CƏMİYYƏT
Cəmiyyətin həyatında baş verən aktual hadisələr

İlon Maskın peyk internetinin sürəti rekord vurub

© AP Photo / Mark J. TerrillИлон Маск, фото из архива
Илон Маск, фото из архива - Sputnik Azərbaycan, 1920, 19.05.2021
Abunə olmaq
Starlink qlobal şəbəkə layihəsinin ilk peyklər qrupu 2019-cu ilin may ayında işə salınıb. Starlink ilk növbədə az məskunlaşmış, şəbəkə infrastrukturunun zəif olduğu bölgələrə internet verilməsinə istiqamətlənib.

BAKI, 19 may — Sputnik. Starlink qlobal peyk şəbəkəsinin internetinin sürəti rekord həddə çatıb. Sputnik Azərbaycan Rusiya mediasına istinadən xəbər verir ki, bu barədə internetin sürətini Ookla Speed Test servisi vasitəsilə ölçmüş almaniyalı istifadəçi yayıb.

Wccftech məcmuəsinin yaydığı məlumata görə, ölçmə zamanı İlon Maskın internetinin sürəti internetdən yükləmə zamanı saniyədə 560 meqabitə çatıb.

Servisin mütəxəssisləri bildiriblər ki, Starlink peykləri vasitəsilə məlumatların ötürülməsi sürəti bir çox amillərin təsiri altında dəyişə bilər. Bu amillərdən biri eyni vaxtda müəyyən peyklər zəncirinə qoşulmuş istifadəçilərin sayıdır. Bundan əlavə Starlink-in göstəricilərinə yerüstü şəbəkələr də təsir edir.

Qeyd edək ki, Starlink qlobal şəbəkə layihəsinin ilk peyklər qrupu 2019-cu ilin may ayında işə salınıb. Starlink ilk növbədə az məskunlaşmış, şəbəkə infrastrukturunun zəif olduğu bölgələrə internet verilməsinə istiqamətlənib.

Cari ilin aprel ayında peyk internetinin abonentləri məlumatların ötürülməsi sürətinin ilk dəfə saniyədə 200 meqabitə çatdığını müşahidə ediblər. Fevral ayında İlon Mask 2021-ci ilin sonuna qədər Starlink internetinin sürətinin iki dəfə artacağını söz verib.

Xəbər lenti
0