(2:30 / 17.75Mb / просмотров видео: 458)

“Azerbaijan Fashion Week”: İncəsənət dəblə qovuşanda

93
(Yenilənib 17:14 02.11.2018)
Bütün dəbsevərlərin çoxdan gözlədiyi məqam artıq burdadır. Dünən Bakıda Azərbaycan dəb həftəsinin 8-ci mövsümünün açılışı olub. Azərbaycan, Qazaxıstan, Gürcüstan və Tacikistandan olan dizaynerlər Bakıda yaz-yay 2019 mövsümünün ən son kolleksiyalarını nümayiş etdirirlər.

Bu dəfə dəb həftəsinin təşkilatçıları qeyri-adi mövzuya əl atıblar. Belə ki, bütün dəb nümayişləri “Art Meets Fashion” (İncəsənət dəblə qovuşanda) devizi altında keçir. Dəb nümayişlərindən başqa, tamaşaçılar həm də onlar üçün yaradılmış xüsusi ekspozisiya ilə tanış ola biləcəklər.

8-ci mövsümün iştirakçıları “Kaftan”, “Çəkməçi”, “Meeamee”, “SK collection”, Aya Bapani, Mak Mari, A.Sain, “NUBI Couture”, La Veine, Noora, Elian Couture, Zherebtsov, Ayşən Həbibova kimi dizaynerlər və markalardır.

İpək, nar və çəhrayının 50 çaları Azerbaijan Fashion Week-də
© Sputnik / Kamilla Əliyeva / Taleh Mahmudov

Azerbaijan Fashion Week-in 8-ci mövsümünün birinci günü Azərbaycan markası olan Kaftan-ın nümayişiylə açıldı. Həm də dəb həftəsinin tarixində ilk dəfə Azərbaycan markası olan “Çəkməçi” kişi və qadın ayaqqabılarının nümayişini təşkil etdi. Top stilist Fuad Hacıyev, "The Best Model of the World 2007" titulunun sahibi Rüstəm Cəbrayılov və "Avroviziya 2011" müsabiqəsinin qalibi Eldar Qasımovun iştirakı isə nümayişin bəzəyi oldu. 

Azərbaycan markası olan “Meeamee” dəbservərləri qaranın bütün çalarları, asimmetriya, və xəzdən işləmə kimi elementlərilə sevindirdi. Birinci günün yekunu olaraq, tacikistanlı dizayner Xurşed Sattorov öz yaradıcılığı ilə həftənin qonaqlarını günəşli Düşənbə şəhərinə səyahətə apardı.

Bu gün də “Azerbaijan Fashion Week” öz işinə davam edəcək. Nümayişlərin ikinci günü çərçivəsində A.Sain, Elian Couture, Le Veine, Noora, Ayshan Habibova və Aya Bapani kimi markalar öz dəbli yaradıcılığını tamaşaçılara təqdim edəcəklər. Dəb həftəsi çərçivəsində artıq ənənəvi olan şourum da öz işinə davam edəcək. Burada butik sahibləri və qonaqlar birbaşa dizaynerlərlə ünsiyyət qura və mövsümün ən son yeniliklərindən xəbər ala bilərlər.

Qeyd edək ki, dəb nümayişləri noyabrın üçünədək keçiriləcək. Sputnik Azərbaycan “Azerbaijan Fashion Week”-in məlumat tərəfdaşıdır.

93

ABŞ Rusiya Çini suriyalıları “acından öldürmək” təşəbbüsü üçün cəzalandırmaq istəyir

6
(Yenilənib 14:24 10.07.2020)
ABŞ-ın dövlət katibi əmindir ki, Rusiya və Çini BMT-də veto hüququndan sui-istifadə etdiyinə görə cəzalandırmaq lazımdır. Bundan öncə ölkələr Suriyaya humanitar yardım üzrə qətnaməni bloklamışdı.

Belçika və Almaniya Türkiyə və Suriya Ərəb Respublikası arasında sərhəddə iki nəzarət-buraxılış məntəqəsini saxlamağı təklif etdiyi halda, Moskva və Pekin bununla razılaşmayıb. Rusiya isə öz qətnamə layihəsini təklif edib. Bu vəziyyətdə amerikalıların nə üçün narazı qaldıqlarını isə videomuzda izləyin.

6

Azərbaycanda heç kimin dadına baxmadığı giləmeyvə: İlk cır mərsin plantasiyası

1833
(Yenilənib 15:36 09.07.2020)
Azərbaycanda ilk dəfə cır mərsin yetişdirilməyə başlanıb. Bunun neçə ilə ərsəyə gəldiyini, ölkəmiz üçün qeyri-adi olan bu giləmeyvənin necə göründüyünü videomuzda izləyin.

