Krasnodarlı rəssam Bakıda binaları "danışdırdı"

501
(Yenilənib 16:09 30.10.2019)
Krasnodarlı “street-art” (küçə incəsənəti) rəssamı Georgi Kurinov Bakını gözəlləşdirmək əzmindədir. O, köhnə 9 mərtəbəli binaların fasadlarında əsl rəsm əsərləri yaradır. Bunun necə göründüyünü isə Sputnik Azərbaycan-ın videosunda izləyin.

Artıq səkkiz ildir “Gooze Art” ləqəbi altında işləyən Georgi Kurinov şəhərimizin iki doqquzmərtəbəli binasında əsl rəsm əsərləri yaradıb. Artıq bunlar hər kəsin fikir vermədən keçdiyi boz binalar deyil, əksinə, hər səhər eyvana çıxıb feyziyab olmaq istədiyi sənət əsəridir.  

Küçə rəssamının bir ay üzərində işlədiyi konsepsiyaya uyğun olaraq üz-üzə dayanan iki fasad üzərində tipik Azərbaycan qadını və kişisi obrazı diptix şəklində işlənib.

“Bu rəsmin kompozisiyası Azərbaycan naxışı olan buta şəklində qurulub. Vizual olaraq bu iki binanı birləşdirsək, ürək şəkli yaranır”, - deyə Georgi bizimlə bölüşüb.

Hər birinin üzərində bir həftə çalışan Kurinov rəsmə başlamazdan öncə bir aydan artıq Azərbaycan haqqında oxuyub, folklor və eposumuzla tanış olub və eskizlərini durmadan yeniləyib. Özünü də qafqazlı adlandıran Georgi işlərini bitirdikdən sonra Bakını gəzib, üzərində işlədiyi hər elementi öz gözlərilə görmək istədiyini bildirib.  

Georgi 14 ildən artıqdır ki, qrafiti ilə məşğuldur. Onun irimiqyaslı işlərinə Belçikada, Niderlandda və Almaniyada rast gəlmək olar. Bakıdan sonra isə növbəti beynəlxalq layihəsi Türkiyədə olacaq.  

Qeyd edək ki, Bakıda artıq bir neçə yerlərdə bu cür fasadlar “canlanıb”, rəsm əsərləri üçün kətana çevrilib. Onların üzərində xüsusilə dəvət edilmiş beynəlxalq qrafiti ustalarından başqa, yerli rəssamlar da çalışırlar. Biz isə bu cür rəsmlərin daha çox olmasını arzu edirik və bu yerlərdə yaşayanlara səhər qəhvəsini və ya çayını mətbəxdə deyil, eyvanda həyətlərindəki “muzeyə” baxaraq içməyi təklif edirik.

501
(1:25 / 11.15Mb / просмотров видео: 112)

Ermənistan ordusunun atəş nöqtələri məhv edilib - VİDEO

45
(Yenilənib 18:40 25.10.2020)
Azərbaycan silahlı qüvvələri işğalçı ordunun bölmələrinin atəş nöqtələrini məhv etməkdə davam edirlər.

Cəbhənin müxtəlif istiqamətlərində gedən döyüşlərdə Azərbaycan Ordusunun bölmələri öz üstünlüyünü qoruyub. Sputnik Azərbaycan bu barədə Müdafiə Nazirliyinə istinadən məlumat verir.

Oktyabrın 25-də aparılan uğurlu döyüş əməliyyatları zamanı düşmənin 2 artilleriya qurğusu, 2 BM-21 “Qrad”, 1 komanda qərargah maşını, 1 komanda idarəetmə məntəqəsi, 2 yük maşını, 1tank və bir neçə atəş nöqtəsi məhv edilib.

45
Mövzu:
Azərbaycan və Ermənistan arasında müharibə
(2:35 / 20.05Mb / просмотров видео: 105)

Bir ailədən üç əsgər ön cəbhədə: Tat icması qələbə xəbərini dörd gözlə gözləyir video

108
(Yenilənib 13:59 24.10.2020)
Şabran şəhərində orta məktəbin direktoru könüllü olaraq cəbhəyə yollanıb. Tat icmasının nümayəndələri olan bu ailənin əsgərləri necə dəstəklədiklərini, qələbə xəbərini necə gözlədiklərini videomuzda izləyin.

Əsgər anası Məlahət Şamxalova oğlunun onlardan xəbərsiz hərbi səfərbərlikdə könüllü olaraq  qeydiyyatdan keçdiyini bildirib. Əsgər anası deyib ki, onun oğlu ailəsini, övladlarını, şagirdlərini həmişə çox sevib, lakin vətən sevgisi daha üstün olub.

Atası Abdulla Şamxalov isə bildirib ki, 90-cı illərdə baş verən Qarabağ müharibəsində azsaylı xalqlardan olan tatlar da müharibədə şücaət göstərib. Onlar vətəni çox sevir, vətən uğrunda son damla qanına qədər vuruşmağa hazırdır.

Qarabağ əlili olan Muxtar Şabəddinov qəhrəmanımızın dayısıdır. Dediyinə görə, onun oğlu da ön cəbhədədir:

“Oğlum və bacımın oğlu müharibədə vuruşur. Mən bir Qarabağ əlili kimi bununla qürur duyuram. Mən özüm də könüllü olaraq səfərbərliyə müraciət etmişəm. Mənə ehtiyac olarsa, düşünmədən cəbhəyə yollanmağa hazıram”.

Məktəb direktorunun azyaşlı oğlu Orxan da atası ilə qürur duyduğunu bildirir.

108
Yaşlı adam, arxiv şəkli

Koronavirusa yoluxma insanı 10 yaş qocaldır, həmçinin...

0
Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

BAKI, 25 oktyabr — Sputnik. Böyük Britaniya alimləri apardıqları araşdırma zamanı koronavirus xəstəliyinin insanların İQ səviyyəsini endirdiyini müəyyən edib. Sputnik Azərbaycan xarici mətbuata istinadla xəbər verir ki, bu intelektual bacarıqlar və yaddaşla əlaqələndirilib. Mütəxəssislərin sözlərinə görə, koronavirusa yoluxan şəxslər xəstəliyə yoluxmayan yaşıdları ilə müqayisədə məntiq testlərini həll etməkdə çətinlik çəkiblər. Bundan əlavə, şəxslərin İQ səviyyəsi xəstəliyi hansı ağırlıqda keçirmələri ilə də birbaşa əlaqəlidir. Tədqiqat zamanı alimlər 84 könüllünün məntiqi bacarıqlarını və yaddaşlarını araşdırıblar.

Müəyyən edilib ki, koronavirusa yoluxan insanlar sağlam insanlarla müqayisədə 65 faiz geri qalıb. Mütəxəssislərin fikrincə, bu xəstələrin 10 yaş yaşlanmasına bərabərdir.

Koronavirusun ağır formaları mətnlərin və sözlərin mənasını dərk etmə qabiliyyətinə təsir edir. Buna baxmayaraq, xəstəliyə yoluxmuş insanlarda emosional sahə, məkan yaddaşı və rəqəmləri əzbərləmək qabiliyyəti dəyişməz qalıb.

0