Sərçəcik

1066
(Yenilənib 10:31 13.07.2015)
1954-cü il iyulun 13-də məşhur türk müğənnisi və bəstəkarı Sezən Aksu (Fatma Sezən Yıldırım) Dənizlidə anadan olub.

1954-cü il iyulun 13-də məşhur türk müğənnisi və bəstəkarı Sezən Aksu (Fatma Sezən Yıldırım) Dənizlidə anadan olub.

Populyar mahnıların (“Sən ağlama”, “Geri dön”, “Sarışınım”, “Məni unutma”, “Dəyər mi?” və s.) mahnıların, filmlərə musiqilərin müəllididir. Türk estradasının bir sıra ulduzları (Tarkan, Sərtab Ərənər və s.) onun sayəsində musiqi aləmində parlayıblar. 

Valideynləri müəllim olan Aksu, üç yaşında ailəsiylə İzmirə köçdü.

Üsyankar xarakterə malik Aksu, öncə rəqqasə olma xəyalı qurmağa başladı. Sənətçi, sonralar "Allahın atama rəhmi gəldi, müğənni oldum" deyib.

Gəncliyində sənətin bir çox sahəsinə maraq duyan Aksu, 1970-ci ildə Həftə Sonu adlı jurnalın keçirdiyi səs yarışmasında altıncı oldu.

1973-cü ildə Egey Universiteti Əkinçilik Fakültəsinə daxil olan sənətçi, 1974-cü ildə üç mahnısını bir musiqi şirkətinə göndərdi.

Eyni il Ali Əngin Aksu ilə evlənən sənətçi universitetdən də ayrıldı.

1974-cü ilin sonlarında şəxsi plastinkasını buraxmaq üçün İstanbula getdi. Sənətçinin ilk plastinkasında adı Sezən Seley kimi gedir.

"Haydı Şansım" adını verdiyi əsər 1975-ci ildə satışa çıxdı. Lakin albomun cəmi 50 ədədi satıldı.

Lakin bu Sezən Aksunu yolundan döndərmədi və o davamlı olaraq albomlarını buraxmağa başladı.

Paralel olaraq Aksu mahnılara söz yazıb, həmçinin şeirlərə musiqi bəstələyib.

1978-ci ildə Aksu, baş rolunu Bulud Arasla paylaşdığı Atıf Yılmazın "Kiçik Sərçə" filmində rol alıb. Sənətçi bu tarixdən sonra Kiçik Sərçə adıyla xatırlanmağa başlandı.  

Aksu 1981-ci ildə Sinan Özər ilə evləndi. 1981-ci ildə Mithat Can Özəri dünyaya gətirdi.

Sezən Aksu Sərtab Ərənər, Tarkan, Harun Kolçak, Aşkın Nur Yengi, Levənt Yüksəl, Işın Karaca, Hande Yenər, Yıldız Tilbe kimi bir çox adları musiqi aləminə gətirib və bir çoxlu sayda sənət adamlarına dəstək olub. 

O bu gün də türk sənət aləmində sözü keçən şəxslərdən sayılır. 

Sezən Aksunun hansı mahnısı ən yaxşısıdır demək bir az çətindir. Sənətçinin onlarla mahnısı müxtəlif yarışlarda, səsvermələrdə ön yerləri tutub və bu gün Azərbaycanda da çoxlarının dillər əzbəridir.

Bu gün sizə ona ilk şöhrəti gətirmiş "Kiçik Sərçə" filmindən "Biliyorsun" mahnısını təqdim edirik.

1066
Teqlər:
Biliyorsun, Kiçik Sərçə, Fatma Sezən Yıldırım, Sezən Aksu, Sərçəcik, Sezen Aksu

Şəhid anası hər dəfə oğlunun məzarına bir qızılgül gətirən naməlum qızı axtarır - video

45
(Yenilənib 15:15 19.01.2021)
44 günlük Vətən müharibəsində pay sahibi olanlardan bir də 25 yaşlı Mingəçevir şəhər sakini Ruslan Cəfərlidir. Ətraflı videomuzda izləyin.

Ruslan Cəfərli Tərtər rayonunun Suqovuşan, Talış kəndləri uğrunda gedən döyüşlərdə iştirak edib. 13 oktyabrda isə komandiri ilə birgə şəhid olub və Mingəçevir Şəhidlər xiyabanında dəfn edilib.

Doğmaları sosial şəbəkələrdə bir xanımın onun ölümünə üzülərək yazdığı “Sənə qurban olum, Ruslan, sən nə tez qara torpağa getdin?!” statusuna rast gəliblər. Bir müddət sonra isə onun məzarını ziyarətə gedəndə orada tək qızılgül görüblər. Şəhidin anası Tahirə Nağıyeva həmin gülün kim tərəfindən qoyulduğunu bilmir. Ana həmin xanımı görmək, onunla söhbətləşib bir az təsəlli tapmağı arzulayır.

Bir bacının yeganə qardaşı olan Ruslan Cəfərli ölkə başçısının sərəncamı ilə “Vətən uğrunda” medalı ilə təltif edilib.

45

Kəlbəcər rayonunun Çopurlu kəndindən videogörüntülər

9
Üçtərəfli bəyanatın şərtlərinə əsasən Kəlbəcər rayonu 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Çopurlu kəndindən videogörüntülər paylaşıb. Sputnik Azərbaycan həmin görüntüləri təqdim edir.

9
Bakıda qarlı hava, arxiv şəkli

Sabah yollar buz bağlayacaq

0
(Yenilənib 15:49 20.01.2021)
Havanın temperaturu gecə 0-5 dərəcə şaxta, gündüz 4-7 dərəcə isti, dağlarda gecə 10-15 dərəcə şaxta, bəzi yerlərdə 20 dərəcəyədək şaxta, gündüz 3-7 dərəcə şaxta olacaq.

BAKI, 20 yanvar — Sputnik. Sabah Bakıda və Abşeron yarımadasında havanın arabir yağıntılı olacağı, bəzi yerlərdə sulu qar, qar yağacağı, axşama doğru tədricən kəsiləcəyi gözlənilir. Arabir güclənən şimal-qərb küləyi günün ikinci yarısında mülayimləşəcək.

Sputnik Azərbaycan Milli Hidrometeorologiya Xidmətinin verdiyi məlumata istinadla xəbər verir ki, havanın temperaturu Abşeron yarımadasında gecə 0 dərəcəyə yaxın, gündüz 1-3, Bakıda gecə 0 dərəcəyə yaxın, gündüz 1-3 dərəcə isti olacaq. Atmosfer təzyiqi normadan yüksək 766 mm civə sütunundan 776 mm civə sütununa yüksələcək, nisbi rütubət 80-90 faiz olacaq.

Yanvarın 21-də Azərbaycanın rayonlarında arabir yağıntılı olacağı, bəzi yerlərdə qar yağacağı, gündüz əsasən yağmursuz keçəcəyi gözlənilir. Ayrı-ayrı yerlərdə duman olacaq. Qərb küləyi bəzi yerlərdə arabir güclənəcək. Havanın temperaturu gecə 0-5 dərəcə şaxta, gündüz 4-7 dərəcə isti, dağlarda gecə 10-15 dərəcə şaxta, bəzi yerlərdə 20 dərəcəyədək şaxta, gündüz 3-7 dərəcə şaxta olacaq. Dağlıq və dağətəyi rayonlarda yolların buz bağlayacağı ehtimalı var.

0