Əldə telefon, arxiv şəkli

Smartfon batareyalarını ən çox boşaldan mobil tətbiqlər hansılardır?

1683
(Yenilənib 00:42 27.05.2021)
Daha çox enerji sərfiyyatı tələb edən ilk 20 proqramdan altısı sosial şəbəkə mobil tətbiqləridir. Məlumatda deyilir ki, "Facebook", "Instagram", "Snapchat", "Youtube", "WhatsApp" və "LinkedIn" proqramları fon rejimində 11 funksiyanı işə salır.

BAKI, 27 may — Sputnik. Ekspertlərin fikrincə, bəzi mobil tətbiqlərin işi həm smartfonların batareyalarının daha tez boşalmasına, həm də operativ yaddaşın böyük həcminin istifadə olunmasına gətirir. Sputnik Azərbaycan Rusiya mediasına istinadən xəbər verir ki, həmin mobil tətbiqlərin işi ümumilikdə cihazın məhsuldarlığının azalmasına gətirir.

"pCloud" şirkətinin mütəxəssisləri batareyaları daha çox boşaldan mobil tətbiqləri müəyyən edərək smartfon istifadəçilərinə onlardan istifadə etməməyi məsləhət görüblər.

Belə ki, ən çox enerji sərf edən tətbiqlərin ilk beşliyinə "Skype" və "Uber" kimi tətbiqlər düşüb. Bu mobil tətbiqlər batareyanın 87% ehtiyatını sərf edə bilər. Məşhur "Facebook" tətbiqi isə batareyanın 82%-ni "udmağa" qadirdir.

Bu qəbildən olan tətbiqlərin ilk onluğuna həmçinin "Instagram" və "Tinder", habelə apartament kirayəsi xidməti "Airbnb" də daxil edilib.

"WhatsApp", "YouTube", "Telegram" və "Zoom" kimi mobil tətbiqlər bir qədər daha az enerji sərf edir. Onlar smartfon batareyasının 77%-ni sərf edir.

Telefonların akkumulyatorunu ən çox boşaldan mobil tətbiq isə "Fibit fitnes" proqramıdır — 92%.

"pCloud" ekspertləri qeyd edirlər ki, ümumilikdə daha çox enerji sərfiyyatı tələb edən ilk 20 proqramdan altısı sosial şəbəkə mobil tətbiqləridir. Məlumatda deyilir ki, "Facebook", "Instagram", "Snapchat", "Youtube", "WhatsApp" və "LinkedIn" proqramları fon rejimində 11 funksiyanı işə salırlar ki, bunlara da fotoşəkil, Wi-Fi, telefonun olduğu yerin müəyyən edilməsi və mikrofon da daxildir.

Eləcə də oxuyun:

  • Əhaliyə növbəti "fişinq" hücumları barədə xəbərdarlıq

  • "Google" öz prosessorunu buraxacaq

  • LG artıq mobil telefon istehsal etməyəcək

  • Rəqəmsal demensiya: uşaq ayları da unudur, saatdan da baş çıxara bilmir

1683
Teqlər:
batareya, sosial şəbəkələr, tətbiq, mobil, smartfon
Xaker

Onlayn satışlarla bağlı problemlər var, diqqətli olun

16
Dələduzlar tərəfindən kart sahiblərinin xəbərləri belə olmadan onların hesablarından onlayn ödənişlər həyata keçirilir və vəsaitlər mənimsənilir.

BAKI, 18 iyun — Sputnik. Daxili İşlər Nazirliyi (DİN) kibercinayətkarlıqla bağlı vətəndaşlara müraciət edib. DİN-in mətbuat xidmətindən Sputnik Azərbaycan-a verilən məlumata görə, müraciətdə deyilir:

"Son dövrlər dələduzluqla məşğul olan bəzi şəxslərin sosial media və elan saytları üzərindən ticarət edən vətəndaşların satışa çıxardığı məhsulları guya almaq məqsədilə özünün ölkədə olmadığını, həmçinin uzaq məsafədə olduğunu əsas gətirərək ödənişi onlayn yolla edəcəyini bildirib bank kartı məlumatlarının əldə edilməsi hallarına rast gəlinməkdədir.

Belə ki, həmin dələduzlar vətəndaşlara xüsusilə saxta xarici nömrələrdən zənglər edərək və "WhatsApp" vasitəsilə yazaraq guya alacağı məhsulun ödənişini etmək məqsədilə onların şəxsi bank kart məlumatlarının əldə edirlər. Daha sonra onlar vətəndaşların bank kartlarındakı məlumatları, yəni kart sahibinin adı, soyadı, kartın son istifadə tarixi, CVV nömrəsi və təsdiq kodunu ("3D secure") əldə etməyə çalışırlar. Həmin məlumatları əldə edəndən sonra dələduzlar tərəfindən kart sahiblərinin xəbərləri belə olmadan onların hesablarından onlayn ödənişlər həyata keçirilir və vəsaitlər mənimsənilir.

