(1:44 / 12.08Mb / просмотров видео: 348)

Valideynlərə xəbərdarlıq: "Övladlarınızı fırıldaqçılardan qoruyun"

1320
Bakıdakı məktəbli yarmarkalarında Çin istehsalı olan çoxsaylı saxta məhsullara rast gəlinir. Bunu nəzərə alan Sputnik əməkdaşları əsl məktəbli formasının istehsal edildiyi sexə gələrək, orijinal formaların qiyməti və keyfiyyəti barədə maraqlı məlumatlar əldə etdilər.

BAKI, 22 avqust — Sputnik. Ötən ildə olduğu kimi bu il də məktəbli formalarının qiyməti dəyişməz qalıb: 1-6-cı sinif uşaqları üçün 40 manat, 7-11-ci sinif uşaqları üçün 46 manat. Bakı tikiş evinin (BTE) satış şöbəsinin müdiri Etibar Əzimovun Sputnik Azərbaycana verdiyi məlumata görə, bu gün məktəbli yarmarkalarında BTE brendi altında Çin istehsalı olan saxta məktəbli formalarına da rast gəlinir.

"Ticarətçilər bizim brend və loqonu istifadə edərək, keyfiyyətsiz, lakin qiymətcə ucuz məhsulları satışa buraxır. Amma onların məhsulları öz formasını tez itirir və tiftiklənməyə başlayır. Bizim məhsulla Çin istehsalı arasındakı məhsulun qiymət fərqi 5 manat olsa da, valideynlərə tam əminliklə aldanmamağı çağırırıq. 5 manata görə uşaqlarınızın sağlamlığını risqə atmayın", deyə Etibar Əzimov vurğulayır.

Əzimovun sözlərinə görə, BTE-nin istehsal etdiyi məktəbli formalarının parçası Türkiyədə istehsal edilir və Avropa laboratoriyasından sertifikatı var. Bundan əlavə Standartlaşdırma, metrologiya və patent dövlət komitəsindən bu məhsulun məhz BTE tərəfindən istehsal olunması hüququmuzu təsdiq edən sertifikat da alınıb.

Məktəbli forması
Karikatura
Məktəbli forması

Xatırladaq ki, istehsal müəssisəsinin (012) 597 45 39 qaynar xətti fəaliyyət göstərir ki, bu nömrəni yığmaqla BTE-nin məhsulları, qiyməti və mağazaları barədə bütün məlumatları almaq mümkündür.

1320
Teqlər:
uşaq, valideyn, 'Bakı Tikiş Evi' (BTE) ASC, məktəbli forması
Əlaqədar
Uşaqlarımız üçün məktəb formasını nədən və necə tikirlər
Ekspert: “Azərbaycanda məktəbəqədər təhsilə maraq azdır”
Dövlət qurumu uşaqlarını məktəbə qoymaq istəyən valideynlərə müraciət etdi
Peşə məktəbindəki yeyintiyə görə cinayət işi başlanıb

"TurAz Şahini - 2021" təlimləri başa çatdı

16
(Yenilənib 17:08 16.09.2021)
Döyüş təyyarələrinin taktiki-texniki imkanlarından bacarıqla istifadə edərək təlimdə verilən bütün tapşırıqları peşəkarlıqla icra edən pilotların fəaliyyəti baza komandiri tərəfindən yüksək qiymətləndirilib.

BAKI, 16 sentyabr — Sputnik. Türkiyə Respublikasının Konya şəhərindəki aviabazada keçirilən Azərbaycan və Türkiyə Hərbi Hava Qüvvələrinin "TurAz Şahini - 2021" birgə taktiki təlimlərinin bağlanış mərasimi keçirilib.

Bu barədə Sputnik Azərbaycan-a Müdafiə Nazirliyindən məlumat verilib.

Bağlanış mərasimində aviasiya bazasının komandiri general-mayor Öndər Şənsöz təlimlərdə iştirak edən şəxsi heyəti təbrik edərək onlara gələcək xidmətlərində uğurlar arzulayıb.

Bildirilib ki, uğurla başa çatan təlimlərdə uçuş, texniki və təminat heyətləri böyük təcrübə qazanıblar. Hərbi pilotların döyüş hazırlığının daim yüksək səviyyədə saxlanılmasında bu kimi təlimlərin əhəmiyyəti xüsusi qeyd olunub və növbəti birgə təlimlərin keçirilməsinin zəruriliyi də əminliklə ifadə edilib.

Döyüş təyyarələrinin taktiki-texniki imkanlarından bacarıqla istifadə edərək təlimdə verilən bütün tapşırıqları peşəkarlıqla icra edən pilotların fəaliyyəti baza komandiri tərəfindən yüksək qiymətləndirilib.

Sonda iştirakçılara sertifikatlar təqdim edilib və xatirə şəkli çəkdirilib.

