"Dağlıq Qarabağ problemində əsas məqam onun ikibaşlı olmasıdır" Markov

46
(Yenilənib 14:18 08.10.2019)
Tanınmış rusiyalı politoloq Sergey Markov Azərbaycan Prezidenti İlham Əliyevin Soçidə çıxışını şərh edib. Daha ətraflı videomuzda

Sputnik Azərbaycan multimedia mətbuat mərkəzində Siyasi tədqiqatlar institutunun prezidenti, Rusiyanın tanınmış politoloqu Sergey Markov Azərbaycan Respublikasının Prezidenti İlham Əliyevin “Valday” klubunda çıxışını şərh edib. Onun fikrincə, ölkə başçısı öz çıxışında dünya ictimaiyyətinin çox az bildiyi məqamları aydınlaşdırmağa qadir olub.

“Dağlıq Qarabağdan başqa, onun ətrafında yerləşən yeddi rayonun da Ermənistan tərəfindən zəbt edildiyi haqda, demək olar ki, heç kəs bilmir. Və İlham Əliyev öz çıxışında bu məqama da xüsusi yer ayırıb”, - deyə Markov bildirib.

Bundan başqa, rusiyalı politoloq Azərbaycan-Rusiya əlaqələrinə münasibət bildirib. O, iki ölkə arasındakı münasibətləri Bakının havasına bənzədib – isti və günəşli.

Qeyd edək ki, 2019-cu il ərzində Azərbaycan-Rusiya əlaqələri yüksələn xətlə inkişaf edir. Mütəxəssislərin şərhlərinə görə, bu ilin ilk altı ayı ərzində iki ölkə arasındakı əmtəə mübadiləsi 25% artıb, siyasi dialoq olduqca aktivləşib.

46
Teqlər:
Rusiya, politoloq, Ermənistan, Azərbaycan, Dağlıq Qarabağ problemi, Dağlıq Qarabağ
Əlaqədar
İlham Əliyevin Rusiyada çıxışı: "Qarabağ Azərbaycandır və nida işarəsi"
Vladimir Putin İlham Əliyevlə görüşdü: "Perspektivlərimiz yaxşıdır" – VİDEO
"Azərbaycanın dövlət başçısı izah etdi ki, "Dağlıq Qarabağ xalqı" anlayışı mövcud deyil"
Putin: "İlham Əliyevin böyük layihələrinin reallaşması üçün hər şeyi edirik"
(0:59 / 7.10Mb / просмотров видео: 53)

Dinclik verməyən atəşkəs səhəri: Tərtər artilleriya zərbələrinə tuş gəldi - VİDEO

35
(Yenilənib 16:11 26.10.2020)
Bu səhər saat 8:00-dan yenidən humanitar atəşkəs elan olunub. Lakin yenə də Ermənistan silahlı qüvvələri atəşkəsə əməl etməyərək yaşayış məntəqələrimizi atəşə tutmağa başlayıb. Ərtaflı videomızda baxın.

Bu səhər xüsusən Tərtərin Qapanlı, Qazyan, Hüsənli, Səhlabad kəndləri və rayon mərkəzi ağır artilleriyadan atəşə tutulub.

Təkcə Qazyan kəndində bir neçə evə ziyan dəyib. Düşmən ordusunun atəşkəsin ilk dəqiqələrində atdığı mərmilərdən üçü kənd sakini Fənər Balakişiyevanın evinə və həyətinə düşüb. Mərmilərdən ikisi evin arxasına düşərək təsərrüfata xeyli ziyan vurub. Biri isə evin üstünə düşərək onu tamamilə dağıdıb. 

Kənd sakini Yasin Cəfərovun həyətinə düşən mərmi də evə və təsərrüfata xeyli ziyan vurub.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlardan, minaatanlardan və müxtəlif çaplı artilleriya qurğularından intensiv atəşə tutub.

Ermənistan silahlı birləşmələrinin hərbi fəallığının qarşısını almaq və dinc əhalinin təhlükəsizliyini təmin etmək məqsədilə Azərbaycan Ordusunun komandanlığı qoşunların cəbhə boyu əks-hücum əməliyyatına başlayıb.

Azərbaycan ordusunun əks-hücum əməliyyatı zamanı Cəbrayıl rayonu, Füzuli şəhəri, Zəngilan şəhəri, Qubadlı şəhəri, Hadrut qəsəbəsi də daxil olmaqla bir sıra yaşayış məntəqələrimiz işğaldan azad olunub.

10 oktyabr saat 12:00-dan etibarən humanitar məqsədlərlə Beynəlxalq Qırmızı Xaç Komitəsinin vasitəçiliyi və onun meyarlarına uyğun olaraq, hərbi əsirlər və digər saxlanılan şəxslərin, həmçinin ölənlərin meyitlərinin dəyişdirilməsi üçün atəşkəs elan olunub.

Bununla bağlı Rusiya tərəfinin təşəbbüsü əsasında 9-10 oktyabr tarixlərində Moskva şəhərində keçirilən görüş nəticəsində Rusiya Federasiyası, Azərbaycan Respublikası və Ermənistan Respublikasının Xarici İşlər nazirlərinin qəbul etdiyi bəyanatda deyilir.

