhidlərinin xatirəsini yad etmək məqsədilə bir dəqiqəlik sükut elan edilib.

Nazirlik bu barədə videogörüntü də paylaşıb.

 

15

Şəhidlər ölməz! Qəhrəmanlarımız bir dəqiqəlik sükutla yad edilib video

31
(Yenilənib 12:39 04.12.2020)
Prezident İlham Əliyevin sərəncamı ilə bu gün bütün Respublika üzrə saat 12:00-də bir dəqiqəlik sükut elan edilib. Şəhidlərin ruhunun paytaxtda necə anıldığını videomuzda izləyin.

Vətən müharibəsində həqiqətin bərqərar edilməsi, 30 illik işğaldan sonra torpaqlarımızın azad edilməsi uğrunda canından keçən şəhidlərimizin xatirəsi bir dəqiqəlik sükutla yad edilib. Yollarda maşınların hərəkəti dayandırılıb, mərkəzdə bayraqlar endirilib. Bir dəqiqə ərzində bütün Azərbaycan vətəndaşlarının ürəyi bir olub, yalnız həyatını gələcəyimiz üçün qurban vermiş qəhrəmanlarla döyünüb. Allah bütün şəhidlərimizə rəhmət etsin.

Qeyd edək ki, Vətən müharibəsində Silahlı Qüvvələrimizin 2783 nəfər hərbi qulluqçusu şəhid olub. Onların sırasında 103 nəfər hərbi qulluqçunun DNT analiz metodu ilə şəxsiyyətinin müəyyən edilməsi üzrə işlər davam etdirilir.

100 nəfərdən artıq hərbi qulluqçumuz isə itkin düşmüş hesab olunur. Onların tapılıb ailələrinə məlumat verilməsi üçün zəruri təbdirlər görülür. Hazırda 1245 nəfər hərbi qulluqçumuzun tibb müəssisələrində müalicəsi davam edir. 

31
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0