(4:07 / 25.42Mb / просмотров видео: 227)

Novruz bayramında hazırlanan şirniyyatların resepti

4759
Novruz baharın gəlişini bildirən bayramdır. Həm böyüklər, həm də uşaqlar ənənəvi bahar şənliyini, hədiyyələri və bayram şirniyyatlarını səbirsizliklə gözləyirlər. Novruz hazırlıqları artıq başlayıb.

Bu günlər hər bir evdə səməni, qoz-fındıq, innab, iydə və təbii ki, şəkərbura, paxlava və qoğaldan ibarət olan xonça qurulur. Bakı qəsəbələrindən birində Xudabaxşıyevlər ailəsi bayrama, daha doğrusu isə İlaxır çərşənbəyə hazırlığa başlayıb. Evin xanımları, onlardan biri Sputnik-in əməkdaşıdır, paxlava və şəkərburanın hazırlanma sirlərini tamaşaçılarımızla bölüşürlər.

Birinci ənənəvi Novruz şirniyyatı olan dadlı paxlavadan başlayırıq.

Tərkibi:
Xəmir
kərə yağı 100 q
yumurta 2 ədəd
xama 250 q
bitki yağı 3 xörək qaşığı
maya 1 xörək qaşığı
vanil zövqə görə
duz 1 çimdik
qoz ləpəsi 700 q

İçlik
şəkər tozu 550 q
üyüdülmüş hil 3 xörək qaşığı
vanil zövqə görə
şəkər tozu 3,5 stəkan

Şirə
su 2 stəkan
Şirə — Şərbət
dəmlənmiş zəfəran zövqə görə
əridilmiş kərə yağı 1 stəkan
[
Xəmiri yoğururuq və acıması üçün isti yerə qoyuruq. Xəmir acıyanadək içliyi hazırlayırıq: qozun üzərinə şəkər tozu, vanil və zəfəran əlavə edərək onları blenderdən keçiririk. Paxlavada 12 qat olacaq. İçlik onların hər birinin arasında bərabər bölünməlidir. Xəmiri unlanmış səthə qoyuruq və 14 hissəyə bölürük, kündələyirik. Əvvəlcə 1-ci kündəni yayırıq, hər iki tərəfini kərə yağı ilə yağlayırıq. Xəmirin qatı nazik yayılmalı, bu tərəfindən baxanda o tərəf görünməlidir. Alta iki belə lay qoyuruq ki, paxlavanın altı möhkəm olsun.

İkinci xəmir qatının üstünə içliyi tökürük və bərabər səviyyədə yayırıq. Ardınca 1 qat xəmir, bir qat içlik qoymaqla bütün layları üst-üstə yığırıq. Axırıncı xəmir qatını yayıb paxlavanın üstünə açırıq, lakin üstünə içlik səpmirik.

Paxlavanı kəməyə başlayırıq. Yadda saxlayın ki, paxlavanı nə qədər gözəl kəssəniz, bir o qədər də süfrədə gözəl görünəcək. Paxlavanı elə bərabər hissələrə kəsmək lazımdır ki, romblar alınsın. Paxlavanın üzərinə dəmlənmiş zəfəran şirəsini sürtürük və hər bir rombun üzərinə qoz ləpəsinin 1/4-ini qoyuruq. Sonra paxlavanı 5 dəqiqəlik isti dxovkanın içinə qoyuruq ki, özünü tutsun. Onu çıxarırıq, yenidən aralarını kəsirik, üzərinə 1 stəkan əridilmiş kərə yağını töküb yenidən dxovkaya qoyaraq 15 dəqiqə bişiririk.

Şərbət hazırlamaq üçün 3,5 stəkan şəkər tozunun üstünə su töküb qaynamağa qoyuruq. Onun üzərinə zəfəran dəmini əlavə edirik. Paxlavanı çıxarırıq, aralarını yenidən kəsirik və şərbəti üzərinə tökürük. Paxlavanı daha 10 dəqidə dxovkaya qoyuruq ki, eyni cür rəng alana qədər qızarsın. 10 dəqiqədən sonra dxovkanı söndürürük, qapağını açırıq ki, paxlava soyusun.

