Yerin altından gələn möhtəşəm səs

154
(Yenilənib 18:22 18.09.2018)
Bakı metropoliteninin mətbuat xidmətinin rəhbəri Bəxtiyar Məmmədov açıqlamasında deyib ki, milli musiqi gününü qeyd etmək Bakı Metropoliteninin ənənəsinə çevrilib

Bu gün dahi bəstəkar Üzeyir Hacıbəyovun doğum günüdür. Eyni zamanda bu gün Azərbaycanda Milli Musiqi günü kimi qeyd edilir.

Musiqi gününü qeyd edən qurumlardan biri də Bakı Metropolitenidir. Artıq üçüncü ildir ki, Bakı şəhərinin sakinləri və qonaqları Milli musiqi günü klassik musiqidən zövq alma imkanları olur. Bu gün də eyni ənənəyə sadiq qalaraq sərnişinlərə musiqi bayramı abı-havasını yaşadıblar. 28 may və Elmlər Akademiyası metrostansiyalarında olan konsertlərdə Sputnik Azərbaycanın əməkdaşları da iştirak edib. Konsert iki hissədən ibarət olub, simli kvartet və milli üçlüyün çıxışı ilə baş tutub.

Sərnişinlərin konsertə marağı böyük olub. Hətta bir gənc oğlan konsertdə hip-hop musiqilərinin salınmasını istəyib. Sərnişinlər arasında Arzu Hüseynova tədbiri çox bəyənib. O, deyib ki, belə tədbirlər sərnişinlərə sevinc bəxş edir: "İnsanlar harasa tələsir. Məhz belə vəziyyətdə insanlara musiqi dünyası yaşatmaq möhtəşəmdir. Bu həm də musiqinin təbliğidir".

Bakı metropoliteninin mətbuat xidmətinin rəhbəri Bəxtiyar Məmmədov açıqlamasında deyib ki, milli musiqi gününü qeyd etmək Bakı Metropoliteninin ənənəsinə çevrilib: "Artıq neçə illərdir bu ənənə davam edir. Ümumiyyətlə musiqi bizim mənəvi dəyərimiz kimi bir çox sosial layihələrimizin tərkib hissəsinə çevrilib. Biz tək Milli Musiqi Günündə deyil, Novruz bayramı, Yeni il və digər bayramlarımızda da sərnişinləri musiqi proqramları ilə sevindirməyə çalışırıq. Bu il də ənənəyə sadiq qalaraq 4 stansiyada musiqi proqramı təşkil etdik. Simli kvartet və milli üçlüyün çıxışı olmaqla hər stansiyada bir saat yarım konsert proqramı təşkil olunub. Sərnişinlərin böyük marağını görüb sevinirik. Hətta gözləntilərimizdən də artıq maraq oldu. Hər musiqidən sonra çalınan alqışlar həm bizim musiqimizə, həm də bizə verilən dəyərdir. Bu da bizim üçün uğurdur".

154
Teqlər:
canlı konsert, Bakı Metropoliteni, doğum günü, Üzeyir Hacıbəyov, Milli Musiqi günü

Füzuli rayonunun Yuxarı Əbdürrəhmanlı kəndi bu gün necə görünür - VİDEO

6
(Yenilənib 17:51 22.01.2021)
Füzuli rayonunun Yuxarı Əbdürrəhmanlı kəndinin bugünkü vəziyyəti necədir? Sputnik Azərbaycan kəndin bu gününü əks etdirən videomaterialı təqdim edir.

Müdafiə Nazirliyi işğaldan azad edilmiş Füzuli rayonunun Yuxarı Əbdürrəhmanlı kəndindən çəkilmiş videoreportaj yayımlayıb. Sputnik Azərbaycan həmin reportajı təqdim edir. 

6

“Rus dili olimpiadasına bu qədər şagirdin qatıldığı başqa ölkə tanımıram” İrek Zinnurov

25
(Yenilənib 17:01 22.01.2021)
Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – yeni rəhbəri İrek Zinnurov artıq öz işinə başlayıb. Pandemiya müddətində mərkəzin əsas fəaliyyət hədəfləri barədə – videomuzda.

Su polosu üzrə ikiqat olimpiya çempionu, Dövlət Dumasının Tatarıstandan seçilmiş sabiq deputatı İrek Zinnurov Bakıdakı Rusiya Məlumat və Mədəniyyət Mərkəzinin (“Rossotrudniçestvo”) – rəhbəri təyin olunub. O artıq öz işinə başlayıb: gənclər təşkilatları, universitet rektorları və dövlət departamentləri ilə fəal şəkildə görüşlər keçirir. Yeni rəhbər, ilk növbədə, ölkələr arasında mədəniyyət, idman və bölgələrarası əməkdaşlıq sahəsində əlaqələrin inkişafına diqqət yetirəcək.

"Həmvətənlərimlə görüşdüm və onların “Rossotrudniçestvo” ilə bağlı şikayətlərini dinlədim. İndi bu problemə başqa baxış bucağından yanaşmaq istəyirəm. Biz bəzən axşam saatlarında, hətta lazım gələrsə, şənbə-bazar günlərində, başqa sözlə, həmvətənlərimizə əlverişli olan vaxtda da işləyəcəyik ki, onlar bir-biri ilə rahat görüşüb ünsiyyətdə ola bilsinlər. Mədəniyyət, təhsil, elm sahəsində görülən işləri davam etdirmək niyyətindəyik”, – deyə Zinnurov Sputnik Azərbaycan-a müsahibəsində bildirib.

Yeni rəhbərin sözlərinə görə, o, Azərbaycanın bütün qurumları ilə sıx əməkdaşlıq etməyə hazırdır.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0