Hindistan narı Qəbələdə qeyri-adi meyvə Azərbaycanda necə yetişdirilir

151
(Yenilənib 13:15 22.08.2019)
Qəbələli bağban öz həyətində Hindistan narı yetişdirməyə nail olub. Bu meyvənin necə göründüyünü Sputnik Azərbaycan-ın videosunda izləyin

Qəbələ rayonu Bum qəsəbəsi sakini Hakim Paşa illərdir bağçılıq və tingçiliklə məşğul olur. Vərdiş etdiyimiz ağaclardan başqa, bağban həyətində qeyri-adi meyvə əkməyə də çalışır.

Bir neçə il öncə Qəbələdə mürəbbə festivalı zamanı tanış olduğu hindistanlı turist ona hind narını göstərib. Bu meyvənin yetişdirilməsinin yüksək əziyyət tələb etdiyini deyən qonaq, qəbələli bağbana iki meyvə hədiyyə edib. Hakim Paşa isə illər sonra iki ağac yetişdirməyə müvəffəq olub, indi isə onların sayını artırmaq haqqında düşünür.

151

Soxulcan zülallı kekslər: Gələcəyin yeməyi beləmi görünür?

518
(Yenilənib 11:55 03.08.2020)
Latviya alimləri qeyri-adi keks reseptini işləyib hazırlayıblar. Soxulcanlı şirniyyatın necə göründüyünü isə videomuzda izləyin.

Ənənəvi inqrediyentlərə Latviya alimləri soxulcanlardan alınmış zülal əlavə ediblər.

“Bir alim kimi, bu soxulcanların zülal mənbəyi kimi qida məhsullarında istifadə edilə biləcəyi mənim üçün çox maraqlı gəldi”, - deyə Latviya Kənd Təsərrüfatı İnstitutunun dosenti İlqa Qedrovitsa bizə danışıb.

Bir çox ölkənin sakinləri artıq çoxdan həşərat və müxtəlif qurd növlərinə yemək kimi baxırlar. Onlar bunları “ənənəvi” ətin alternativi kimi görürlər. Riqalı alimlərin işi sayəsində bu alternativlərin siyahısı arta bilər. 

518

Dünya nəhənginin yaradılması yolunda ilk addımı atmışıq, öz Henri Fordumuz, öz "Arzu-1"miz

5655
(Yenilənib 16:11 31.07.2020)
Xaçmazın Arzu kənd sakini Cəlil Allahyarov müxtəlif maşın hissələrindən yeni avtomobil yaratmağa müvəffəq olub. Onun bunu necə etdiyini və maşının necə göründüyünü videomuzda izləyin.

58 yaşlı Cəlil Allahyarov 38 il elektrik avadanlıqları üzrə avtomobil ustası olub. Təsərrüfatında maşın gərəkli olduğunu görəndə isə onu almaq əvəzinə sıfırdan özü yaratmaq qərarına gəlib.

2 ay ərzində və 2,500 manata ərsəyə gətirdiyi avtomobil istifadəsində 7 müxtəlif maşın detallarından istifadə edilib. Alışdırma və əyləc sistemi “Qazel”, karbürator “VAZ 07”-dən, ötürmə sistemi “QAZ-24”-dən, mühərrik “Moskviç”-dən, qabaq faralar “KamAZ”-dan, oturacaqlar isə “Toyota”-dan götürülüb. Maşının karkasını isə usta dəmir lövhələrdən öz əlləri ilə düzəldib.

Avtomobil 1 ton yük daşımaq gücündədir, saatda 80-100 km sürətlə hərəkət edir. Maşın hər kəsin marağına səbəb olsa da, usta onu satmaq fikrində deyil. O, maşını məhz özü üçün, kənd təsərrüfatında istifadə etmək üçün yaradıb. Adını isə yaşadığı kəndin şərəfinə “Arzu-1” qoyub.

Cəlil bəy bu avtomobilini patentləşdirmək, gələcəkdə isə kvadrasikl və amfibiya maşın yaratmaq fikrindədir. 

Xatırladaq ki, amerikalı məşhur ixtiraçı, mexanik, sənayeçi və biznesmen Henri Ford 1893-cü ildə işdən sonrakı boş vaxtlarında özünün ilk avtomobilini düzəldib, 1903-cü ildə "Ford Motor Company"ni təsis edib.

5655
Afina

Afinadan geriyə doğru addım! Yunanıstan Türkiyə ilə dialoqa hazırdır

0
(Yenilənib 12:33 04.08.2020)
Afinada baş tutan görüşdə tərəflərin Aralıq dənizindəki son vəziyyəti, Liviya böhranı və qaçqın məsələsini də nəzərdən keçirdikləri bildirilir.

BAKI, 4 avqust — Sputnik. Türkiyə ilə dialoqa hazırıq.

Sputnik Türkiyə xəbər verir ki, bunu Yunanıstanın Xarici İşlər naziri Nikos Dendias Almaniyanın Şimal Ren-Vestfalya vilayətinin rəhbəri Armin Laşetlə həyata keçirdiyi görüşlərin yekunlarına dair keçirilən görüşdə bildirib.

Türkiyə ilə yaşanan gərginliyə toxunan Dendias qeyd edib ki, iki ölkə arasında tək anlaşılmazlıq qitə ərazisi və xüsusi iqtisadi zona ilə bağlıdır: "Türkiyə ilə dialoqa açığıq, lakin təhdid altında deyilik".

Bundan əlavə, Afinada baş tutan görüşdə tərəflərin Aralıq dənizindəki son vəziyyəti, Liviya böhranı və qaçqın məsələsini də nəzərdən keçirdikləri bildirilir.

0