(2:33 / 16.02Mb / просмотров видео: 78)

UNEC tələbələrindən Bakıda möhtəşəm məzun günü

288
UNEC-in professor-müəllim heyətindən təbrik paylarını alan məzunlara professional kadrlara çevirilmək üçün bundan sonra da elmə yiyələnməyə davam etmək tövsiyə olundu

Azərbaycan Dövlət İqtisad Universitetində (UNEC) təntənəli şəkildə məzun günü keçirildi. Heydər Əliyev adına idman-konsert kompleksində baş tutan tədbirdə əmək və əhalinin sosial müdafiəsi naziri Səlim Müslümov, millət vəkilləri Aydın Mirzəzadə, Əli Məsimli, UNEC-in rektoru Ədalət Muradov, müəllim heyəti və məzunların valideynləri iştirak edirdilər.

UNEC-in professor-müəllim heyətindən təbrik paylarını alan məzunlara əldə olunan nəaliyyətlərlə kifayətlənməyərək, professional kadrlara çevirilmək üçün bundan sonra da elmə yiyələnməyə davam etmək tövsiyə olundu.

Sputnik əməkdaşı ilə söhbətində Universitetin "Əmtəəşünaslıq və ticarət" fakültəsinin dekanı Tofiq Osmanov məzunlara gələcək həyat yolunda layiqli yer tutmaq və ayaq üstə möhkəm dayanmağı arzuladı: "Daha bir il keçdi və biz yenidən tələbələrimizn növbəti məzun günündəyik. Onları ürəkdən təbrik edir və deyirəm: unutmayın ki, biz sizə ürəyimizin bir parçasını verdik, təhsil verdik ki, sizi gözləyən gələcəkdə özünüzə layiqli yer tuta biləsiniz və bu dövlətə layiq vətəndaş ola biləsiniz".

Məzunlar təkcə bu gün üçün yox, bütün təhsil aldıqları müddətdə onlara enerjilərini sərf edərək elm verən bütün professor-müəllim heyətinə minnətdarlıqlarını bildirdilər.

"Mən çox şadam ki, məhz UNEC-i bitirirəm. Bu elm ocağının divarları arasında keçirdiyim hər il mənim üçün yadda qalan oldu. Bizə əziyyət çəkən hər bir şəxsə minnətdaram", — deyə məzun Aytən İsmiyeva bildirdi.

Bayram tədbiri əyləncəli proqramla da zəngin idi. Xatırladaq ki, UNEC-də 11 fakültə və 40 kafedra fəaliyyət göstərir. Bu elm ocağında 461 professor və fəlsəfə doktoru çalışır.

288
Teqlər:
Heydər Əliyev adına idman-konsert kompleksi, məzun günü, Ədalət Muradov, Səlim Müslümov, Əli Məsimli, Azərbaycan Dövlət İqtisad Universiteti, UNEC, Aydın Mirzəzadə, tələbə
Əlaqədar
Fransada təhsil alacaq UNEC-in ilk tələbələri bəlli olub
UNEC Mərkəzi Asiya Universitetlər Birliyinə üzv seçilib
Fiziki məhdudiyyətli uşaqlar UNEC-in təhsil imkanları ilə tanış olublar
Webometrics nəticələri açıqladı: UNEC Azərbaycan birincisidir
UNEC-də nümunəvi dərslər aylığına start verilib

Dəmirçilər kəndində sükut qulaq batırır - VİDEO

11
(Yenilənib 18:16 26.01.2021)
Azərbaycan Müdafiə Nazirliyi işğaldan azad edilmiş Qubadlı rayonundan yeni videogörüntülər paylaşıb. Həmin görüntülərə Sputnik Azərbaycan-da baxa bilərsiz.

BAKI, 26 yanvar — Sputnik. Qubadlı rayonunun Dəmirçilər kəndindən videogörüntülər yayılıb.

Sputnik Azərbaycan Müdafiə Nazirliyinə istinadla həmin kənddən çəkilmiş videogörüntüləri təqdim edir.

Dəmirçilər kəndi rayon mərkəzindən 5 km cənubda, Bazarçayın sağ sahilində, dağətəyi ərazidədir. Yaşayış məntəqəsi dəmirçilər nəslinə mənsub ailələrin məskunlaşması nəticəsində yaranıb. XVI əsrdə qızılbaş tayfaları sırasında adları çəkilən dəmirçilər sonralar qazax tayfa birliyinin ən qüdrətli tirələrindən biri olub. 

Bir zamanlar həyat qaynayan kəndi 1993-cü ildə Ermənistan ordusu işğal edərək viran qoyub. 2020-ci il sentyabrın 27-də başlanan Vətən müharibəsində Azərbaycan Ordusu Dəmirçilər kəndini də düşmən tapdağından xilas edib.

11
Teqlər:
video, kənd, Dəmirçilər, Azərbaycan, Qarabağ, Qubadlı

Xırdalanda evin partladığı yerdə baş verir video

31
Hazırda Abşeron rayonunun Xırdalan şəhərində dünən partlayış baş verən ərazidə axtarış-xilasetmə işləri davam edir. Sputnik Azərbaycan-ın çəkiliş qrupu hadisə yerində olub.

