Clubhouse tətbiqinin loqosu, arxiv şəkli

Azərbaycanda "Clubhouse" təhlükəsi - kiber cinayətkarlar tətikdədir

1577
(Yenilənib 10:10 29.03.2021)
"Clubhouse" yaradıcılarının düşüncələrinə əsasən, tətbiqetmədə inkoqnito (gizli) rejim yoxdur və sosial şəbəkədəki hər hərəkət özündən sonra iz buraxır.

BAKI, 24 mart — Sputnik. Son vaxtlar İnternetdə yeni sosial şəbəkə - yalnız dəvətnamə ilə giriş əldə edilə bilən səsli söhbət xidməti - Clubhouse haqqında çoxsaylı müzakirələr aparılır.

Sputnik Azərbaycan-ın məlumatına görə, Kaspersky-nin Azərbaycandakı rəsmi nümayəndəsi Müşviq Məmmədov bu tətbiqin təhlükəsizlik risklərindən danışarkən deyib:

"Clubhouse müxtəlif mövzularda səsli çıxışlar üçün otaqlar yaratmağa imkan verən bir tətbiqdir. Bu sosial şəbəkədə qeydiyyatdan keçmiş iştirakçılar sadəcə söhbətləri dinləmək və ya özünü söhbətin bir hissəsi kimi hiss etmək üçün onlara qoşula bilərlər. Təəssüf ki, kiber cinayətkarlar artıq xidmət ətrafında yaranmış ajiotajdan istifadə etməyə başlayıblar və hələ beta sınaq mərhələsində olan tətbiqin özü də mükəmməl deyil".

"Kaspersky mütəxəssisləri mobil platformalar üçün 40-dan çox unikal təhdid aşkar ediblər ki, onların hər biri bu sosial şəbəkənin adından istifadə edir. Bu sxemin bir hissəsi olaraq kiber cinayətkarlar Anubis bank troyanını da yayıblar. Android üçün nəzərdə tutulan bu zərərli proqram bank və alış-veriş tətbiqlərindəki maliyyə məlumatlarını oğurlaya bilir", - deyə şirkət rəsmisi əlavə edib.

O bildirir ki, adıçəkilən tətbiq hələlik Androiddə mövcud deyil:

"Bu səbəbdən hətta rəsmi tətbiq mağazalarında yerləşdirilə biləcək saxta tətbiqlərə etibar etməmək lazımdır. İstifadəçilərin tətbiqi quraşdırmazdan öncə onun müəlliflərinin nə ilə tanındığını, onlar tərəfindən hansı məlumatların veriləcəyini və bu məlumatların kiminlə paylaşa biləcəyini yoxlaması vacibdir. Fevral ayından etibarən tədqiqatçılar tətbiqdə bir neçə məxfilik problemi barədə məlumat təqdim ediblər. Tətbiq müəllifləri səhvləri düzəltməyə söz veriblər, lakin özlərinin də davamlı olaraq meydana çıxa biləcəyini etiraf etdikləri neçə proqram boşluğunun hələ də qaldığını söyləmək çətindir. İstifadəçilər yalnız ictimaiyyətə açıq şəkildə yayımlamağa hazır olduqları məlumatları paylaşa biləcəklərini yadda saxlamalıdır".

"Tətbiqdə qeydiyyatdan keçdikdən sonra sizdən kontakt siyahısına giriş təmin etməyiniz istəniləcək. Bunu etmək elə də vacib deyil, amma kimi isə sosial şəbəkəyə dəvət etmək istəsəniz, bunu etməyə məcbur olacaqsınız. Bununla da, tətbiq müəllifləri bu cür məlumatları hər hansı bir podratçıdan tutmuş marketinq qurumlarına və hüquq-mühafizə orqanlarına qədər çox geniş olan üçüncü tərəf dairəsinə ötürmək hüququnu məxfilik siyasətinin bir hissəsi olaraq özündə saxlayır. "Clubhouse" yaradıcılarının düşüncələrinə əsasən, tətbiqetmədə inkoqnito (gizli) rejim yoxdur və sosial şəbəkədəki hər hərəkət özündən sonra iz buraxır. Üstəlik, tətbiqetmənin interfeysində "Hesabı sil" düyməsi də yoxdur - proseduru yenidən başlatmaq üçün dəstək xidmətinə yazılı sorğu göndərməlisiniz", - deyə o əlavə edir.

Müşviq Məmmədovun sözlərinə görə, "Clubhouse"da tam hüquqlu bir hesab təsdiqlənməsi imkanı da yoxdur. Yəni, istənilən şəxs özünü tanınmış biri kimi göstərə bilər.

"Belə hallar zərərsiz görünə bilər, amma bu problemin daha da ciddiləşməyəcəyi anlamına gəlmir: kiber cinayətkarlar uzun müddətdir ki, məşhurların həm gerçək, həm də saxta hesablarını öz məqsədləri üçün istifadə edirlər - məsələn, onların adından saxta viktorinalar keçirirlər. Ona görə də ayıq-sayıq olmaq vacibdir: hətta əgər bir tanışınız belə cəlbedici bir layihədə iştirak etməyi təklif edirsə, onu başqa mənbələrdən yoxlamaq daha yaxşı olar", - Məmmədov əlavə edib.

