Microsoft şirkətinin binası, arxiv şəkli

"Microsoft Exchange Server"ə hücumlar artıb - Xəbərdarlıq

12
(Yenilənib 22:21 09.09.2021)
Artım bu il proqram məhsulundakı zəifliklər nəticəsində çox sayda eksploytun meydana çıxması və onun quraşdırıldığı cihazların sahiblərinin elmi dillə ifadə etsək, "patch" - yəni, yamaqlar buraxıldıqdan dərhal sonra onu yeniləməməsi ilə əlaqədardır.

BAKI, 10 sentyabr — Sputnik. 2021-ci ilin avqustunda "Kaspersky" "Microsoft Exchange Server"lərinin istifadəçilərinə qarşı 19,839 hücumun qarşısını alıb.

"Kaspersky"dən Sputnik Azərbaycan-a verilən məlumata görə, iyul ayı ilə müqayisədə belə halların sayı 170% artıb. Mütəxəssislərin fikrincə, artım bu il proqram məhsulundakı zəifliklər nəticəsində çox sayda eksploytun meydana çıxması və onun quraşdırıldığı cihazların sahiblərinin elmi dillə ifadə etsək, "patch" - yəni, yamaqlar buraxıldıqdan dərhal sonra onu yeniləməməsi ilə əlaqədardır.

Təkcə son yarım il ərzində "Kaspersky" məhsullarının dünya üzrə 74 mindən çox istifadəçisi "Microsoft Exchange Server" üçün eksploytlarla qarşılaşıb:

"Yayın son həftəsində MDB ölkələrində "ProxyShell" eksploytlarından istifadə ilə həyata keçirilən 4,271 hücum qeydə almışıq. Yeniləmələri yayımlanan boşluqlar məlum olmayan boşluqlardan daha təhlükəli ola bilər, çünki onlar haqqında məlumatlar ictimaiyyətə açıq olduğu üçün daha çox təcavüzkarın onlardan istifadə edə biləcəyi mümkündür. Məhz buna görə də, "patch" buraxılışlarını izləmək və proqram təminatını dərhal yeniləmək vacibdir".

"Kaspersky" isə məhsulları boşluqlardan istifadə edən "ProxyShell" hücumlarından qoruyur və aşağıdakı təhdidləri müəyyən edir: PDM:Exploit.Win32.Generic, HEUR:Exploit.Win32.ProxyShell.* və HEUR:Exploit.*.CVE-2021-26855.*

Bu cür hücumlardan qorunmaq üçün "Kaspersky" tövsiyə edir:

•      Microsoft Exchange Server proqram məhsulunu mümkün olduqca tez yeniləyin;

•      zərərli bağlantıları vaxtında müəyyən etmək üçün çıxış trafikini dərindən izləyin, vacib məlumatların müntəzəm olaraq ehtiyat nüsxəsini yaradın ki, lazımi anda onlar tez əlinizin altında olsun;

•      "Kaspersky Endpoint Detection and Response" və "Kaspersky Managed Detection and Response" kimi hücumları ilkin mərhələdə, təcavüzkarlar öz məqsədlərinə çatmadan müəyyən edən və dayandıran həllərdən istifadə edin;

•      Biznes üçün "Kaspersky Security" kimi eksploytlardan müdafiə funksiyasına və davranış analizi texnologiyalarına malik etibarlı həllər quraşdırın.

12
Yataq

Mütəxəssis - gecə yatmazdan əvvəl mobil telefonu hara qoymaq lazımdır

584
(Yenilənib 09:54 17.09.2021)
Cihazın elektromaqnit dalğalarının müdaxiləsinə səbəb olmaması üçün kardiostimulyatoru olan insanların telefonu özlərindən uzaq tutmaları xüsusilə vacibdir

BAKI, 16 sentyabr — Sputnik. İnsanların əksəriyyəti gecələr də mobil telefondan ayrılmaq istəmir və bu cihazı mümkün qədər özünə yaxın qoymağa çalışır. Hansı hallarda bunun təhlükəli ola biləcəyini "Yaşayış məkanının ekologiyası" laboratoriyasının direktoru Anton Yastrebtsev Sputnik radiosuna verdiyi müsahibədə bildirib.

Mobil cihazlar ilk dəfə ortaya çixanda bəzi həkimlər şüalanmaların xərçəng xəstəliyinin yaranmasına səbəb ola biləcəyindən qorxurdular. Ancaq bu qorxular öz təsdiqini tapmadı. Güman edilir ki, müasir telefon modelləri belə qorxulara səbəb olmamalıdır, çünki onlar insan üçün təhlükəsizliyi təstiqləyən sertifikasiyadan keçiblər. Yastrebtsev hesab edir ki, cib telefonlarının insanın daxili orqanlarına və toxumalarına təsir dərəcəsi hələ tam öyrənilməyib.

Mütəxəssis qeyd edib ki, ümumiyyətlə sertifikatlaşdırma zamanı cihazın bədənə yarım metr məsafədə təsiri qiymətləndirilir. O, telefonu ya bu vəziyyətdə, ya da başdan daha aralı saxlamağı məsləhət görüb.

"Ümumi qayda olaraq bu cihazı nə yastığın altına, nə də yataqda yanına qoyub yatmaq olmaz. Onu başdan bir metr, heç olmasa, ən azı yarım metr aralı saxlamamaq daha yaxşıdır", - deyə Yastrebtsev bildirib.

