Bakı Dövlət Universitetinin tarix fakültəsinin dekanı, tarix elmləri doktoru, professor Azad Rzayev deyir ki, bu yanğın Azərbaycan üçün də bir zəng olmalıdır və ölkəmizin maddi irsi hesab edilən abidələrin nə cür qorunmasına xüsusi diqqət ayrılmalıdır.
Qafqaz Tarixi Mərkəzinin direktoru Rizvan Hüseynov isə Notr-Dam de Parinin yanmasının əsas səbəbi kimi onun, əsasən, taxtadan tikildiyini vurğulayıb. Azərbaycanda meşə həddən artıq çox olmadığına görə, abidələr, əsasən, daşdan hörülüb. Bizim abidələrimiz üçün yanğın yox, daha çox baxımsızlıq və digər təbii hadisələr təhlükəli ola bilər.