Bir daha vətəndaşları onlayn alış-veriş zamanı diqqətli olmağa çağırır və kibercinayətkarlıqla üzləşdikləri təqdirdə DİN-in "102 - Zəng Mərkəzi"nə məlumat vermələrini xahiş edirik".

Eləcə də oxuyun:

  • Banklar müştəriləri diqqətli olmağa səsləyir - Telefonla məlumatlarınızı ötürməyin

  • Əskinasları yastığın altına yığmayın, vahid ödəniş sistemi qapıdadır

16
Работа за компьютером, фото из архива

Dövlət qurumlarının istifadə etdiyi kompüterlər lisenziyalaşdırılır

23
(Yenilənib 10:07 14.06.2021)
"Microsoft Azerbaijan" şirkətinin baş meneceri Qaçay Mirzəyev deyib ki, Azərbaycanın dövlət qurumlarında kompüterlərin lisenziyalaşdırılmasına dair yeni saziş hazırlanır.

BAKI, 14 iyun - Sputnik. Azərbaycanın dövlət qurumlarında istifadədə olan kompüterlərin lisenziyalaşdırma layihəsinin ikinci mərhələsi bu ilin iyun ayında başa çatır.

Bunu "APA-Economics"ə "Microsoft Azerbaijan" şirkətinin baş meneceri Qaçay Mirzəyev deyib.

Onun sözlərinə görə, hazırda növbəti sazişin imzalanması müzakirə olunur. Neçə dövlət qurumuna və hansı miqdarda lisenziyaların təqdim olunacağı barədə məlumat yekun qərardan sonra açıqlanacaq.

"Ümid edirik, Azərbaycan hökuməti bu sazişi yeniləyəcək və digər ehtiyacı olan dövlət qurumları da bu sazişə qoşulacaq. Xatırladım ki, ilk saziş çərçivəsində 10 min, daha sonra əlavə olaraq 20 min proqram təminatı lisenziyaları alındı. Ümumilikdə, ölkədə dövlət strukturunda təxminən 100 min işçi çalışır. Əlbəttə, onların hamısı dövlət qulluqçusu olmasa da, onlar dövlət işlərinin idarə edilməsində fəaliyyət göstərən insanlardır və dövlət onları həm maddi, həm də qeyri-maddi aktivlərlə təmin edir", - deyə Q. Mirzəyev bildirib. 

Onun sözlərinə görə, ümumilikdə, icra olunan layihə çərçivəsində bu günədək 30 min son istifadəçi kompüterlərin proqram təminatı lisenziyalaşdırılıb.

"Əlbəttə, bəzi qurumların daxilində istifadə olunan proqram təminatları lisenziyalıdır, bəzilərindən isə bizim xəbərimiz yoxdur. Bunun üçün gərək onlar özləri daxili audit keçirsinlər", - o, əlavə edib. 

23

İsveçrə -Türkiyə matçından göz oxşayan görüntülər

0
(Yenilənib 23:54 20.06.2021)
İsveçrə və Türkiyə yığmaları arasında Avropa çempionatının A qrupunun II tur matçında.İsveçrə və Türkiyə yığmaları arasında Avropa çempionatının A qrupunun II tur matçında.

Futbol üzrə Türkiyə millisi AVRO-2020-də üçüncü oyunda da məğlub olaraq mübarizəni dayandırdı. Qrup mərhələsinin üçüncü turunda Şenol Günəçin yetirmələri Bakı Olimpiya stadionunda İsveçrə millisinə məğlub olublar.

Birinci hissədə isveçrəlilər artıq 6-cı dəqiqədə Türkiyə millisini oyuna mərkəzdən başlamağa məcbur edib. Xaris Seferoviç rəqib komandanın qapısına yol tapıb. İyirmi dəqiqə sonra Cerdan Şakiri hesabı 2:0-a çatdırıb. Oyunun 62-ci dəqiqəsində Türkiyə millisi İrfan Can Kahvecinin sayəsində oyunda və birincilikdə yeganə qolunu vurmağa mevəffəq olub. Bundan dörd dəqiqə sonra isə Şakiri ikinci qolunu vuraraq hesabı 3:1-ə çatdırıb.

Sputnik Azərbaycan-ın fotomüxbiri bu matçın unudulmaz anlarını fotokamerasının yaddaşına köçürüb. Həmin fotoların bir hissəsi bizim fotolentdə.

0
  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.

  • © Sputnik / Murad Orujov

    İsveçrə və Türkiyə yığmaları arasında Avropa çempionatının A qrupunun II tur matçında.