Dron yarışları fizika təcrübələri: “Bakutel 2018” sərgisində yeni layihələr

97
(Yenilənib 14:08 05.12.2018)
Builki “Bakutel 2018” sərgisi robot və dron sevərlərin ürəyincə olacaq. Çünki Bakı Ekspo Mərkəzinin foyesində təqdim olunan “Mən Pilotam” layihəsi olduqca böyük marağa səbəb olub.

Layihə AREA Akademiyası (Azerbaijan Robotics Engineering Academy) tərəfindən ilk dəfə “Bakutel 2018” ənənəvi beynəlxalq Telekommunikasiya, İnnovasiya və Yüksək Texnologiyalar Sərgi və Konfransı çərçivəsində təqdim olunub. 

Bakılılar robot qapıçıyla qızğın mübarizə aparıblar
© Sputnik / Leyla Orucova / Taleh Mahmudov
Onun əsas məqsədi 8-12 yaş arası uşaqların elmə marağını artırmaq, potensiallarını daha da inkişaf etdirməkdir. Uşaqlar dron istehsalı, onların dizaynı və idarə olunması haqda məlumatlandırılacaq. AREA tədrisçilərinin sözlərinə görə, mart ayında yarışma gözlənilir. Yarışın qalibləri isə Cənubi Koreyada keçiriləcək final yarışlara göndəriləcək. Hazırda bu proqram bir sıra məktəblərdə və AREA mərkəzlərində tədris edilir.

Bundan başqa, Hədəf Liseyinin tələbələri çəkiliş qrupumuz üçün maraqlı təcrübələr nümayiş etdiriblər.

Qeyd edək ki, “Bakutel 2018” sərgisi dünən işinə başlayıb və dekabrın 7-nə qədər davam edəcək. Sputnik Azərbaycan “Bakutel 2018” sərgisinin informasiya tərəfdaşıdır.

97