O əlavə edib ki, kənd yerlərində mobil telefonla yuxuda olan insan arasında məsafə daha böyük olmalıdır, çünki cihaz baza stansiyasından uzaqda olanda şüalanma güclənir.

"Əgər mobil baza stansiyası uzaqdadırsa və əlaqə zəifdirsə, məsələn, kənddə, bağ evində telefon baza stansiyası ilə əlaqə yaratmaq üçün çox enerji sərf edəcək və bu halda şüalanma artacaq. Bunu nəzərə almaq lazımdır. Belə hallarda onu baş nahiyəsindən uzaqlaşdırmaq daha məsləhətdir. Yəni yatmamışdan əvvəl rabitə səviyyəsinə nəzər yetirmək lazımdır", - deyə mütəxəssis izah edib.

Onun sözlərinə görə, cihazın elektromaqnit dalğalarının müdaxiləsinə səbəb olmaması üçün kardiostimulyatoru olan insanların telefonu özlərindən uzaq tutmaları xüsusilə vacibdir.

Yastrebtsev hesab edir ki, telefonla danışarkən simsiz qulaqlıqlardan istifadə etmək daha yaxşıdır.

"Mobil telefonu başınıza yaxın tutmamaq üçün mütləq simsiz qulaqlıqlardan istifadə edin. Bu vəziyyətdə telefonla çox danışsanız, onu hətta masanın üstündə saxlaya bilərsiniz və beləliklə telefon sizi şüalandırmayacaq, orqanizmə heç bir zərər verməyən qulaqlıq şüalandıracaq", - deyə ekspert əminliklə bildirib.

Eləcə də oxuyun:

584
Teqlər:
mobil telefon, sağlamlıq, şüa, enerji
Xaker

İstifadəçilərimizi hədəf alan "skam" sxemləri barədə xəbərdarlıq

3325
(Yenilənib 13:12 14.09.2021)
Təcavüzkarlar insanların heç bir əziyyət çəkmədən öz cüzdanlarını doldurmaq istəyindən tez-tez sui-istifadə edirlər.

BAKI, 14 sentyabr — Sputnik. Mətbuatda yayılan məlumatlara görə, sosial şəbəkələrdə, xüsusilə "Instagram" platformasında istifadəçiyə mesaj göndərərək onun daha əvvəl iştirak etdiyi "giveaway" kampaniyasında qalib olması və uduşun çatdırılması üçün bank hesabına ödəniş etməsi barədə məlumatlandıran saxta səhifələr meydana çıxır.

Sputnik Azərbaycan-ın xəbərinə görə, internetdəki bu cür fırıldaq sxemlərindən qorunmaq üçün "Kaspersky"-dən bildirilir ki, "Skam" – istifadəçiyə səxavətli pul mükafatları təklif edən onlayn fırıldaqçılıq üsuludur. Pulu əldə etmək üçün kiçik bir komissiya ödənişi istənilir. Komissiya təcavüzkarlara çatır, qurban isə əliboş qalır. Əgər istifadəçi ödəniş üçün kart məlumatlarını daxil edirsə, bu zaman təhlükəsizliyi də riskə atmış olur:

"Təcavüzkarlar insanların heç bir əziyyət çəkmədən öz cüzdanlarını doldurmaq istəyindən tez-tez sui-istifadə edirlər. "Skamer"in ilkin hədəfi potensial qurbanda maraq oyatmaq və onu çaşdırmaqdır. "Skamer"in istəyi odur ki, istifadəçidən kiçik məbləğdə pul vəsaiti tələb olunan mərhələdə qurban hipnoz olunmuş olsun və ödənişdən imtina etməsin".

"Kaspersky"-nin Azərbaycandakı rəsmi nümayəndəsi Müşviq Məmmədov deyir ki, komissiya ödənişi haqqında istək dərhal meydana çıxmır, o istifadəçi artıq qazandığı pulları hara xərcləyəcəyi barədə düşünməyə başladığı mərhələdə meydana çıxır: "Skam" böyük şirkətlər tərəfindən keçirilən sorğu və ya aksiyalar şəklində görünür.

Bundan başqa, "skamer"lər məşhurların keçirdiyi lotereyaların uduşsuz oxşarını yaradırlar. Hazırda "skamer"lər elektron poçtla yanaşı, sosial şəbəkələr, video xidmətlər, bloqlar və s. kimi digər platformalardan da istifadə edirlər".

"Kaspersky" əsas təhlükəsizlik qaydalarını xatırladır:

məktublar, messencer ismarışları və SMS-lərdəki şübhəli linkləri açmayın;

əgər bu və ya digər aksiyada iştirak etmək istəyirsinizsə, öncə mütləq bu aksiyanın həqiqətən də hər hansı şirkət və ya məşhurun keçirdiyini yoxlayın: bunu rəsmi saytda və rəsmi sosial şəbəkə hesablarında öyrənə bilərsiniz;

aktual fişinq və spam saytları bazasına malik etibarlı qoruma həlli quraşdırın;

yadınızda saxlayın, əgər təklif gerçək olmaq üçün həddən artıq cəlbedicidirsə, o, çox güman ki saxtadır.

Həmçinin oxuyun:

* "Microsoft Exchange Server"ə hücumlar artıb - Xəbərdarlıq

Azərbaycanda uşaqlar əsasən hansı saytlara daxil olurlar – Araşdırma

3325
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

0
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

0
Teqlər:
futbol, Türkiyə, milli