“Sərt tənqidə məruz qalmağımız heç təəccüblü deyil”

301
(Yenilənib 18:18 08.03.2019)
Bodibildinqi Azərbaycanda kişilər üçün idman növü hesab edirlər. Amma 22 yaşlı Gülər İsmayılova bu stereotipi qırmağa nail olan nadir qadınlarımızdan biridir.

Hal-hazırda ADA Universitetinin beynəlxalq münasibətlər fakültəsində 5-ci kurs tələbəsi olmasına baxmayaraq, Gülər öz gələcəyini diplomatik korpuslarda təsəvvür edə bilmir. Uzun illərdir müxtəlif idman növləriylə məşğul olan qəhrəmanımız bir ilə yaxındır ki, bodibildinq sahəsində peşəkar olaraq fəaliyyət göstərməyə başlayıb. Və ilk uğuru da özünü çox gözlətməyib. Aylarla hazırlıq, qan-tər... Bir sözlə, Gülərin var gücü ilə çalışması öz bəhrəsini verib. Ötən ilin noyabr ayında o, Azərbaycan Bodybuilding və Fitness Bikini çempionatında ikinci yer qazanıb.

Maraqlısı odur ki, bu nailiyyət digər idman növlərində olduğu kimi təbriklər və dəstək sözlərilə nəticələnməyib. Tam əksinə! Qadın bodibilder olaraq, Gülər olduqca sərt tənqidə məruz qalıb. Sosial şəbəkələrdə paylaşımlar etdikdən sonra ona yazılan şərhlərin çoxunda qadın kimi incə olmaması ilə bağlı tənqidlər olub. İlk öncə bunlara görə çətinlik çəkən idmançı, artıq öyrəşdiyini və bir tərəfdən də bu cür reaksiyanın heç də təəccüblü olmadığını deyir.

Gülərin sözlərinə görə, nəinki bodibildinq, ümumiyyətlə idman sahəsi bizdə son illərdə inkişaf etməyə başlayıb. O, deyir ki, əvvəl insanlarımız idman zalına və öz bədən formalarına bu qədər maraq göstərmirdilər. İnsanların idmana marağı artdıqca, onlar bodibilderləri də daha yaxşı başa düşməyə başlayıblar. Bizim qadınlara gəldikdə isə onların istəyi bodibildinq deyil, daha çox öz bədənlərini ideal formaya salmaqdır.

Düşünürük ki, hər idman növündə cüzi bir nailiyyətə sahib olmaq böyük əzmkarlıq, intizam və ağır iş tələb edir. Bunun üçün idmançılara, xüsusilə də kişi idman növü hesab edilən istiqamətlərdə məşq edən qadınlara xüsusi hörmətimiz var. İstəyimiz hər birinin səsini ucalardan eşitməkdir.

301

Əsgərlərimiz hərbi parada hazırlaşırlar - VİDEO

76
(Yenilənib 18:03 05.12.2020)
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunacaq

BAKI, 5 dekabr - Sputnik. Dekabrın 10-da keçiriləcək Vətən müharibəsində qələbəyə həsr olunmuş hərbi parada hazırlıq məşqləri davam edir.
Sputnik Azərbaycan Müdafiə Nazirliyinə istinadən bildirir ki, Azadlıq Meydanında keçiriləcək hərbi paradda 3000 nəfərdən artıq şəxsi heyət, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, eləcə də hərbi gəmi və katerlər nümayiş etdiriləcək.
Paradda həmçinin Vətən müharibəsi zamanı Azərbaycan Ordusunun darmadağın etdiyi düşməndən ələ keçirdiyi hərbi qənimətlərin bir qismi də nümayiş olunacaq.

76
Teqlər:
video, hazırlıq, Müdafiə Nazirliyi, hərbi, parad

Evlər "Suqovuşan"ın işığı ilə aydınlanacaq - VİDEO

24
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

24
Teqlər:
"Azərenerji" ASC, SES, Suqovuşan
Sarımsaq, arxiv şəkli

Təbii antibiotik zərərli imiş

0
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

0
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq