(3:08 / 19.92Mb / просмотров видео: 978)

Lənkəranda bişirilən turşu kabab

6997
(Yenilənib 18:40 14.02.2017)
Turşu kababı bu dəfə bizlər üçün Sütəmurdov kənd sakini Gülzar xanım Həsənova bişirəcək.

Gülzar xanım turşu kababın bişirilməsi üçün ərzaq reseptini və onun bişirilmə qaydasını da bizlərlə bölüşdü.

Turşu kababın bişirilməsi üçün bizə lazım olacaq:

1 kq qoyun və ya dana əti
10 dəstə cəfəri
4 dəstə şüyüd
2 dəstə yaşıl sarmısaq və ya 3 diş dib sarmısaq
200 qr soğan

1 kq ətin təqribən 500-600 qram yumşaq sümüksüz hissəsi ayrılaraq ət çəkən maşından keçirilir, sonra isə 200 qr soğan çəkilərək hazır ətə qatılır. Qalan sümüklü ət isə doğranılır və 1 saat müddətinə qaynadılır. Turşu kabab üçün götürülən göyərti və sarmısaq taxta üzərində xırda-xırda döyülərək doğranılır. Əlavə olaraq 2 ədəd soğan da taxtada döyülərək doğranılır və göyərtiyə qatlır. Doğranılan göyərti-soğan qarışığının bir hissəsi tavaya boşaldılaraq yağda qızardılır. Yağda qovrulan göyərtiyə daha sonra isə əvvəlcədən qaynadılan doğranmış sümüklü ət qatlır və göyərti ilə bir yerdə tavada qovrulur. Bundan sonra qovrulan ət və göyərti qazana çəkilir və qaynadılan ətin suyu süzülərək qazana tökülür. Sonra qazanda olan məhsula ağız dadına görə duz əlavə edilir.

Bundan əlavə türşü kababın dadlı alınması üçün qazana limon suyu və ağ abqora (kal üzüm suyu) da tökülür. Çəkilmiş ətlə soğan qarışdırılır və qalan döyülmüş göyərti ətə qarışdırılır. Çəkilmiş ətlə göyərti qarışdırıldıqdan sonra ondan kiçik küftələr hazırlanır. Küftələri hazırlayarkən mütləq əlləri limon suyu və ya abqoraya batırmaq lazımdır. Çünki limon suyu və ya abqora küftələrin bişərkən parçalanıb dağılmasının qarşısını alır. Küftələr hazırlandıqdan sonra ehmalca ocaqda qaynayan tikə ət və qovrulmuş göyərtinin üzərinə düzülür.

Turşu kabab 45 dəqiqə ocaqda qaynadıqdan sonra tam bişir. Qeyd edək ki, turşu kababın daha dadlı olması üçün qoyun ətindən daha çox istifadə edilir.

Nuş olsun!

6997

Rusiyalı sülhməramlılar Laçın dəhlizində təhlükəsizliyə necə nəzarət edirlər video

28
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

28

Qələbə xidmətçiləri: Gecə boyu bayraq tikib insanlara təmənnasız paylayan tovuzlu dərzilər

15
(Yenilənib 11:26 26.11.2020)
Tovuz rayonu Qovlar şəhərində yaşayan dərzilər müharibə başlayan andan hər gün bayraq tikərək insanlara təmənnasız paylayıblar. Dərzi Leyli Əliyevanın ən böyük arzusunun nə olduğunu isə videomuzda izləyin.

İndi bayrağımız ölkəmizin hər yerini bəzəyir. Kəndlərimizdə, ucqar qəsəbə və yaşayış məntəqələrində bayraqsız bir küçə, bir məkan da yoxdur. Bayraq tələbatının aradan qalxması yolunda dərzilərimizin də xidməti böyükdür. Tovuz rayon Qovlar şəhərində yaşayan dərzilər də müharibə dövründə hər gün bayraq tikərək təmənnasız paylayıblar.

Sputnik Azərbaycan-ın bölgə müxbirinə danışan dərzi Leyli Əliyeva əvvəllər  bayraq tikmədiyini deyib. Lakin müharibə başlayan gündən bayrağa olan böyük tələbatı görüb digər sifarişlərini kənara ataraq yalnız bayraq tikməyə başladığını söyləyib.

“Bayraq bizim ləyaqətimizdi. Bayraq bizim şərəfimizdi. Müharibə başlayandan sonra gördüm ki, insanlar dükanlarda bayraq tapa bilmirlər. Tapanlar bahalığından şikayət edirlər. Mən də qərara gəldim ki, bu müharibəyə bacardığım qədər mən də köməkçi olum”, - deyə o, bizimlə bölüşüb.

Qələbə xidmətçisi ən böyük arzusunun tezliklə Qarabağa gedərək tikdiyi bayraqlardan birini Xurşidbanu Natəvanın qəbri üstünə sərmək olduğunu bildirib.

15

Çavuşoğlu Qarabağ məsələsini NATO-nun gündəminə gətirdi

0
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

0
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO