Azərbaycanlıların ölümü ilə nəticələnən dəhşətli qəzadan sonrakı görüntülər

1095
(Yenilənib 13:53 06.03.2019)
Bu gün Rusiyanın Stavropol vilayətində səhər saat 5:30-da 6 azərbaycanlının ölümü ilə nəticələnən dəhşətli yol qəzası baş verib. Qəza yerindən videonu sizə təqdim edirik.

Hadisə “ZİL” markalı yük avtomobilinin qarşı yola çıxaraq Azərbaycandan Moskvaya sərnişin daşıyan “Mercedes” markalı mikroavtobusla toqquşması nəticəsində baş verib. Rusiya Fövqəladə Hallar Nazirliyinin regional baş idarəsinin verdiyi ilkin məlumata görə, qəza nəticəsində altı nəfər azərbaycanlı ölüb, üç nəfər isə ağır zədələrlə xəstəxanaya yerləşdirilib.

Qəzanın başvermə səbəbi kimi "ZİL"in sürücüsünün yuxulu olması və qarşı hərəkət üçün nəzərdə tutulmuş yol zolaqları arasında maneənin qoyulmaması göstərilir.

1095
Əlaqədar
Soydaşlarımızın başına gələn faciənin təfərrüatı məlum olub

Bakı Xan Sarayının yeraltı hamamı yer üzünə çıxır

33
(Yenilənib 17:06 05.08.2020)
Sputnik Azərbaycan Qoşa Qala darvazasının yaxınlığında yerləşən bərpa edilən hamama baş çəkib. Nəhayət yenilənmiş abidənin indi necə göründüyünü videomuzda izləyin.

2018-ci ildə Azərbaycanın Birinci Vitse-prezidenti Mehriban Əliyevanın təşəbbüsü ilə Bakı Xan Sarayı kompleksinin bərpa və rekonstruksiya işləri başlayıb. Kompleksin ərazisində həm də XVII əsrə aid yeraltı hamam da yerləşir. Bərpa işləri iki il ərzində bu sahənin ən tanınmış və aparıcı Avropa şirkətlərindən olan Avstriyanın “Atelier Erich Pummer GmbH” tərəfindən aparılıb.

Zamana səyahət: Bakı Xan Sarayı qonaq gözləyir
© Sputnik / Kamilla Əliyeva / Taleh Mahmudov / Leyla Orucova

Hamam Qoşa Qala qapısının yaxınlığında yerləşir. XIX əsrin əvvəlində Rusiya İmperiyası qoşunları tərəfindən Bakı xanlığının tutulmasından sonra kompleks yer altında qalmışdı. Yer altında bu qədər çox müddət qaldığını nəzərə alsaq, hamam, belə desək, “təbii konservasiya” edilib və buna görə də günümüzə qədər yaxşı vəziyyətdə çatıb. Hamamın yalnız günbəzləri dağılmışdı və onlar da Abşeron əhəngdaşı istifadə etməklə bərpa edilib.

Hamamın daxilində muzey fəaliyyət göstərir. Burada 17-18-ci əsrlərə aid hamam ləvazimatları, çini qablar, sikkələr nümayiş etdirilir. Hamamda bütün ərazilər – dəhlizlər, sauna və istirahət zonaları bərpa edilib. Hamamın qərb hissəsində isə qazıntılar zamanı aşkar edilmiş və radiokarbon analizi üçün Almaniyaya göndərilmiş taxta element saxlanılır. Nəticələr bu elementin 1640-cı ilə aid olduğunu göstərib. Bundan başqa, burada həm də divara həkk edilmiş küplər saxlanılır. Onlar hamamın akustikasını və su səsinin söhbətlərə mane olmamasını təmin edirdi.

Hamamın “ürəyi” olan qazanxana da tamamilə öz formasında saxlanılıb və bərpa edilib. Burada su qızdırılır və hamamçı çimmək üçün uyğun su temperaturunu qoruyub-saxlayırdı.

Bakı sakinləri və qonaqları bu yeraltı hamamı koronavirusun yayılmasının qarşısını almaq üçün təyin edilən karantin rejiminin bitməsindən sonra ziyarət edə biləcəklər.

