İnad bacarığın nəticəsi - Mingəçevirli "Miçurin" mümkün olmayanı edib

514
(Yenilənib 15:29 05.11.2019)
64 yaşlı bağban Vəli Qaçayev Mingəçevirdə bir ilkə imza atıb. O, hətta Gürcüstan və Lənkərandan gətirilən sitrus meyvələrindən daha dadlı, lətli və nazikqabıqlı məhsul yetişdirə bilib.

Deyirlər Azərbaycanda sitrus meyvələri yalnız cənub bölgəsində bitir, onları aran zonada yetişdirmək mümkün deyil. Amma Mingəçevir sakini Vəli Qaçayev illərin zəhməti və qayğısı ilə bunun əksini sübut etməyə müvəffəq olub.

Hindistan narı Qəbələdə – qeyri-adi meyvə Azərbaycanda necə yetişdirilir
© Sputnik / İlham Əhmədov / Kamilla Əliyeva / Leyla Orucova

Maraqlısı odur ki, Qaçayev bağçılıqla həvəskar kimi məşğul olmağa başlayıb, amma 20 il ərzində bu iş hobbidən daha artıq bir məşğuliyyətə çevrilib. Həyətyanı sahəsi olduqca balaca olsa da, hal-hazırda bağban naringi, portağal, feyxoa və limon yetişdirir. Həm də necə yetişdirir!

“Məhsuldarlıq yüksəkdir. Halbuki köhnə bağbanlar Mingəçevirdə bu meyvələrin bitməyəcəyini deyirdilər”, - deyə Qaçayev bizimlə bölüşüb.

Amma həmişə belə olmayıb. İlk illər daha təcrübəsiz olduğu üçün ağaclar quruyub, məhsuldarlıq olmayıb. Amma davamlı zəhmət, böyük həvəs və qayğı nəticəsində 5 ildən sonra əzmkar işinin məhsulunu görməyə başlayıb. Artıq 15 ildir bağban hər sitrus ağacından 100 kiloqrama qədər məhsul alır.

Onun bağında meyvələr cənub zonasındakı analoqlarından haradasa 10-15 gün tez yetişir. Bundan başqa, ağaclarına kimyəvi gübrə vurmayan həvəskar bağban özü üçün sadiq müştəri şəbəkəsi də qura bilib. Səbəblərdən biri də, onun yetişdirdiyi sitrus meyvələrinin qabığının daha nazik, içinin daha dadlı və lətli olmasıdır.

Qaçayevin növbəti layihəsi banan bitkisini Mingəçevir iqliminə uyğunlaşdırmaq olacaq. Bu cür əzmkarlığın göz şahidi olduqdan sonra, onun buna da müvəffəq olacağına heç bir şübhəmiz yoxdur.

514
(2:18 / 14.63Mb / просмотров видео: 18)

“Müharibə döyüş meydanında aparılmalıdır dinc əhaliylə yox”: Türkiyənin Baş Ombudsmanı

8
Ombudsman Səbinə Əliyevanın dəvəti ilə Türkiyə Respublikasının Baş Ombudsmanı Gəncəni ziyarət edib, orada baş verənləri öz gözləri ilə görüb. Daha ətraflı – videomuzda.

Bu gün Türkiyə Respublikasının Baş Ombudsmanı Şərəf Malkoç Gəncəni ziyarət edərək, orada törədilən hərbi cinayətin fəsadlarını öz gözləri ilə görüb. Onun sözlərinə görə müharibə yalnız döyüş meydanında aparılmalıdır. Gecənin qaranlığında günahsız dinc əhalinin üzərinə bomba atmaq isə cinayətdir və onlar hüquq qarşısında gec və ya tez cavab verəcək.

“Mətbuatdan izlədiyimiz, rəsmilərdən eşitdiyimiz vəhşiliyi yerində görmək, zərər çəkmişlərlə üz-üzə görüşmək, onlarla danışmaq üçün gəlmişik. Və inşallah buradakı işlərimizdən sonra hazırlayacağımız hesabatı öncə Türkiyədəki insan hüquqları qurumlarına, ardından İslam ölkələri və dünyadakı bütün insan hüquqları qurumlarına, bütün ombudsmanlara göndərəcəyik”, - deyə cənab Malkoç mətbuat nümayəndələrinə bildirib.

O, həm də Azərbaycanın bu haqlı mübarizəsində hədəfinə çatacağına ümid etdiyini bildirib.

Ermənistan silahlı qüvvələri oktyabrın 11-də gecə saat 02 radələrində cəbhə zonasından 100 km kənarda yerləşən, Azərbaycan Respublikasının ikinci böyük şəhəri olan və əhalinin sıx məskunlaşdığı Gəncə şəhərini Ermənistan ərazisindən növbəti dəfə raket atəşinə tutub. İçərisində uşaq, qadın, ahıl insanların da yaşadığı çoxmənzilli binalarda 4-ü qadın olmaqla 9 nəfər həlak olub, 16-sı qadın, 6-sı uşaq olmaqla 34 nəfər yaralanıb, çoxsaylı mülki infrastruktur obyektlərinə külli miqdarda ziyan dəyib.

