Lerik sakinindən yeni ixtira: Artezian quyu qazmaq üçün texnika

497
(Yenilənib 17:15 05.12.2018)
Lerik rayon Pirzəkücə kənd sakini, əvvəllər sürücü işləmiş Nemət Əliyev artezian quyu qazmaq üçün yeni texnika icad edib.

Bunun da səbəbi odur ki, dağlıq ərazilərdə su təchizatını təmin etmək üçün əhalinin çoxu çıxış yolunu öz həyətlərində artezian quyuları qazmaqda görür.

Əliyevin Sputnik Azərbaycan-ın bölgə müxbirinə dediyinə görə, ərsəyə gətirdiyi qurğunu hazırlamaq üçün xarici ölkələrin istehsalı olan avtomobil və digər texnikaların hissələrindən faydalanıb.

Onun icad etdiyi texnikanın mühərriki dizel yanacağı ilə işləyir, həcmi 2,3 kub santimetrdir. 130 at gücünə malikdir. Yanacaq sərfiyyatı da olduqca azdır.

N.Əliyev təkbaşına, heç kimin köməyi olmadan yığdığı qurğuya hələ xüsusi ad verməyib. Maşını ərsəyə gətirməyə isə 18 aya yaxın vaxt sərf edib.

Müsahibimiz onu da bildirib ki, yaratdığı texnika quyu qazdırmaq istəyən sakinlərə çox sərf edir. Onun bu günə kimi qazdığı ən dərin quyu 56 metr olub.

497

Koronavirus Rusiya-Azərbaycan münasibətlərinə necə təsir etdi Rusiya səfiri

26
(Yenilənib 11:56 26.05.2020)
Rusiyanın Azərbaycandakı səfiri Mixail Boçarnikov Sputnik Azərbaycan-a eksklüziv müsahibə verib. Daha ətraflı videomuzda izləyin.

Rusiyanın Azərbaycandakı səfiri Mixail Boçarnikov koronavirus pandemiyası fonunda Rusiya-Azərbaycan əməkdaşlığının perspektivlərindən danışıb və iki ölkənin vətəndaşlarının öz ölkələrinə qayıdışı ilə bağlı məsələni şərh edib.

“Koronavirus pandemiyası ümumilikdə beynəlxalq münasibətlərə təsir etməyə bilməzdi. Buraya Rusiya-Azərbaycan qarşılıqlı əlaqələri də aiddir. Hal-hazırda, bizim ölkələr də daxil olmaqla bütün dünya təhlükəni geridə qoymağa başlayıb və bir növ yenidən açılmağa doğru addımlar atır. Elə vaxt gəlib çatır ki, bu fasiləni aşmalı və bu ilə təyin etdiyimiz bütün planları ərsəyə gətirmək üçün yeni sıçrayış üçün güc yığmalıyıq. Fikrimcə, koronavirus bizə vaxt verdi ki, biz daha böyük enerji ilə işləməyə başlayaq”, - deyə Boçarnikov koronavirusun ikitərəfli münasibətlərə təsirindən danışıb.

Boçarnikov həm də Rusiya və Azərbaycan vətəndaşlarının öz ölkələrinə qayıtması məsələsinə də toxunub. Onun fikrincə, bu hal-hazırda əməkdaşlığımızın ən aktual nöqtələrindən biridir.

“Hər iki ölkədə vətəndaşların hava yolu ilə çıxarılması üçün oxşar alqoritmlər işləyir. Bir həftə öncə avtobus vasitəsilə Dağıstanda qalmış azərbaycanlılardan 120 nəfəri avtobus vasitəsilə Azərbaycana gətirilib”, - deyə o şərh edib.

Diplomatın sözlərinə görə, ilk öncə uşaqlı qadınların və yaşlıların çıxarılmasına diqqət yetirilir. O həm də bu məsələnin yaxın vaxt ərzində tamamilə həll ediləcəyinə ümid etdiyini vurğulayıb.

26

“Deyilməyənləri dediyinizə görə təşəkkür” Millət vəkilindən səmimi təbrik

175
(Yenilənib 17:51 25.05.2020)
Bu gün Sputnik Azərbaycan informasiya agentliyi və radiosunun beş yaşı tamam olur. Azərbaycan Milli Məclisinin deputatı bu münasibətlə agentliyi təbrik edib. Daha ətraflı videomuzda.

Milli Məclisin deputatı, parlamentin Səhiyyə Komitəsinin üzvü Müşfiq Məmmədli Sputnik Azərbaycan-ı beş illik yubileyi münasibətilə təbrik edib. O, agentliyin Azərbaycan həqiqətlərinin dünya ictimaiyyətinə çatdırılmasında mühüm rol oynadığını qeyd edib.

“Şüarınızda qeyd etdiyiniz kimi, deyilməyənləri dediyinizə görə sizə minnətdarlığımızı bildiririk. Sizə uğurlar və çoxrəqəmli ad günlərinizi qeyd etmənizi arzulayıram”, - deyə millət vəkili Sputnik Azərbaycan-ın əlamətdar gününə şərik olub.

Sputnik Azərbaycan informasiya agentliyi və radiosunun internet portalı Azərbaycan və rus dillərində fəaliyyət göstərir. Ən aktual beynəlxalq və yerli mövzular üzrə bütün fikir müxtəlifliyini göstərməyi qarşısına məqsəd qoyan resurs sputnik.az və ru.sputnik.az internet ünvanlarında fəaliyyətdədir. Portalda oxuculara ən müxtəlif formatlarda materiallar təqdim edilir: məqalə, infoqrafika, video və fotoreportaj, onlayn sorğu.

Sputnik insanları doğru məlumatla təmin edir: Millət vəkilindən təbrik>>

Sputnik – dünyanın 90-dan çox şəhərində 33 dildə multimedia internet saytlarını, analoq və rəqəmsal radioyayımlarını özündə birləşdirən ən iri beynəlxalq KİV-lərdən biridir. Sputnik xəbər lentləri sutka ərzində ingilis, ərəb, ispan, çin və fars dillərində bütün dünya üzrlə aparıcı mediaları məlumatla təmin edir. Sputnik informasiya resurslarının auditoriyası ayda 80 milyondan çoxdur, Sputnik sosial şəbəkələrində isə ümumi abunəçilərin sayı 20 milyonu keçir. Bişkekdən Kişinyova, Pekindən Montevideoya qədər bütün dünya üzrə 24 redaksiya mərkəzlərində onlarla müxtəlif milliyyəti təmsil edən minlərlə insan çalışır. Sputnik “Rossiya Segodnya” media qrupuna daxildir.

175
Almaniyada epdimioloji vəziyyət

Koronavirusla bağlı Avropadan daha bir qərar

0
Qərara görə Almaniya iyunun 15-dən 31 ölkə ilə səyahət qadağasını aradan qaldırır. Siyahıda Türkiyənin adı yer almayıb.

BAKI, 26 may — Sputnik. Almaniya koronavirusla bağlı daha bir qərar verib. Sputnik Azərbaycan-ın Türkiyə mediasına istinadən xəbərinə görə, Almaniya hökuməti bəzi ölkələrlə sərhədlərin açılması haqda qərar verib.

Qərara görə Almaniya iyunun 15-dən 31 ölkə ilə səyahət qadağasını aradan qaldırır. Siyahıda Türkiyənin adı yer almayıb. Məlumata əsasən, Almaniya Avropa Birliyinə üzv ölkələrdən əlavə daha 4 ölkə ilə olan qadağaları da aradan qaldıracaq.

0