"Hər kəs bizi Leyli Məcnun adlandırır" 57 illik xoşbəxtliyin sirri

2045
(Yenilənib 17:54 08.07.2019)
Şərifovlar ailəsi artıq 57 ildir ki, evlidir. Sputnik Azərbaycan isə onların xoşbəxt ailəsinin sirrini öyrənmək qərarına gəlib.

Mirzə və Nərgiz Şərifovlar birgə işlədikləri zavodda tanış olublar. Mirzə dayı takelajçı işləyirdi, Nərgiz xanım isə həmin zavodda mühəndis idi. Elə birinci gündən ayrılmaz cütlük olublar.

Bu gün isə onlar xoşbəxt ailə münasibətlərinin bariz misalıdır desək, yanılmarıq. Belə ki, onların birliyinin təməli anlayış, dəstək və sevgidir. 57 ildir Mirzə dayı ilə birgə yaşayan Nərgiz xanım əmindir ki, heç bir ailə qarşılıqlı sevgisiz qurulmamalıdır. Onlar bu günə qədər öz gəncliyini sevə-sevə xatırlayırlar və əmindirlər ki, sevgi əbədi yaşayır.

Onların toyu təmtəraqlı olmayıb – Mirzə Şərifov uşaq evində böyüyüb, Nərgiz Şərifova isə çox kasıb ailədən olub. Müharibə illərini isə o da uşaq evində keçirib.

“Mirzə ilk günlərdən mənə qarşı çox diqqətli olub. Düşünürəm ki, ailəmizin əsası sevgi əsasında qurulub. 57 il bir gün kimi ötüb-keçib, çünki həmişə birlikdə xoşbəxt olmuşuq”, - deyə Nərgiz xanım xatırlayır.

Biz isə dərhal inanırıq, çünki onlar bu gün də bir-birlərinə böyük sevgi ilə baxırlar.

Qeyd edək ki, 8 iyul Rusiyada ailə, sevgi və sədaqət günü kimi qeyd edilir. Bu gün də Şərifovlar ailəsi bir-birlərini busə ilə təbrik etdilər. Biz isə onlara uzun ömür və bundan sonra da sevgi və xoşbəxtlik dolu həyat arzulamaq istəyirik!

2045

Daha bir şəhidimiz torpağa tapşırıldı video

93
(Yenilənib 19:04 13.07.2020)
Azərbaycan Ordusunun Tovuz istiqamətində baş ver eskalasiya nəticəsində həyatını itirmiş baş leytenantının son mənzilə necə yola salındığını videoda izləyin.

İşğalçı ordunun hücumu nəticəsində şəhid olan Azərbaycan Ordusunun baş leytenantı Rəşad Rəşid oğlu Mahmudovun nəşi doğulduğu Biləsuvar rayonu Aşağı Cürəli kəndinə gətirilib. Doğmaları vidalaşdıqdan sonra zabitin nəşi dəfn edilməsi üçün kənd qəbiristanlığına aparılıb.

Vətən uğrunda şəhid olmuş baş əsgər son mənzilə yola salınıb – video
© Sputnik. İlham Mustafa / Kamilla Əliyeva / Leyla Orucova

İyul ayının 12-dən 13-ə keçən gecə Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə müxtəlif çaplı silahlardan və eləcə də artilleriya atəşindən istifadə edərək hücuma keçməyə cəhd göstərib

Düşmən hücumunun qarşısını alarkən döyüşdə Azərbaycan Ordusunun hərbi qulluqçuları – çavuş Sadıqov Vüqar Lətif oğlu, baş əsgər Məmmədov Elşad Dönməz oğlu, əsgər Daşdəmirov Xəyyam Məhəmməd oğlu və baş leytenant Mahmudov Rəşad Rəşid oğlu şəhid olublar.

Hazırda əməliyyat şəraiti qoşunlarımızın nəzarəti altındadır.

93

Vətən uğrunda şəhid olmuş baş əsgər son mənzilə yola salınıb video

54
(Yenilənib 17:20 13.07.2020)
Azərbaycan-Ermənistan dövlət sərhədinin Tovuz istiqamətində vəziyyət gərgin olaraq qalır. Ordumuz dörd şəhid verib və onlar Azərbaycan bayrağı altında doğulduğu rayonlarda dəfn ediliblər.

Ermənistanın təxribatı nəticəsində Azərbaycan Ordusunun şəhid olan hərbi qulluqçusu, baş əsgər 1996-cı il təvəllüdlü Elşad Dönməz oğlu Məmmədov dəfn olunub. Şəhidin cənazəsi doğulduğu Tovuzun Ağdam kəndində torpağa tapşırılıb. Milli Ordumuzun şəhidi ailəli olub, 6 aylıq oğlu var.

İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib.

Düşmən hücumunun qarşısını alarkən döyüşdə Azərbaycan Ordusunun  hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu, baş əsgər Məmmədov Elşad Dönməz oğlu şəhid olublar, əsgər Daşdəmirov Xəyyam Məhəmməd oğlu və baş leytenant Mahmudov Rəşad Rəşid oğlu şəhid olublar.

Azərbaycan Ordusu düşmənin dayaq məntəqəsinə zərbə endirib – döyüş xəttindən video>>

Hazırda əməliyyat şəraiti qoşunlarımızın nəzarəti altındadır.

54
Artilleriya atəşi, arxiv şəkli

Cəbhədən yeni xəbər: Tovuzun daha bir kəndi artilleriyadan atəşə tutulub

0
(Yenilənib 10:40 14.07.2020)
Ermənilər Tovuz rayonunun Dondar Quşçu kəndini iriçaplı silahlardan və artilleriya qurğularından atəşə tutublar

Eldar Tanrıverdiyev, Sputnik Azərbaycan

BAKI, 14 iyul — Sputnik. Ermənistan silahlı qüvvələrinin bölmələri Tovuz rayonunun Dondar Quşçu kəndini iriçaplı silahlardan və artilleriya qurğularından atəşə tutub. Bunu Sputnik Azərbaycan-ın sorğusuna cavab olaraq Müdafiə Naziliyinin Mətbuat Xidmətinin rəisi polkovnik Vaqif Dərgahlı bildirib.

O, qeyd edib ki, kənd sakinlərinə heç bir ziyan dəyməyib.

Xatırladaq ki, Ermənistan silahlı qüvvələrinin bölmələri iyulun 14-ü səhər saatlarından başlayaraq Tovuz rayonunun Ağdam və Əlibəyli kəndlərini iriçaplı silahlardan və artilleriya qurğularından atəşə tutub. Həmin vaxt da kənd sakinlərinə heç bir ziyan dəyməyib.

Qeyd edək ki, iyulun 12-də günorta saatlarından başlayaraq Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz rayonu sahəsində atəşkəs rejimini kobud şəkildə pozaraq artilleriya qurğularından istifadə etməklə mövqelərimizi atəşə tutublar. Hər iki tərəfin itki verdiyi bildirilir. Belə ki, Düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub.

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib.

Artilleriya, minaatan və tankların tətbiqi ilə gedən gecə döyüşlərində bölmələrimizin dəqiq atəşi ilə düşmənin dayaq məntəqəsi, artilleriya qurğuları, hərbi hissəsi ərazisində avtomobil texnikası və canlı qüvvəsi məhv edilib.

Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.

Hazırda əməliyyat şəraiti qoşunlarımızın nəzarəti altındadır.

0