33

Karantini saz hazırlamağa həsr edən aşıq

881
(Yenilənib 14:01 04.08.2020)
Aşıq Mətləb Sadıqov yaşadığı Tərtər rayonunda istedadlı aşıq, kamil sazbənd kimi tanınır. Son zamanlarda el şadlıqlarında çıxış edə bilmədiyinə görə bütün zamanını sazbəndliyə həsr edib. Daha ətraflı videomuzda izləyin.

Saz ustası Mətləb Sadıqov üçün ən vacib iş el havalarını yaşatmaq, sazbəndlik və aşıqlıq sənətlərini gələcək nəsillərə ötürməkdir.

“Qara” saz onun qaranlıq dünyasına işıq tutub
© Sputnik / İlham Mustafa / Leyla Orucova

Son zamanlarda bəlli səbəblərdən el şadlıqlarında çıxış edə bilmədiyi üçün bütün vaxtını yarımçıq qalan sazları sona çatdırmağa həsr edib.

Usta danışıb ki, sazlar çeşidinə görə bir neçə formada hazırlanır – cürə adlanan kiçik sazlar, orta və tavar sazlar. Ən çox saz hazırlamaq üçün tut ağacından istifadə edilir. Amma hər tut ağacından da alət hazırlamaq olmur. Mətləb usta deyir ki, şimal zonasında bitən tutlardan hazırlanan sazın səsi də tamam başqa olur.

Sazbənd danışıb ki, cavan nəsil arasında saz çalmağı öyrənmək istəyənlərin sayı az deyil. Yaşadığı Tərtər rayonunun Sıxarx qəsəbəsində 30 nəfərə qədər şagirdi var. Karantin dövründə isə usta sənətini oğluna öyrədir. Onun ən böyük arzusu isə doğulduğu Kəlbəcərə qayıdıb, sənətini orada davam etdirməkdir.

881
Bakıda tibb işçiçiləri, arxiv şəkli

Koronavirusa yoluxmanın ən çoxmüşahidə olunduğu ərəfə açıqladı

0
(Yenilənib 17:17 06.08.2020)
29 iyun - 5 iyul tarixlərində COVID-19-a yoluxmada rəqəmlər yüksək olub. Həmin ərəfədə 52 nəfər COVID-19-dan vəfat edib.

 

BAKI, 6 avqust — Sputnik. Azərbaycanda COVID-19-a yoluxma üzrə dinamikanın həftələr üzrə statistikası açıqlanıb. Sputnik Azərbaycan-ın koronavirusinfo.az-a istinadən xəbərinə görə, ən çox yoluxma qadınlar arasında qeydə alınıb. Belə ki, ümumi yoluxanların 54 faizini qadınlar, 46 faizini kişilər təşkil edib.

29 iyun-5 iyul tarixlərində 3 900 nəfər yoluxub, 2716 nəfər sağalıb, 52 nəfər dünyasını dəyişib

6-12 iyul tarixlərində 3 717 nəfər yoluxub, 3 351 nəfər sağalıb, 56 nəfər dünyasını dəyişib

13-19 iyul tarixlərində 3 480 nəfər yoluxub, 3 874 nəfər sağalıb, 48 nəfər dünyasını dəyişib

20-26 iyul tarixlərində 2 529 nəfər yoluxub, 3 717 nəfər sağalıb, 63 nəfər dünyasını dəyişib

27-2 avqust tarixlərində 2 393 nəfər yoluxub, 4 429 nəfər sağalıb, 45 nəfər dünyasını dəyişib.

0
Mövzu:
Azərbaycanda koronavirus: son xəbərlər
Əlaqədar
Azərbaycanda koronavirus geriləyir: sağalanların sayı 435 oldu
İlham Əliyev: Koronavirusa qarşı mübarizədə müsbət dinamika bizi çox sevindirir
Vaksin burdaymış! Bizi koronavirusdan barama qurdu xilas edə bilər
Koronavirusa görə hamı ona qaçır, amma təhlükəsini unutmuşuq?