Marsa mənzərə, arxiv şəkli

NASA-nın helikopteri Marsda rekord sürət yığdı - VİDEO - FOTO

33
​Qurumun saytında helikopterin uçuşu ilə bağlı şəkillər yerləşdirilib. Birində onun uçuşu, digərində isə uçuş zamanı çəkdiyi şəkil təsvir olunub. 

BAKI, 25 aprel - Sputnik. Ingenuity helikopteri Marsda üçüncü sınaq uçuşunu gerçəkləşdirərkən rekord sürət yığıb - saatda 7 km.

Sputnik Azərbaycan bildirir ki, bu barədə NASA məlumat paylaşıb. Bildirilib ki, helikopter həmçinin rekord məsafə qət edib.

​Bazar günü Ingenuity ikinci sınaqda olduğu kimi 5 m yüksəkliyə qalxıb, o, 50 m məsafəyə (təxminən bir futbol meydançasının yarısı) uçub və maksimal sürət - saniyədə 2 metr (7 km/saat) sürət yığa bilib.

NASA-nın məlumatına görə, Marsdakı üçüncü sınağında göstərdiyi nəticə Ingenuity-nin Yerdə çıxdığı bütün sınaqlardan daha yüksəkdir.  

​Qurumun saytında helikopterin uçuşu ilə bağlı şəkillər yerləşdirilib. Birində onun uçuşu, digərində isə uçuş zamanı çəkdiyi şəkil təsvir olunub. 

Ingenuity aprelin 19-da Mars səthində ilk sınağını bitirib. Həmin gün o, planetin səthindən 30 saniyə ərzində 3 m yüksəyə qalxmışdı.

33
Teqlər:
NASA, sınaq, helikopter, Mars
Flora Kərimova

İP qurbanı olan məşhurlar - buna görə cəza tətbiq olunurmu?

1171
(Yenilənib 00:59 02.05.2021)
Hüquqşünas: "Hazırda informasiya dövrüdür. Bu cür xəbərlər tez-tez yayılır və insanlar bundan zərər çəkirlər. Əslində bununla bağlı inzibati məsuliyyət tədbirləri nəzərdə tutulmalıdır".

Şahpəri Abbasova, Sputnik Azərbaycan

BAKI, 1 may — Sputnik. Mediada zaman-zaman hansısa məşhurun ölüm xəbəri yayılır. Bu da həmin məşhurların doğmalarına mənfi təsir edir. Bu yaxınlarda Kütləvi İnformasiya Vasitələrində Xalq artristi Flora Kərimovanın ölüm xəbəri yayıldı. Bunu dəqiqləşdirmək üçün müğənninin köməkçisi Yaqut İmanova ilə əlaqə saxladıq. İmanova bu xəbərin yalan olduğunu dedi: "Bu, yalan xəbərdir. Mən xalam haqqında danışmışam. Media nümayəndələri də yalandan yazıblar ki, Flora xanım dünyasını dəyişib. Media nümayəndələrindən çox xahiş edirəm ki, informasiyanı araşdırmadan məlumat yazmasınlar".

Gənclər və idman naziri Azad Rəhimov
© Sputnik / Murad Orujov

Mərhum məşhur gitaraçı, Xalq artisti Rəmişin də vəfatından öncə dəfələrlə ölüm xəbəri yayılmışdı. Xalq artisti vəfat etdikdən sonra mərhumun xanımı Gülü Hüseynova: "O qədər yalandan Rəmiş öldü yazdız ki, öldü. Gedin, başınıza xına qoyun, Rəmiş öldü. Allah sizi qırsın", - demişdi.

Bir müddət öncə Xalq artisti Azər Zeynalovun dilinin tutulması, danışa bilməməsi haqqında mətbuatda xəbər yayılmışdı.

Xalq artistinin xanımı mətbuatda yayılan Zeynalovun danışa bilməməsi ilə bağlı xəbərlərin yalan olduğunu söyləmiş və buna görə mətbuatı qınamışdı: "Təəssüf ki, mətbuatda yazdılar ki, guya Azər müəllim danışa bilmir. Bunu araşdırmadan necə verə bilərlər? Səhhətində hər şey qaydasındadır, danışa bilir. Sadəcə olaraq həkim deyir ki, ona həyəcanlanmaq olmaz, ona görə də telefondan istifadə etməyə icazə vermir".

Ötən həftə aktyor Elməddin Cəfərovun da ölüm xəbəri yayılmışdı. Aktyor bizə verdiyi açıqlamada KİV-ləri tənqid etmişdi:

"Xəbər yayılandan bəri heç bir iş görə bilmirdim. Dost-tanış, qohum-əqraba hər kəs mənə zəng edirdi. Anlaya bilmirəm, bununla nə qazanırlar? IP qazanmaq xatirinə bunu necə edə bilərlər? Axı mənim də doğmalarım var?! Bu xəbərin ən pisi odur ki, doğru olanda inanmayacaqlar. Sən 10 nəfər izləyici qazanacaqsan deyə mənim doğmalarım stress keçirməlidirlər? Mən heç bir təzminat davası açmadım. Elə xarakterli insan deyiləm. Bu gün mənim doğmalarım narahat oldular, sabah başqası üçün bu xəbəri yayacaqlar. Ola bilər ki, onun doğmaları bu xəbərdən sarsılıb ciddi xələl görə bilər".

Bir müddət əvvəl koronavirusa yoluxaraq xəstəxanaya yerləşdirilən Xalq artisti Arif Quliyevin vəfat etməsi barədə xəbər yayılıb. "Yeni Klinika"da müalicə olunan aktyorun ötən gün dünyasını dəyişdiyi bildirilib. TƏBİB-in mətbuat xidmətinin rəhbəri Elnarə Baxış məlumatın yalan olduğunu bildirib.

