Azərbaycanda yeganə stimpanker lazımsız avtomobil hissələrindən xariqələr yaradır
(Yenilənib 19:37 03.09.2019)
45 yaşlı avtomobil çilingəri Sahib Verdiyev öz həyətini əsl sərgi meydançasına çevirib. İşləri isə adi rəsmlər deyil, stimpank üslubunda yaradılmış layihələrdir. Daha ətraflı – videomuzda. Sahib Verdiyevin əsas işi avtomobil çilingərliyidir. Amma bir dəfə qardaşı qızı ona bu işlə məşğul olmağı təklif edib. Həmin gündən Sahib Verdiyev stimpankla (metal üzərində incəsənət) məşğuldur.
©
Sputnik / Leyla Orucova / Taleh Mahmudov
Maraqlısı odur ki, o, öz işlərində xammaldan deyil, tullantılardan istifadə edir. Özü avtomexanik olduğuna görə lazımsız avtomobil hissələrini tullamır, onlara ikinci həyat verir.
Ötən il “Təmiz Şəhər”in təşkil etdiyi “Tullantıdan sənətə” sərgisinə “Nəsiminin Taxt-tacı” işini təqdim edib. Bu, onun indiyədək gördüyü ən irimiqyaslı işidir. 2 metr hündürlüyü və 150 kq çəkisi olan taxt-tacı haradasa 3 aya bitirib. Ümumiyyətlə, o, bir işin üzərində 2 saatdan 3 aya qədər çalışır. Məsələn, xüsusilə Sputnik Azərbaycan üçün hazırladığı ürək haradasa 30 dəqiqə ərzində ərsəyə gəldi. Bu cür işləri o, daha sonra asetona batırılmış fırça ilə təmizləyir, çünki bəzən dəliklərdə hələ də mühərrik yağı qalır. Daha sonra isə hazırlanan məmulat istənilən rəngə boyana bilər.
Azərbaycanda tullantı ilə çalışan yeganə stimpankerin arzusu öz emalatxanasına sahib olmaqdır. Çünki onun ürəyindən kiçik fiqurlar düzəltmək deyil, irimiqyaslı layihələr üzərində çalışmaq keçir.
Kəlbəcərin Qamışlı kəndinin videogörüntüləri
Müdafiə Nazirliyi Kəlbəcər rayonunun Qamışlı kəndindən videogörüntülər paylaşıb.
Sputnik Azərbaycan həmin görüntüləri təqdim edir:
İtaliya sahillərində nəhəng balina cəmdəyi tapılıb – video
(Yenilənib 11:57 22.01.2021)
İtaliyanın Sorrento limanı hövzəsində nəhəng balina cəmdəyi tapılıb. Hadisənin şahidlərinin çəkdiyi kadrları izləyin.Xəbər verilir ki, dalğıcların təsadüfən onun balası ilə toqquşması nəticəsində bala onları balinanın öldüyü yerə aparıb çıxarıb. Balinanın uzunluğu 23 metr, çəkisi isə təxminən 70 tondur.
Ölmüş balinanın Neapol limanına çatdırılmasından sonra onun üzərində ekspertizanın aparılması və skeletinin muzeyə verilməsi planlaşdırılır.
Dəniz quldurları Türkiyə gəmisinə hücum edib, azərbaycanlı mühəndis öldürülüb
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.
“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.
Gəminin kapitanı bildirib ki, quldurlar radardan başqa bütün sistemləri söküblər:
"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".