Zabit Səmədov Ramzan Kadırovla gücünü sınadı

136
(Yenilənib 14:58 17.08.2015)

Azərbaycan döyüşçüsü, K-1 ustası Zabit Səmədov Çeçenistan Respublikasının rəhbəri Ramzan Kadırovla sparrinq-döyüş keçirib. Bu yoxlama döyüşü Səmədovun Çeçenistanın paytaxtı Qroznıya səfəri zaman baş tutub. Döyüş Çeçenistan rəhbərinin iqamətgahında baş tutub.

Döyüşdən sonra Ramzan Kadırov öz təəssüratlarını bölüşüb: "Bazar axşamı mən məşhur dünya kikboksçusu, əziz qardaşım Zabit Səmədovla rinqdə görüşdüm. Biz qardaşcasına sparrinq keçirdik. Boks 4 raund davam etdi. Zabit əla reaksiyaya malikdir, gözəl müdafiə olunur, hücum döyüşünü sevir. Biz bir-birimizə bir sıra zərbələr vurduq. Zabit Səmədovla bir rinqdə olmaq mənim üçün böyük şərəfdir. O, idman aləmində layiqli yer tutub, böyük əmək, güclü iradə və məqsədyönlü olması sayəsində nəticələr əldə edib və tanınıb. Belə bir usta ilə güləşmək istənilən boksçu üçün yaxşı ustad dərsidir".

Zabit Səmədov Qroznı şəhərində avqustun 22-də keçiriləcək turnirin əsas döyüşlərindən birinə çıxacaq. Azərbaycanlı idmançının rəqibi təcrübəli bosniyalı döyüşçü Dzevad Poturak olacaq. Turnir Çeçenistan Respublikasının prezidenti Ramzan Kadırovun nəzarəti altında keçiriləcək. 

"Mauqli" ləqəbli Zabit Səmədov dünyada peşəkar rinqdə 9 ardıcıl qələbə ilə yadda qalıb. Onun ən böyük uğurları sırasında bir neçə K-1 yarışlarının iştirakçısı, qara kəmər sahibi Makoto Uexara, Türkiyənin yerli idmançısı Mert Akın, Dubayda keçirilən "Global Fighting Championship 3" turnirində Stiv Makkinnon və Konqo-Almaniya əsilli Danyo İlunqa üzərində qələbələri olub.

136
Teqlər:
K-1 ustası Zabit Səmədov, K-1 ustası, Zabit Səmədov və Ramzan Kadırov, Çeçenistan Respublikasının rəhbəri, sparrinq-döyüş, Zabit Səmədov, Ramzan Kadırov

Bu giləmeyvənin alıcıları fermerin qapısında növbə gözləyirlər

50
(Yenilənib 17:09 23.07.2021)
Tovuzda ilk dəfə kütləvi olaraq becərilən böyürtkən növü öz gəlirliliyi ilə seçilir. Ətraflı Sputnik Azərbaycan-ın videosunda.

Sahibkarların məhsullarını sata bilməməkdən şikayət etdiyi bir zamanda alıcıların növbəsini gözlədiyi məhsullar da var. Bunlardan biri də Tovuzda ilk dəfə kütləvi olaraq becərilən böyürtkən növüdür. Görünüşü qara tuta bənzər olsa da, tam yetişəndə yerli böyürtkən qədər dadlı olan giləmeyvənin budaqları tikansızdır.

Bu da onun daha rahat becərilməsinə şərait yaradır. Kütləvi şəkildə əkilmədiyindən, tələbat çoxdur. Əsasən Bakı şəhərinə aparılır. Yerli alcılar isə ən çox restoran və şadlıq evləridir. Qiyməti yerli tikanlı böyürtkənin qiymətilə eyni olur. Fermer natçoz böyürtkəninin ştilini xaricdən gətirtsə də, hazırda özü şitil istehsal edir.

Bu şitillərlə o, gələcəkdə yeni bağın salınmasında istifadə etməyi planlaşdırır. İstəyənlər olanda isə satışını həyata keçirir. İri dənələri ilə seçilən bu böyürtkənin becərilməsində fermer aqronomların məsləhətindən mütəmadi istifadə edir.

Onun məhsuldarlığının qorunub saxlanması üçün isə fermer lazımi metodlarla aqrotexniki qulluq göstərməli olduğunu deyir. Polşadan gətirilən və yerli camaatın naçes (natçoz) moruğu adlandırdığı bu meyvəni tovuzlu fermer rayonda kütləvi olaraq keçən ildən əkdiyini deyir.

Yalnız bir ildir əkilməsinə baxmayaraq, bu yay artıq məhsul götürülür. Fermer İlqar Səmədov hazırda üçüncü dərimin aparıldığını deyir.