Bakı şəhər sakini İlyas Əhmədov Azərbaycanda, demək olar ki, heç kimin dadına baxmadığı giləmeyvə yetişdirmək qərarına gəlib. İlk plantasiyanı Siyəzən rayonunda salan Əhmədov ilk üç ili ədəbiyyatı tədqiq etməyə və müxtəlif cür sortlarla sınaq aparmağa sərf edib.

“Azərbaycan iqlimi və suyu ilə hansı çeşidlərin yetişəcəyi bəlli olmadığına görə ilk iki ildə iki hektar ərazidə 11 müxtəlif çeşid əkdik. Və gördüyünüz kimi, bu il biz artıq ilk meyvələri yığmağa başladıq”, - deyə plantasiya sahibi Sputnik Azərbaycan-ın bölgə müxbiri ilə bölüşüb.

Bitki üçün bütün gərəkli materiallar – torpaqdan tutmuş avadanlığa qədər Latın Amerikası ölkələrindən gətirilib. Plantasiya işçilərinin "mavigilə" adlandırdığı ilk meyvə hal-hazırda Bakı bazarlarına göndərilib və 125 qramı 2 manat 90 qəpiyə təklif edilir. Əhmədov özü etiraf edir ki, alıcılar ilk öncə meyvəni tanımadığı və qiymətin yüksək olduğunu deyiblər. Amma bunun da öz səbəbləri var.

“Bu, olduqca “şıltaq” bitkidir və çətin ərsəyə gəlir. Bir kilo bitkidən birinci ildə maksimum 300-400 qram yığmaq olar. Bu giləmeyvənin əziyyəti də çoxdur. Bütün işlər əl ilə görülür. Meyvə azot sevmədiyi üçün yetişdirilməsində heç bir gübrədən istifadə edilmir. Tamamilə orqanikdir”, - deyə plantasiya sahibi açıqlayıb.

Giləmeyvə xərçəng, şəkər və göz xəstəliklərinin müalicəsində istifadə edilir. Tərkibində digər giləmeyvələrlə müqayisədə antioksidant daha çoxdur.

Hal-hazırda isə plantasiyada 25-ə yaxın insan çalışır. Əhmədov gələcəkdə bazar qiymətini aşağı salmaq və giləmeyvəni bir deyil, üç mövsümdə təklif etmək üçün 10 hektar torpaqda cır mərsin əkməyə başlayıb. Gələcəkdə isə Azərbaycan üçün qeyri-adi olan digər giləmeyvələri yetişdirməyi planlaşdırır.

1833
 Xəstəxana, arxiv şəkli

Baldızını elə silahla vurdu ki, heç kim baş aça bilmədi

0
(Yenilənib 19:07 10.07.2020)
Hazırda prokurorluq və polis əməkdaşları tərəfindən Anar Əlizadənin tutularaq istintaqa cəlb edilməsi istiqamətində təxirəsalınmaz istintaq hərəkətləri və əməliyyat-axtarış tədbirləri davam etdirilir.

BAKI, 10 iyul — Sputnik. İyulun 09-da saat 21 radələrində Sumqayıt şəhəri, H.Z.Tağıyev qəsəbəsi ərazisində 1986-cı il təvəllüdlü Ramilə Quliyevaya yaşadığı evdə çoxsaylı xəsarətlər yetirilməsi barədə daxil olan məlumat əsasında dərhal prokurorluq və polis əməkdaşları tərəfindən hadisə yerinə baxış keçirilib.

Sputnik Azərbaycan Sumqayıt Prokurorluğunun məlumatına istinadla xəbər verir ki, araşdırmalarla Sumqayıt şəhər sakini, 1988-ci il təvəllüdlü Anar Əlizadənin baldızı, 1986-cı il təvəllüdlü Ramilə Quliyevaya hazırda istintaqa məlum olmayan kəsici-deşici alətlə aralarında yaranmış mübahisə zamanı xəsarətlər yetirməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlayıb, müvafiq ekspertizalar təyin edilib.

İş üzrə hadisənin şahidləri müəyyənləşdirilərək dindirilib, o cümlədən digər təxirəsalınmaz istintaq hərəkətləri həyata keçirilib.

Hazırda prokurorluq və polis əməkdaşları tərəfindən Anar Əlizadənin tutularaq istintaqa cəlb edilməsi istiqamətində təxirəsalınmaz istintaq hərəkətləri və əməliyyat-axtarış tədbirləri davam etdirilir.

0
Əlaqədar
On altı yaşlı yeniyetmə 23 yaşlı gənci qətlə yetirib
Qəbələdəki qardaş qətlinin bəzi təfərrüatı bəlli oldu
Füzulidə qətl - 27 yaşlı gənci bıçaqlayıb öldürdülər
Rusiyada qətlə yetirilən azərbaycanlı tələbənin qatili saxlanıldı
Bıçağı təqdim edərək, qətli etiraf etdi...