Bəs görəsən, bununla bağlı qanunvericiliyimizdə konkret olaraq maddə varmı? Bunu araşdırmaq üçün hüquqşünas Xəyal Bəşirovla əlaqə saxladıq. Hüquqşünasın Sputnik Azərbaycan-a verdiyi açıqlamaya görə, qanunvericilikdə yalan xəbər verən hansısa mətbu orqanı cəzalandırma kimi maddə yoxdur: "Bu cür xəbərlərin rezonansından kiməsə xələl gələrsə, bunu sübut etmək də çətindir. Əgər bu xəbərdən kiminsə səhhətində problem yaranıbsa, sağlamlığına zərər vurulması ilə bağlı cinayət məsuliyyətinə cəlb oluna bilər. Amma bunu o xəbərlə əlaqələndirmək və sübuta yetirmək çox çətin bir prosesdir. Bəzi ölkələr var ki, bu cür xəbərləri yayanları bəzən inzibati, bəzən də cinayət məsuliyyətinə cəlb edirlər. Amma bizdə bu yoxdur. Hazırda informasiya dövrüdür. Bu cür xəbərlər tez-tez yayılır və insanlar bundan zərər çəkirlər. Əslində bununla bağlı inzibati məsuliyyət tədbirləri nəzərdə tutulmalıdır. Bu tipli xəbərlərə görə "şəxsi həyata müdaxilə" maddəsi ilə də cinayət işi açıla bilər. Amma bunu da sübuta yetirmək lazım gələcək".

1171
Teqlər:
media, qanun, ip, yalan, xəbərlər, vəfat, məşhurlar
Microsoft loqosu

"Microsoft" şirkəti "Windows 10"dakı kritik səhvi aradan qaldırıb

10
(Yenilənib 20:55 29.04.2021)
Şirkət problemin mövcudluğunu rəsmən etiraf etməsə də, həmin sistem səhvinin tam aradan qaldırılmasını təmin edən KB5001330 kodlu yenilənməni istifadəyə verib.

 

BAKI, 29 aprel — Sputnik. İstifadəçilərin kompüterlərindəki "Windows 10" əməliyyat sistemində ehtiyat surətlərin itməsi ilə bağlı səhvlər "Microsoft" şirkətinin aprel yenilənmələrində aradan qaldırılıb. Sputnik Azərbaycan Rusiya mediasına istinadən xəbər verir ki, adıçəkilən səhv əməliyyat sisteminin fevral yenilənmələrində müşahidə olunub.

Belə ki, həmin sistem səhvi "Windows"da problemlər yarandığı təqdirdə istifadəçiləri bir çox çətinlikdən qurtaran "ehtiyat surətlərin avtomatik yaradılması" funksiyasının itməsinə səbəb olub. Bundan əlavə, həmin surətlərin səyyar qaydada da yaradılması da mümkün olmayıb.

"Microsoft" şirkəti təqribən iki ay istifadəçiləri narahat etmiş problemin mövcudluğunu rəsmən etiraf etməsə də, həmin sistem səhvinin tam aradan qaldırılmasını təmin edən KB5001330 kodlu yenilənməni istifadəyə verib.

Lakin fevral yenilənməsi ilə bağlı problemlər hələ də tam olaraq aradan qalxmayıb. Belə ki, istifadəçilər hələ də bəzi kompüterlərdə veb-kameraların işinin sabitliyinə mənfi təsir edən digər bir sistem səhvindən şikayət edirlər.

10
Teqlər:
səhv, Windows 10
Erməni əsgərlərin dəbilqələri, arxiv şəkli

Ermənistanda 44 günlük müharibə ilə bağlı çoxlu cinayət işi açılıb

0
(Yenilənib 16:23 06.05.2021)
Ermənistan Baş Prokurorluğunun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, Şuşa və Hadrut yaxınlığındakı döyüşlərlə bağlı istintaqa cəlb olunanlar var.

BAKI, 6 may — Sputnik. Ermənistanda 44 günlük Qarabağ müharibəsi ilə əlaqədar 1580 cinayət işi qaldırılıb. Sputnik Ermənistan bu ölkənin Baş Prokurorluğuna istinadla xəbər verir ki, artıq 628 nəfər təqsirləndirilən şəxs qismində istintaqa cəlb edilib. Onların arasında adları hələ açıqlanmayan yüksək rütbəli zabitlər də var.

İri miqyaslı cinayət işlərinin istintaqı bir neçə əsas istiqamətdə aparılır: hərbi xidmətə çağırış və səfərbərlik zamanı yol verilən pozuntular, müharibədən əvvəl və müharibə zamanı silah alınmasında mümkün korrupsiya sxemləri, silahlı qüvvələrin və ayrı-ayrı bölmələrin rəhbərliyindəki cinayət pozuntuları, taktiki və strateji əməliyyatların həyata keçirilməsi, komandanlığın əmrlərinə tabe olmamaq və s.

Bundan əlavə, Milli Təhlükəsizlik Xidməti Azərbaycanın Şuşa və Hadrutu işğaldan azad etməsi ilə bağlı mediada və sosial şəbəkələrdə yer alan məlumatları da araşdırıb.

Prokurorluğun məhkəmə qərarlarının icrasına nəzarət üzrə nümayəndəsi Edqar Arsenyanın sözlərinə görə, məsələ Şuşa və Hadrut yaxınlığındakı döyüşlərlə bağlıdır.

O bildirib ki, qaldırılan cinayət işlərindən biri də dövlətə xəyanətlə əlaqədardır. Bundan başqa, hərbi qulluqçuların valideynlərindən pul tələb etmə faktı üzrə 5 cinayət işi də qaldırılıb.

 

0