 

 

 

 

50

Göytəpə kəndinin xarabalıqları - Müdafiə Nazirliyi ürək ağrıdan görüntüləri paylaşdı

19
(Yenilənib 14:11 23.07.2021)
Müdafiə Nazirliyi işğaldan azad edilmiş Ağdam rayonunun Göytəpə kəndindən çəkilmiş ən son videogörüntüləri ictimaiyyətə təqdim edib.

Müdafiə Nazirliyi Ağdam rayonunun Göytəpə kəndindən videogörüntülər yayımlayıb.

Göytəpə — Azərbaycan Respublikasının Ağdam rayonunun Göytəpə kənd inzibati ərazi dairəsində kənddir. Bu kənd 1990-cı illərdə Ermənistan silahlı birləşmələri tərəfindən işğal edilib. 

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Üçtərəfli bəyanat nəticəsində azad edilən kəndlərdən biri də Göytəpədir. İndi bu kənddən ancaq xarabalıqlar qalıb. 

Sputnik Azərbaycan Müdafiə Nazirliyinin Göytəpə kəndindən çəkilmiş ən son görüntüləri təqdim edir.

19
Здание Министерства иностранных дел Азербайджанской Республики в Баку

XİN Azərbaycan Ordusunun hərbi qulluqçusunun öldürülməsi barədə

0
(Yenilənib 18:34 23.07.2021)
Ermənistan tərəfinin son zamanlar davamlı təxribatlara əl atması, Azərbaycan mövqelərini atəşə tutaraq, bölgədəki vəziyyəti gərginləşdirmək cəhdləri qəbuledilməzdir və vəziyyətin bu şəkildə inkişafının bütün məsuliyyəti Ermənistanın üzərinə düşür.

BAKI, 23 iyul - Sputnik.Azərbaycan Respublikası Xarici İşlər Nazirliyinin Mətbuat xidməti idarəsi Ermənistan silahlı qüvvələrinin Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutması barədə məlumat yayıb. 

Məlumatda deyilir: 

"Azərbaycan Respublikası Müdafiə Nazirliyinin məlumatına əsasən, bu ilin 23 iyul tarixində Ermənistan silahlı qüvvələri Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub. Qarşı tərəfdən açılan snayper atəşi nəticəsində bir hərbi qulluqçumuz şəhid olub.

Ermənistan tərəfinin son zamanlar davamlı təxribatlara əl atması, Azərbaycan mövqelərini atəşə tutaraq, bölgədəki vəziyyəti gərginləşdirmək cəhdləri qəbuledilməzdir və vəziyyətin bu şəkildə inkişafının bütün məsuliyyəti Ermənistanın üzərinə düşür.

Azərbaycan, beynəlxalq sərhədləri çərçivəsində ərazi bütövlüyünü müdafiə etmək, habelə bölgədə sülh və təhlükəsizliyi təmin etmək üçün bütün lazımi addımları atmaq hüququnu özündə saxlayır".

Atəşkəsin növbəti dəfə pozulması

Qeyd edək ki, iyulun 23-ü saat 16:00 radələrində Ermənistan silahlı qüvvələrinin bölmələri Basarkeçər rayonu ərazisindəki mövqelərindən Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub.

Qarşı tərəfdən açılan snayper atəşi nəticəsində hərbi qulluqçumuz gizir Yaqublu Fərman Telman oğlu şəhid olub.

Müdafiə Nazirliyinin bildirdiyinə görə, hazırda qeyd olunan istiqamətdə yerləşən Azərbaycan Ordusunun bölmələri tərəfindən cavab tədbirləri həyata keçirilir.

"Ermənistan tərəfi bu kimi təxribat yolu ilə qəsdən iki ölkənin dövlət sərhədində vəziyyəti gərginləşdirmək məqsədi güdür. Baş vermiş təxribata görə bütün məsuliyyət tam şəkildə Ermənistanın üzərinə düşür", - MN bildirib.

Həmçinin oxuyun: 

* Düşmən Kəlbəcəri atəşə tutdu, Azərbaycan Ordusunun hərbçisi şəhid oldu

* Ermənistan Naxçıvandakı mövqelərimizi atəşə tutub, hərbçimiz yaralanıb - MN

* Kəlbəcər Ermənistan ərazisindən atəşə tutulub, cavab atəşi ilə susdurulub

* Ağdamdakı bölmələrimiz atəşə tutulub, Azərbaycan Ordusunun hərbi qulluqçusu yaralanıb

* Ermənistan Tovuz və Kəlbəcərdəki mövqelərimizi atəşə tutub

0