Şəkərburanın inqridiyentləri — xəmir və içlik də paxlavanınkı ilə eynidir. Sadəcə, şəkərbura üçün xəmiri kiçik kündələrə bölünür, diametri 10 sm yayılır. Xəmirin arasına içlik qoyulur, ehmalca qatlanır və kənarları hörük formasında bükülür. Maqqaşın köməyi ilə üzərinə bəzək vurulur.

Şəkərburalar perqament kağızının üzərinə düzülür və 180 dərəcə istiliyi olan sobada 10-15 dəqiqə ərzində bişirilir. Şəkərbura idealda dolu və incə naxışlarla bəzədilmiş olmalıdır.

Hazır şəkərburaları soyuyandan sonra ağzı bağlı qabda saxlamaq lazımdır ki, qurumasın.

Nuş olsun! Qarşıdan gələn bayramınız mübarək!

4759

Bakı Xan Sarayının yeraltı hamamı yer üzünə çıxır

21
(Yenilənib 17:06 05.08.2020)
Sputnik Azərbaycan Qoşa Qala darvazasının yaxınlığında yerləşən bərpa edilən hamama baş çəkib. Nəhayət yenilənmiş abidənin indi necə göründüyünü videomuzda izləyin.

2018-ci ildə Azərbaycanın Birinci Vitse-prezidenti Mehriban Əliyevanın təşəbbüsü ilə Bakı Xan Sarayı kompleksinin bərpa və rekonstruksiya işləri başlayıb. Kompleksin ərazisində həm də XVII əsrə aid yeraltı hamam da yerləşir. Bərpa işləri iki il ərzində bu sahənin ən tanınmış və aparıcı Avropa şirkətlərindən olan Avstriyanın “Atelier Erich Pummer GmbH” tərəfindən aparılıb.

Zamana səyahət: Bakı Xan Sarayı qonaq gözləyir
© Sputnik / Kamilla Əliyeva / Taleh Mahmudov / Leyla Orucova

Hamam Qoşa Qala qapısının yaxınlığında yerləşir. XIX əsrin əvvəlində Rusiya İmperiyası qoşunları tərəfindən Bakı xanlığının tutulmasından sonra kompleks yer altında qalmışdı. Yer altında bu qədər çox müddət qaldığını nəzərə alsaq, hamam, belə desək, “təbii konservasiya” edilib və buna görə də günümüzə qədər yaxşı vəziyyətdə çatıb. Hamamın yalnız günbəzləri dağılmışdı və onlar da Abşeron əhəngdaşı istifadə etməklə bərpa edilib.

Hamamın daxilində muzey fəaliyyət göstərir. Burada 17-18-ci əsrlərə aid hamam ləvazimatları, çini qablar, sikkələr nümayiş etdirilir. Hamamda bütün ərazilər – dəhlizlər, sauna və istirahət zonaları bərpa edilib. Hamamın qərb hissəsində isə qazıntılar zamanı aşkar edilmiş və radiokarbon analizi üçün Almaniyaya göndərilmiş taxta element saxlanılır. Nəticələr bu elementin 1640-cı ilə aid olduğunu göstərib. Bundan başqa, burada həm də divara həkk edilmiş küplər saxlanılır. Onlar hamamın akustikasını və su səsinin söhbətlərə mane olmamasını təmin edirdi.

Hamamın “ürəyi” olan qazanxana da tamamilə öz formasında saxlanılıb və bərpa edilib. Burada su qızdırılır və hamamçı çimmək üçün uyğun su temperaturunu qoruyub-saxlayırdı.