Qeyd edək ki, birgə təlimə Azərbaycan Hərbi Hava Qüvvələrinin 2 ədəd "MİQ-29" qırıcı və 2 ədəd "SU-25" hücum təyyarələri cəlb edilib.

Eləcə də oxuyun: 

16
Teqlər:
hərbi təlimlər, Konya, Türkiyə, Azərbaycan, video, Azərbaycan Müdafiə Nazirliyi

Dədə-baba sənəti: kəndirbazlar nəslindən olan adam Dağıstan yüksəkliklərini fəth edir

14
(Yenilənib 15:05 16.09.2021)
Kəndirbazlar nəslinin altıncı nümayəndəsi olan Kamil Mamayev ekstremal marşrutlarla qeyri-adi hobbisini həyata keçirir və bu sənəti məşhurlaşdırır.

Kəndirbaz Kamil Mamayevin sözlərinə görə, altı yaşından ip üstündə yeriməyə başlayıb. Kəndirbaz indiyə kimi hobbisini 10-a yaxın müxtəlif marşrut üzrə gerçəkləşdirib ki, onların arasında 150 metr yüksəklikdə, Solotol kanyonu üzərində ip üstə gəzmək də var.

Mamayev deyir ki, fəaliyyətinin əsas məqsədi bütün arzulayan insanlar üçün ip üstündə yerimək imkanının yaradılmasıdır. Bu məqsədlə o, Çindirçero dağ xizək kurortunda müxtəlif uzunluqlu kəndirlər üzərində ekstrim-park da təşkil edir.

"Bura çox turist gəlir, mühafizə sistemi vasitəsilə ip üstündə dayanmağa çalışır, şəkil çəkdirirlər. Onların arasında bu işi öyrənmək istəyənlər də çox olur. Hərə özünə lazım olanı seçir. Bəziləri üçün bu əyləncə, digərləri üçün idman, bir başqaları üçün ekstrimdir. Elə insanlar da var ki, bu işi həyatının mənası hesab edirlər", – deyə kəndirbaz fikirlərini bölüşüb.

O, sözügedən parkın yaradılması ilə yanaşı, şəxsi rekordunu da təzələmək niyyətindədir.

"Bu il ip üstündə 1,5 kilometr məsafə qət etmək istəyirəm. Bu Rusiya rekordudur. Əgər bunu bacarsam, rekord qazanmış olacağam. Baxaq görək, necə alınır", – deyə kəndirbaz sözlərinə yekun vurub.

14

Milli Parkın ərazisində qanunsuz balıq ovu ilə məşğul olanlar saxlanılıb

0
Qurduqları torlar vasitəsilə qanunsuz balıq ovlayan həmin şəxslərdən ov zamanı istifadə etdikləri 2 ədəd mühərrikli qayıq, 2 ədəd tor və qanunsuz olaraq tutduqları balıqlar aşkar olunaraq götürülüb.

BAKI, 17 sentyabr — Sputnik. Qızılağac Milli Parkının ərazisində qanunsuz balıq ovu ilə məşğul olanlar saxlanılıb. Daxili İşlər Nazirliyinin Mətbuat Xidmətinin Lənkəran regional qrupundan Sputnik Azərbaycan-a verilən məlumata görə, Su Nəqliyyatında Polis İdarəsinin Lənkəran Xətt Polis Şöbəsinin əməkdaşları tərəfindən qeyri-qanuni ovçuluq və balıqçılıqla məşğul olan şəxslərin aşkarlanması istiqamətində növbəti tədbir təşkil olunub.

Keçirilən tədbirlər zamanı Masallı rayonu Qızılağac kəndi istiqamətində Qızılağac Milli Parkının Böyük Körfəz su sahəsində qanunsuz balıq ovu ilə məşğul olan Masallı rayon sakinləri İlkin Qurbanov və Alim Həsənov saxlanılıblar.

Qurduqları torlar vasitəsilə qanunsuz balıq ovlayan həmin şəxslərdən ov zamanı istifadə etdikləri 2 ədəd mühərrikli qayıq, 2 ədəd tor və qanunsuz olaraq tutduqları balıqlar aşkar olunaraq götürülüb. İ.Qurbanov və A.Həsənovun ümumilikdə təbiətə 2211 manat dəyərində maddi ziyan vurduqları müəyyən edilib.

Onu da bildirək ki, Su NPİ-nin Lənkəran XPŞ-nin əməkdaşları ekoloji cinayət törədənlərlə yanaşı narkotik vasitələrin qanunsuz dövriyyəsinə qarşı mübarizə tədbirlərini də davam etdirir. Təkcə cari ilin ötən dövrü ərzində şöbə əməkdaşları tərəfindən 7 kiloqramdan artıq güclü təsiredici xassəyə malik narkotik vasitə aşkarlanaraq qanunsuz dövriyyədən çıxarılıb.

Həmçinin oxuyun:

Bacarıqları heyrətləndirir, amma polis daha peşəkar çıxdı - VİDEO

0
Teqlər:
balıq, milli park