(2:48 / 17.67Mb / просмотров видео: 397)

Atəşdə doğulan yemək: Azərbaycan “Saciçi”sinin resepti

2819
(Yenilənib 16:40 18.02.2016)
"Saciçi" – sacın – universal qalxanabənzər çuqun qabın - içində hazırlanan yeməkdir. Sacdan bir sıra ölkələrdə istifadə olunur. Onun üst hissəsində lavaş bişirirlər, içində isə ət, balıq və tərəvəz qızardırlar.

"Saciçi" — Azərbaycan mətbəxinin ən ləzzətli yeməklərindən biridir, hansı ki, onun hazırlanmasında eyni vaxtda ətdən və bolluca tərəvəzdən istifadə olunur" — deyə Bakının "Yarpaq" restoranının baş aşbazı Tamam Daşdəmirova Sputnik-ə bildirib.

"Qədim azərbaycanlılar birbaşa bu tavada hazırlanan nəfis yeməyə onun bişirildiyi qabın adını veriblər. Sac həmişə böyük məclislər üçün hazırlanır " — deyə baş aşbaz bildirib.

Hazırlanma prosesində xörəyin yağına əlavə edilən bütün komponentlərin dadı bir-birini tamamlayır. "Saciçi"nin hazırlanması üçün əsas inqridientlər bunlardır: Qoyun əti (dana əti və toyuq əti də götürmək olar) — 300 qr, şampinion — 100 qr, bolqar bibəri —3 ədəd, pomidor — 3 ədəd, doğranmış soğan — 200 qr, kartof — 4 ədəd, badımcan — 3 ədəd, nar dənələri — 100 qr, zeytun yağı, lavaş, duz və zövqə görə ədviyyatlar.
Əvvəlcə qoyun ətini kiçik tikələrə doğramaq lazımdır. Soğanı təmizləyərək yarımhalqa şəklində, şampinionları isə iri-iri doğrayırsız. Qızdırılmış tavaya ilk olaraq soğan və göbələyi tökün, sonra ora əti əlavə edib qızılı rəngə çalana qədər 5-7 dəqidə qızardın. İndi duz və istiot vurmaq, nar dənələrini əlavə etmək olar. Kartofu və badımcanı təmizləyib iri doğramaq lazımdır. Bibərləri yuyandan sonra hər birini 8 hissəyə bölün. Başqa tavada növbə ilə kartofu, badımcanı, bibəri və pomidoru hazır olana qədər qızardın. Sıra ilə saca kartofu, sonra da qızılı rəngdə olan badımcan və bibərləri düzün. Ortasını pomidorla bəzəyin və üzərini lavaşla örtün.
Tamam Daşdəmirovanın dediyinə görə, sacı isti-isti yemək lazımdır. Ona görə də, sacı manqaldakı zəif odun üstünə qoymaq lazımdır ki, yemək soyumasın.
Bir sözlə, kulinarların fantaziyası sərhəd tanımır.

2819

Kəlbəcər rayonunun Nadirxanlı kəndindən videogörüntülər

12
(Yenilənib 19:06 20.01.2021)
Kəlbəcər rayonu 2020-ci il noyabrın 10-da imzalanmış üçtərəfli bəyanatın şərtlərinə əsasən, noyabrın 25-də erməni işğalından azad olunub.

BAKI, 20 yanvar — Sputnik. Kəlbəcər rayonunun Nadirxanlı kəndindən videogörüntülər yayılıb. Sputnik Azərbaycan Müdafiə Nazirliyinə istinadən videogörüntüləri təqdim edir. Xatırladaq ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən yaşayış məntəqələrinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüblər.

Azərbaycan Ordusu əks-hücum əməliyyatı başlayandan sonra 44 gün ərzində Qarabağımız düşmən tapdağından azad olunub. Kəlbəcər rayonu 2020-ci il noyabrın 10-da imzalanmış üçtərəfli bəyanatın şərtlərinə əsasən, noyabrın 25-də erməni işğalından azad olunub.

12
Teqlər:
video, Azərbaycan, Qarabağ, kənd, Kəlbəcər

Şəhid anası hər dəfə oğlunun məzarına bir qızılgül gətirən naməlum qızı axtarır - video

122
(Yenilənib 15:15 19.01.2021)
44 günlük Vətən müharibəsində pay sahibi olanlardan bir də 25 yaşlı Mingəçevir şəhər sakini Ruslan Cəfərlidir. Ətraflı videomuzda izləyin.

Ruslan Cəfərli Tərtər rayonunun Suqovuşan, Talış kəndləri uğrunda gedən döyüşlərdə iştirak edib. 13 oktyabrda isə komandiri ilə birgə şəhid olub və Mingəçevir Şəhidlər xiyabanında dəfn edilib.

Doğmaları sosial şəbəkələrdə bir xanımın onun ölümünə üzülərək yazdığı “Sənə qurban olum, Ruslan, sən nə tez qara torpağa getdin?!” statusuna rast gəliblər. Bir müddət sonra isə onun məzarını ziyarətə gedəndə orada tək qızılgül görüblər. Şəhidin anası Tahirə Nağıyeva həmin gülün kim tərəfindən qoyulduğunu bilmir. Ana həmin xanımı görmək, onunla söhbətləşib bir az təsəlli tapmağı arzulayır.

Bir bacının yeganə qardaşı olan Ruslan Cəfərli ölkə başçısının sərəncamı ilə “Vətən uğrunda” medalı ilə təltif edilib.

122
Pfizer-BioNtech peyvəndi, arxiv şəkli

ÜST iddia edir ki, vaksindən ölən yoxdur

0
ÜST nümayəndəsinin sözlərinə görə, peyvəndin bir neçə yan təsirləri qeydə alınıb, məsələn, anafilaktik şok kimi

BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib. 

"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib. 

ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.  

Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.

0
Teqlər:
ÜST, ölüm, Pfizer, vaksin
Mövzu:
Yeni tip koronavirus pandemiyası