Hadisə Xırdalanın 27-ci məhəlləsində ikimərtəbəli evdə baş verib. Partlayış dalğasından yaxınlıqdakı çoxmərtəbəli binaların şüşələri sınıb.

Hazırda qalıqlar altında olduğu güman edilən uşağın xilas edilməsi üçün işlər davam etdirilir. İndiyədək altı nəfər xilas edilib, bir nəfərin isə cəsədi tapılıb.

31
AŞPA-da plenar iclas, arxiv şəkli

Ermənistanın düzəlişlərini AŞPA rədd edib - Azərbaycan XİN

0
AŞPA-dakı Ermənistan nümayəndə heyətinin qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib

BAKI, 27 yanvar - Sputnik. Bu il yanvarın 25-də Avropa Şurası Parlament Assambleyasın Monitorinq Komitəsinin “AŞPA Monitorinq prosedurunun 2020-ci il üzrə tərəqqi hesabatı” adlı qətnamə qəbul edilib. Hər il ənənəvi hazırlanan hesabat ilə əlaqədar qətnamə layihəsində monitorinq proseduruna və ya monitorinqdən sonrakı dialoqa cəlb edilmiş ölkələrdə, o cümlədən Azərbaycan və Ermənistanda baş vermiş əsas hadisələr qiymətləndirilir və müvafiq tövsiyələr verilir.

Azərbaycan Xarici İşlər Nazirliyindən Sputnik Azərbaycan-a verilən məlumata görə, sözügedən qətnamədə Ermənistan və Azərbaycan arasında baş vermiş döyüşlər kontektsində müvafiq bəndlər yer alıb. Belə ki, qətnamənin 5-ci bəndində komitənin “27 sentyabr 2020-ci il tarixində Ermənistan və Azərbaycan arasında Dağlıq Qarabağ bölgəsində baş verən hərbi döyüş əməliyyatları ilə bağlı hadisələri izlədiyi, bu mövzuda cari məsələlər üzrə debat irəli sürdüyü, hər iki tərəfdən deputatların iştirakı ilə fikir mübadiləsi təşkil etdiyi, Ermənistan və Azərbaycan üzrə həmməruzəçilərin münaqişənin sülh yolu ilə həllinə çağırışlar etdiyi” qeyd olunur. Qətnamənin 11-ci bəndində isə aşağıdakı fikirlər yer alıb:
“Dağlıq Qarabağ münaqişəsi ilə əlaqədar olaraq, Assambleya bütün tərəfləri siyasi dialoqa mane olan iltihablı ritorikadan çəkinməyə, Ermənistanı və Azərbaycanı üçtərəfli bəyanatın humanitar məsələlərlə bağlı müddəalarını ən qısa müddətdə həyata keçirməyə, bütün tərəfləri dərhal hərbi əsirlərin və cəsədlərin mübadiləsini həyata keçirməyə, mədəni irsə hörmət etməyə çağırır və Monitorinq Komitəsini parlament səviyyəsində sülh prosesi üçün əlverişli bir atmosferə töhfə vermək üçün yolları araşdırmağa dəvət edir. Assambleya bu münaqişə zamanı bütün tərəflərin humanitar və insan hüquqları qanunlarını pozduğuna dair məlumat və iddialar, bəzi dini yerlərin və abidələrin deqradasiyası, eləcə də xüsusi mülkiyyətin dağıdılması iddialarından ciddi narahatlığını ifadə edir və bu məlumatların tam araşdırılmasını və pozuntuların aradan qaldırılmasını və günahkarların mühakimə olunmasını gözləyir”.

​Qeyd olunmalıdır ki, AŞPA-dakı Ermənistan nümayəndə heyətinin sözügedən qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib.

​Bundan başqa, Ermənistan nümayəndə heyəti sessiya çərçivəsində cari məsələlər üzrə debat proseduru əsasında “Avropa Beynəlxalq İnsan Hüquqları Standartlarının pozulması kimi Azərbaycan hakimiyyət orqanları tərəfindən erməni əsirlər və digər saxlanılan şəxslərin qaytarılmasının əsassız olaraq gecikdirilməsi” mövzusunda müzakirənin keçirilməsini istəyib. Bu xüsusda, Azərbaycan nümayəndə heyəti tərəfindən AŞPA Prezidentinə məktub ünvanlanaraq məsələ üzrə mövqeyimiz onun diqqətinə çatdırılıb və belə bir debatın keçirilməsinin məqbul olmadığı vurğulanıb. Nəticə etibarı ilə, qurumun Bürosu tərəfindən bu mövzuda debatın keçirilməsi məqsədəuyğun hesab edilməyib.

"​Eyni zamanda vurğulamaq istərdik ki, 25 yanvar tarixində Avropa Şurasının Baş katibi Mariya Peyçinoviç Buriç qış yarım-sessiyasında AŞPA üzvləri qarşısında çıxışında təşkilatın mövqeyini bir daha ifadə edərək Ermənistan və Azərbaycan arasında imzalanmış 10 noyabr tarixli üçtərəfli bəyanatı alqışladıqlarını söyləyib. O, AŞ-nin səlahiyyətləri çərçivəsində hər iki ölkəyə post-konflikt dövründə dəstək verməyə hazır olduqlarını və bu məqsədlə tərəflərlə məsləhətləşmə apardıqlarını bildirib", - XİN-in məlumatında deyilir.

0