Sinoptiklərin dedikləri kimi, yanvarın 25-dən 26-na keçən gecə Bakıda qar yağıb. Bakı və Abşeron yarımadasında yağıntının miqdarı 1-14 mm təşkil edib.
Ölkə ərazisində yağıntılar və külək sabah günün birinci yarısınadək davam edəcək.
Ekologiya və Təbii Sərvətlər Nazirliyi (ETSN) Milli Hidrometeorologiya Departamentinin Hidrometeoroloji Proqnozlar Bürosunun məlumatında belə deyilir.
Sputnik-in daha öncə xəbər verdiyi kimi, Havanın temperaturu Abşeron yarımadasında gecə 0-3 dərəcə şaxta, gündüz 0-2 dərəcə isti, Bakıda gecə 0-2 dərəcə şaxta, gündüz 0-2 dərəcə isti olacaq.
Yanvarın 24-dən etbarən respublika ərazisində qeyri-sabit hava şəraiti müşahidə olunur. Havanın temperaturu əvvəlki günlərlə müqayisədə 6-8 dərəcə düşüb.