1577
Qadın rəsm əsərinə baxır, arxiv şəkli

Süni intellekt itirilmiş şedevrləri bərpa etməyi öyrənib - VİDEO

7
(Yenilənib 01:06 21.04.2021)
Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib.

BAKI, 21 aprel — Sputnik. London Universitetinin nəzdindəki kolleclərdən birinin alimləri Entoni Buraçed və Corc Kann süni intellekt və 3D printer vasitəsilə itirilmiş incəsənət əsərlərinin tam rəngli surətini yaratmağa müvəffəq olublar. Sputnik Azərbaycan RİA Novosti-yə istinadən xəbər verir ki, mütəxəssislər yeniliyi Pablo Pikassonun Kanadanın Toronto şəhərindəki Ontario incəsənət qalereyasında saxlanılan "Çöməlib oturmuş yoxsul qadın" (1902) əsəri üzərində yoxlayıblar.

Hələ 2018-ci ildə qalereyanın ekspertləri rentgen vasitəsilə müəyyən ediblər ki, Pikassonun fırçasının 1902-ci ilə aid izləri altında onun müasiri, kataloniyalı digər rəssam Santyaqo Rusinolyinin Barselonanın Labirint Ort parkının təsvir olunduğu peyzaj əsəri gizlənib. Məsələ bundadır ki, sənətə təzə başlayan Pikasso yeni kətan parça almağa pulu olmadığı üçün "Çöməlib oturmuş yoxsul qadın" əsərini artıq çəkilmiş digər şəkil üzərində həkk edib.

Texnologiya bu faktı aşkara çıxarsa da, Pikassonun müdaxiləsindən əvvəl həmin şəklin görünüşünün necə olduğunu tam təsəvvür etmək mümkün olmayıb.

İndi isə Buraçed və Kann öz yeniliklərini tətbiq edərək kataloniyalı rəssamın itirilmiş əsərinin 100-dən artıq üçölçülü surətini yaradıblar. Onlar printeri elə proqramlaşdırıblar ki, cihaz Rusinolyinin fırçasının izlərini dəqiqliklə təsvir edərək lazımi rəngləri bir-birinə qarışdırıb.

"Bunu əvvəllər heç kim edə bilməyib. Kətan üzərinə bu üsulla boya və mürəkkəbin çəkilməsi üçölçülü çap işində irəliyə doğru atılmış böyük bir addımdır", - deyə Buraçed bildirib.

Hazırda Pablo Pikassonun müasirinin bərpa edilmiş əsərlərinin hər birinin qiyməti 11 min dollardır və hər bir lövhəyə dələduzlardan qorunmaq üçün xüsusi işarə və unikal kod həkk olunur.

 

7

"İtən əşyalara zəng etmək" gerçək olur - FOTO

15
(Yenilənib 22:05 20.04.2021)
Şirkətdən söz veriblər ki, qurğu məxfilik prinsiplərinə uyğun düzəldilib və onun vasitəsilə insanları izləmək mümkün deyil.

BAKI, 20 aprel - Sputnik. Əşyalarını tez-tez itirən insanlara dediyimiz "zəng elə, tapılsın" zarafatı gerçək olur.

Apple şirkəti  özünün ilk ağıllı AirTags nişanını təqdim edib.

Sputnik Azərbaycan-ın məlumatına görə, onun vasitəsilə müxtəlif əşyaları - qulaqcıqdan tutmuş avtomobilədək tapmaq mümkündür. Amma onun da bir əmması var, AirTags Lokator əlavəsi ilə işləyir, bu isə Apple qacetlərinə quraşdırılır. Nişan itmiş əşyaların yerini xəritədə qeyd edir. 

Şirkətdən söz veriblər ki, qurğu məxfilik prinsiplərinə uyğun düzəldilib və onun vasitəsilə insanları izləmək mümkün deyil.

AirTags-ə 29 dollar qiymət qoyulub. ABŞ-da aprelin 23-dən satılmağa başlanacaq. Sonra isə digər ölkələrdə satışı gerçəkləşdiriləcək.

15
Teqlər:
xəritə, əşya, Apple
PPX avtomobili, arxiv şəkli

Məşhur meyxanaçını polis saxlayıb

0
Ötən gün Quba rayon Polis şöbəsinin əməkdaşları tərəfindən keçirilən reyd zamanı "Quba city" restoranında məclis təşkil edildiyi aşkarlanıb.

BAKI, 21 aprel — Sputnik. Meyxanaçı Rəşad Dağlı polis tərəfindən saxlanılıb.

Sputnik Azərbaycan xəbər verir ki, ötən gün Quba rayon Polis şöbəsinin əməkdaşları tərəfindən keçirilən reyd zamanı "Quba city" restoranında məclis təşkil edildiyi aşkarlanıb. Tədbirdə Rəşad Dağlı da yer alıb.

Meyxanaçı və onun dostları karantin qaydalarını pozublar. Onunla birlikdə məclisdə yer alan 82 nəfər cəzalandırılıb.

0