Oktyabrın 12-də isə yaralı şəxslərdən biri, 1992-ci il təvəllüdlü Əliyeva Günay Zahid qızı müalicə olunduğu xəstəxanada vəfat edib.

Oktyabrın 17-də Ermənistan ordusunun Gəncəyə daha bir raket hücumu nəticəsində 4-ü uşaq olmaqla 16 nəfər dinc sakin həlak olub, 52 nəfər xəsarət alıb.

8
(2:08 / 13.71Mb / просмотров видео: 41)

İsrail səfiri Gəncədə: “Qurbanların başına gələnləri dinləmək ürəyimi ağrıdır”

49
(Yenilənib 18:58 22.10.2020)
İsrailin Azərbaycandakı səfiri Corc Dik Gəncə şəhərinə baş çəkərək, erməni SQ-nin atdığı ballistik raketin törətdiyi fəsadlarla tanış olub, zərər çəkmişlərin ailələri ilə görüşüb. Daha ətraflı – videomuzda.

İsrailli diplomat Gəncə şəhərinə baş çəkib. Səfir Corc Dik Gəncədə erməni SQ-nin atdığı ballistik raketindən uçmuş evlərin qurbanları ilə görüşüb, onlara şəxsən öz və bütün İsrail dövlətinin başsağlığını çatdırıb.

“Mən qurbanların bəziləri ilə bu gün görüşdüm. Bəziləri ilə daha sonra tanış olacağam. Onların başına gələnləri dinləmək ürəyimi ağrıdır. Milli mənsubiyyət və inancından asılı olmayaraq, dinc əhaliyə qarşı hücumlar qəbuledilməzdir. Hər insanın həyatı vacibdir”, - deyə israilli diplomat mətbuata açıqlamasında deyib.

Corc Dik həm də İsrail-Azərbaycan münasibətlərindən danışıb. O, münasibətimizin dostluq üzərində qurulduğunu, tarixi köklərə dayandığını və özünü iqtisadiyyatın müxtəlif sayələrdə əməkdaşlığımızda büruzə verdiyini bəyan edib.

Ermənistan silahlı qüvvələri oktyabrın 11-də gecə saat 02 radələrində cəbhə zonasından 100 km kənarda yerləşən, Azərbaycan Respublikasının ikinci böyük şəhəri olan və əhalinin sıx məskunlaşdığı Gəncə şəhərini Ermənistan ərazisindən növbəti dəfə raket atəşinə tutub. İçərisində uşaq, qadın, ahıl insanların da yaşadığı çoxmənzilli binalarda 4-ü qadın olmaqla 9 nəfər həlak olub, 16-sı qadın, 6-sı uşaq olmaqla 34 nəfər yaralanıb, çoxsaylı mülki infrastruktur obyektlərinə külli miqdarda ziyan dəyib.

Oktyabrın 12-də isə yaralı şəxslərdən biri, 1992-ci il təvəllüdlü Əliyeva Günay Zahid qızı müalicə olunduğu xəstəxanada vəfat edib.

Oktyabrın 17-də Ermənistan ordusunun Gəncəyə daha bir raket hücumu nəticəsində 4-ü uşaq olmaqla 16 nəfər dinc sakin həlak olub, 52 nəfər xəsarət alıb.

49
Mal əti satışı, arxiv şəkli

Azərbaycana mal əti dərman idxalı artıb

0
(Yenilənib 23:00 22.10.2020)
Təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, kartof 1,2%, təzə tərəvəz 29,9%, minik avtomobilləri 28,8% və s. artıb.

Xalid Məmmədov, Sputnik Azərbaycan

BAKI, 22 oktyabr — Sputnik. 2019-cu ilin yanvar-avqust ayları ilə müqayisədə 2020-ci ilin yanvar-avqust aylarında ölkəmizə təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, mal əti 18,4%, kartof 1,2%, təzə tərəvəz 29,9%, minik avtomobilləri 28,8%, dərman vasitələri 1,7 dəfə, hesablama maşınları, blok və qurğuları 14,8%, qara metallardan çubuqlar 1,8 dəfə, məişət soyuducuları 3,1% artıb.

Sputnik Azərbaycan bu barədə Dövlət Statistika Komitəsinə istinadla məlumat verir.

Bu ilin 8 ayında buğda idxalı 20,1%, xam şəkər və şəkər 0,4%, quş əti və onun əlavə məhsulları 9,9%, siqaretlər 78,9%, qara metallardan borular 12,7%, polad prokatı 7,7%, mineral gübrələr 5,7%, rezin şinlər 20,2%, məişət kondisionerləri 30,9%, mebellər 23,6%, yük avtomobilləri 13,4%, polietilen 27,5%, paltaryuyan maşınlar 11,1%, qara metallardan künclüklər 8%, avtobuslar 56,1%, sement və sement klinkerləri 27,1% azalıb.

0