Bakı sakinləri və qonaqları bu yeraltı hamamı koronavirusun yayılmasının qarşısını almaq üçün təyin edilən karantin rejiminin bitməsindən sonra ziyarət edə biləcəklər.

21

Karantini saz hazırlamağa həsr edən aşıq

878
(Yenilənib 14:01 04.08.2020)
Aşıq Mətləb Sadıqov yaşadığı Tərtər rayonunda istedadlı aşıq, kamil sazbənd kimi tanınır. Son zamanlarda el şadlıqlarında çıxış edə bilmədiyinə görə bütün zamanını sazbəndliyə həsr edib. Daha ətraflı videomuzda izləyin.

Saz ustası Mətləb Sadıqov üçün ən vacib iş el havalarını yaşatmaq, sazbəndlik və aşıqlıq sənətlərini gələcək nəsillərə ötürməkdir.

“Qara” saz onun qaranlıq dünyasına işıq tutub
© Sputnik / İlham Mustafa / Leyla Orucova

Son zamanlarda bəlli səbəblərdən el şadlıqlarında çıxış edə bilmədiyi üçün bütün vaxtını yarımçıq qalan sazları sona çatdırmağa həsr edib.

Usta danışıb ki, sazlar çeşidinə görə bir neçə formada hazırlanır – cürə adlanan kiçik sazlar, orta və tavar sazlar. Ən çox saz hazırlamaq üçün tut ağacından istifadə edilir. Amma hər tut ağacından da alət hazırlamaq olmur. Mətləb usta deyir ki, şimal zonasında bitən tutlardan hazırlanan sazın səsi də tamam başqa olur.

Sazbənd danışıb ki, cavan nəsil arasında saz çalmağı öyrənmək istəyənlərin sayı az deyil. Yaşadığı Tərtər rayonunun Sıxarx qəsəbəsində 30 nəfərə qədər şagirdi var. Karantin dövründə isə usta sənətini oğluna öyrədir. Onun ən böyük arzusu isə doğulduğu Kəlbəcərə qayıdıb, sənətini orada davam etdirməkdir.

878
Leonardo Di Kaprio, arxiv şəkli

"Apple" Di Kaprio: Hollivudda birgə filmlər çəkiləcək

0
(Yenilənib 23:28 05.08.2020)
Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq.

BAKI, 5 avqust — Sputnik. Amerikalı aktyor Leonardo Di Kaprio və onun "Appian Way" kino şirkəti "Apple" şirkəti ilə film və serialların çəkilişinə dair müqavilə imzalayıb. Sputnik Azərbaycan xəbər verir ki, bu barədə məlumatı "Hollywood Reporter" yayıb.

Di Kaprio və "Apple"-in ilk layihəsi Martin Skorsezenin rejissoru olduğu "Çiçəkli ayın qatilləri" (Killers of the Flower Moon) filmi olacaq. Film Devid Qrannanın eyni adlı romanı əsasında çəkiləcək. Filmə 200 milyon dollar maliyyə ayrılıb. Baş rolları Di Kaprio və Robert De Niro oynayacaq. Korporasiya Elizabet Mossun baş rolu oynadığı və "Appian Way Productions"ın prodüserlik etdiyi "Parlayan qızlar" (The Shining Girls) serialını da birlikdə ərsəyə gətirəcək", - deyə məlumatda bildirilir.

Di Kaprio, "Appian Way" və "Apple"-in əməkdaşlığı bununla yekunlaşmayacaq.

"Appian Way Productions" üçün bu müqavilə serial çəkilişi sahəsində ilk addım olacaq. Şirkət daha əvvəl "Paramount Pictures" və "Warner Bros" kinostudiyaları ilə filmlərin istehsalına dair sazişlər imzalamışdı.

Xatırladaq ki, bundan əvvəl Di Kaprionun şirkəti Oldos Haqslinin "Ada" adlı sonuncu romanının serial ekranlaşdırılmasına prodüserlik etməyi nəzərdə tutub.

0