Təkərli kafe ya avtobusdan başqa cür necə istifadə etmək olar?

118
(Yenilənib 11:24 21.01.2019)
İraqlı iki gənc yaşadıqları Süleymaniyyə şəhərində iş tapa bilmədikləri üçün, qeyri-adi layihə fikirləşib. Onlar avtobusda kafe açıblar. Bunu necə ərsəyə gətirdiklərini isə Sputnik Azərbaycan-ın videosunda izləyin.

Süleymaniyyədə iş yerlərinin az olduğuna görə həmin gənclər öz başlarının çarəsinə baxmağa qərar veriblər və şəhərləri üçün tamamilə yeni bir layihəyə imza atıblar. Açdıqları kafe-avtobus şəhərin mərkəzində durur və elektrik enerjisini dayandığı avtomobil saxlama məntəqəsindən alır. Layihə 5 nəfəri işlə təmin edib və gənclərin kafesi tələbələr arasında olduqca məşhurlaşıb.

118

Zenit-raket bölmələrinin döyüş atışlı taktiki təlimləri keçirilir - VİDEO

9
(Yenilənib 10:12 22.04.2021)
Real döyüş vəziyyətinə uyğun şəraitdə keçirilən təlimlərdə şərti hava hədəfləri dəqiq atəşlə məhv edilir.

BAKI, 22 aprel — Sputnik. Müdafiə nazirinin təsdiq etdiyi 2021-ci il üçün döyüş hazırlığı planına əsasən, Azərbaycan Ordusunda zenit-raket bölmələrinin döyüş atışlı taktiki təlimləri keçirilir.

Müdafiə Nazirliyindən Sputnik Azərbaycan-a verilən xəbərə görə, təlimlərdə müxtəlif çaplı zenit qurğularından və zenit-raket komplekslərindən nümunəvi döyüş atışları icra olunur.

Real döyüş vəziyyətinə uyğun şəraitdə keçirilən təlimlərdə şərti hava hədəfləri dəqiq atəşlə məhv edilir.

Təlimlərdə əsas diqqət Vətən müharibəsində əldə edilən təcrübə nəzərə alınmaqla bölmələrin operativ idarəedilməsi, onların digər qoşun növləri ilə qarşılıqlı əlaqədə döyüş fəaliyyətinin təşkili üzrə vərdişlərinin təkmilləşdirilməsi və şəxsi heyətin döyüş hazırlığı səviyyəsinin yüksəldilməsinə yönəldilir.

9
Teqlər:
video, raket, hərbi təlimlər, Azərbaycan Ordusu

Müdafiə Nazirliyi Baş Qərvənd kəndinin ən son görüntülərini təqdim edib

11
(Yenilənib 18:46 21.04.2021)
Kəndin keçmış adı Kəkilbəyli Qərvənd olub. Kəkilbəy qərvəndlərin bu kənddə məskunlaşmış hissəsinin başçısının adıdır.

Müdafiə Nazirliyi Ağdam rayonunun Baş Qərvənd kəndindən videogörüntülər yayıb. Baş Qərvənd kəndi Xaçın çayının sağ sahilində, Qarabağ düzündə yerləşir.

Keçmış adı Kəkilbəyli Qərvənd olub. Kəkilbəy qərvəndlərin bu kənddə məskunlaşmış hissəsinin başçısının adıdır. Yaşayış məntəqəsi vaxtilə Qışlaq adlı yerdə salınıb. Kəbirli tayfasının bir qolunun adıdır. Sputnik Azərbaycan Müdafiə Nazirliyinin bu kənddən çəkdiyi ən son görüntüləri təqdim edir.

11
Bıçaq əlində qadın, arxiv şəkil

Qadın ərini ürəyindən bıçaqlayıb

0
(Yenilənib 14:17 22.04.2021)
Faktla bağlı Qaradağ rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

BAKI, 22 aprel — Sputnik. Aprelin 21-də saat 20 radələrində Qaradağ rayonu, Lökbatan qəsəbəsi ərazisində Əskərzadə Elvin Pənah oğlunun yaşadığı evdə bıçaqlanaraq öldürülməsi barədə rayon prokurorluğuna məlumat daxil olub.

Bu barədə Qaradağ rayon Prokurorluğundan Sputnik Azərbaycan-a verilən məlumatda bildirilib. Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla zərərçəkmişin həyat yoldaşı Babayeva Sevda Rasim qızının şəxsi münasibətlər zəminində aralarında yaranmış mübahisə zamanı bıçaqla Elvin Əskərzadənin sol sinə nahiyəsinə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Qaradağ rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Sevda Babayeva şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq hərəkətləri davam etdirilir.

0