Bəyanata əsasən, atəşkəs rejiminin konkret parametrləri əlavə olaraq razılaşdırılacaq.

Oktyabrın 25-də ATƏT-in Minsk Qrupunun həmsədrləri yeni bəyanatla çıxış ediblər. Bəyanatda həmsədrlərin 24 oktyabrda Vaşinqtonda Ermənistan xarici işlər naziri Zohrab Mnatsakanyan və Azərbaycanın xarici işlər naziri Ceyhun Bayramovla görüşdükləri, xarici işlər nazirləri və ABŞ Dövlət Katibinin müavini Stiven Bigan ilə birgə iclasda iştirak etdikləri bildirilir. Həmsədrlər tərəfləri öhdəliklərinə uyğun olaraq 10 oktyabrda  Moskvada imzalanmış birgə bəyanatın bütün aspektlərini həyata keçirmək üçün təcili addımlar atmağa çağırıblar və bu öhdəlikləri 18 oktyabrda Parisdə təsdiqlədiklərini qeyd ediblər. Dağlıq Qarabağda növbəti humanitar atəşkəs oktyabrın 26-da Bakı vaxtı ilə saat 08:00-da başlamalı idi.

35
Teqlər:
Tərtər, Atəşkəsin pozulması, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
(1:18 / 8.43Mb / просмотров видео: 95)

Goranboyun dinc həyatına son: “Smerç” raketi partlamasa da, təhlükə olaraq qalır VİDEO

96
(Yenilənib 12:32 26.10.2020)
Ermənistan Silahlı Qüvvələrinin atdığı Smerç tipli raketlərdən ikisi Goranboyun Tapqaraqoyunlu kəndinə düşüb. Hadisə yerinə ANAMA mütəxəssisləri cəlb ediliblər. Daha ətraflı – videomuzda.

Kənd sakini Qafqaz Yaqubov son dəqiqəyə qədər raketlərdən birinin öz həyətinə düşməsindən bixəbər olub. Yalnız bütün kəndin məhəllələrini gəzdikdən sonra evdə onu bu cür “sürpriz”in gözlədiyini öyrənib.

Hadisə yerinə ANAMA-nın təcili təxirəsalınmaz aparıcı əməliyyat qrupu cəlb edilib. Raketlər işarələnib və zərərsizləşdirilməsi üçün müvafiq tədbirlər həyata keçirilib.

Ermənistan SQ-nin dinc əhaliyə qarşı cinayət aktları davam edir. Bu dəfə hadisə yerində xəsarət alan olmayıb. Amma Baş Prokurorluğun məlumatına əsasən, Ermənistan SQ-nin hücumları nəticəsində sentyabrın 27-dən indiyədək 65 mülki şəxs qətlə yetirilib, 297 nəfər isə yaralanıb. Yararsız vəziyyətə düşmüş mülki obyektlərin sayı 398, çoxmənzilli yaşayış binalarının sayı 90, yaşayış evlərinin sayı isə 2174-dür.

96
Teqlər:
atəş, Goranboy, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Türkiyə Prezidenti Rəcəb Tayyib Ərdoğan, arxiv şəkli

Ərdoğan millətimizə səsləndi: "Aman, fransız markalı malları almayın!"

0
(Yenilənib 17:45 26.10.2020)
Türkiyə Prezidenti: Bütün dünyanın gözləri önündə Fələstində zülm, İraq və Əfqanıstanda terror can almağa davam edir. Fransada yaşananlar, Almaniyada yaşananlar dünyanın gözü önündə olur.

BAKI, 26 oktyabr — Sputnik. Bütün dünyanın gözləri önündə Fələstində zülm, İraq və Əfqanıstanda terror can almağa davam edir. Fransada yaşananlar, Almaniyada yaşananlar dünyanın gözü önündə olur. Sputnik Türkiyə xəbər verir ki, bunu Türkiyənin Prezidenti Rəcəb Tayyib Ərdoğan bildirib.

"Bütün dünyanın gözləri önündə Fələstində zülm, İraq və Əfqanıstanda terror can almağa davam edir. Fransada yaşananlar, Almaniyada yaşananlar dünyanın gözü önündə olur. Qərb, xüsusi ilə Xristian dünyasına səslənirəm. İnsanıq, insan olaraq Xristian olmaq günah deyil, ona da sahib çıxırıq. Fransada müsəlmanlara qarşı zülm varsa, orada sahib çıxaq deyə dünya liderlərinə səslənirəm. Necə ki, Fransada türk markalı mal almayın deyirlərsə, mən də buradan millətimə səslənirəm: aman, fransız markalı malları almayın", - deyə Ərdoğan qeyd edib.

0
Əlaqədar
Dünya müsəlmanları Fransa mallarını boykot etməyə çağırırlar
Ərdoğan: "Azərbaycanın yanında olduğumuz üçün günahlandırıldıq"
Ərdoğan: "Azərbaycandakı faciələrin arxasında Fransa dayanır