Tallin şəhərinə mənzərə, arxiv şəkli

"Ağıllanırıq", çünki sıfırdan başlamaq çətin olacaq - FOTO

943
(Yenilənib 12:25 05.02.2021)
Ağıllı kənd sakinləri şəhər sakinlərinin əldə edə bildiyi infrastrukturlara da sahib ola bilirlər. Bu sistemlərin qurulduğu şəhərlər özü-özünü təmin edir və onların ətraf mənbələrdən asılılığı azalır

Elvin Səlimov, Sputnik Azərbaycan

BAKI, 4 fevral — Sputnik. Prezident İlham Əliyev bir neçə gün əvvəl yeni nəqliyyat, rabitə və yüksək texnologiyalar nazirini qəbul edərkən azad edilmiş ərazilərdə şəhər və kəndlərin necə qurulacağından danışıb. Dövlət başçısı həmin ərazilərin “smart city” və “smart village” konsepsiyası əsasında bərpa edilməli olduğunu deyib və bununla bağlı yeni nazir Rəşad Nəbiyevə xüsusi tapşırıqlar verib.

© Photo : Courtesy of Yasinova Nurlana
“Smart” yaşayış məntəqəsi

Bəs “smart city” və “smart village” nə deməkdir? Belə infrastrukturların qurulması nə vəd edir? Mövzu ilə bağlı Sputnik Azərbaycan Multimedia Mətbuat Mərkəzində tədbir keçirilib.

  • Ağıllı şəhər konsepsiyası
    © Photo : Courtesy of Yasinova Nurlana
  • Ağıllı şəhər konsepsiyası
    © Photo : Courtesy of Yasinova Nurlana
  • Ağıllı şəhər konsepsiyası
    © Photo : Courtesy of Yasinova Nurlana
  • Ağıllı şəhər konsepsiyası
    © Photo : Courtesy of Yasinova Nurlana
1 / 4
© Photo : Courtesy of Yasinova Nurlana
Ağıllı şəhər konsepsiyası

Əmlak məsələləri üzrə ekpsert Elnur Fərzəliyev deyib ki, “smart city” və “smart village” anlayışları haqqında müxtəlif fikirlər səsləndirilməsi insanlarda çaşqınlıq yaradır: “Azad edilmiş ərazilərimizdə bütün infrastruktur məhv edilib, onların bərpa edilməsi çətin və uzunmüddətli prosesdir. Həmin ərazilərdə elə bir infrastruktur qurulmalıdır ki, nəinki yerli əhali, həm də turistləri cəlb edə bilsin. Uzun illər ərzində respublikanın digər şəhərlərində, xüsusən də Bakıda məskunlaşmış məcburi köçkünlərin həmin ərazilərə qayıdıb sıfırdan təsərrüfat fəaliyyəti ilə məşğul olması çətin olacaq. Bu baxımdan azad edilmiş ərazilərdə “ağıllı kənd” və “ağıllı şəhər”lərin qurulması nəzərdə tutulur. Bu təcrübədən artıq bir çox ölkələrdə istifadə edilir. İnsanların kənd yerlərində yaşamağa marağının artırılması və təsərrüfat fəaliyyətinə başlayıb yaxşı nəticələr alması üçün bu əlverişli bir seçim kimi dəyərləndirilir. Dövlətimiz məcburi köçkünlərə azad edilmiş ərazilərdə elə bir şərait qurmaq istəyir ki, geri dönüş onlar üçün də maraqlı olsun”.

© Sputnik / Murad Orujov
Əmlak məsələləri üzrə ekpsert Elnur Fərzəliyev

Gənc memar Nuran Yasinova “smart village” anlayışını izah edərək deyib ki, bu sistem ənənəvi təsərrüfat sahələrini qabaqcıl texnologiyalarla birləşdirir: “Bu sistem informasiya və kommunikasiya texnologiyaları vasitəsilə istehsalın səmərəliliyini artırmağı, istehsalçının həyat səviyyəsini yüksəltməyi vahid hədəf halına gətirən yeni nəsil kənd həyatı modelidir. “Ağıllı kənd“ sakinləri şəhər sakinlərinin əldə edə bildiyi infrastrukturlara da sahib ola bilirlər. “Ağıllı kənd“ modeli informasiya və kommunikasiya texnologiyalarının köməkliyi ilə kənd təsərrüfatında məhsuldarlığı artırmaq, işsizliyin qarşısını almaq, fermerlərə əldə etdiyi məhsulu dəyərləndirə bilmək kimi imkanlar təqdim edir. Bu modelin təqdim etdiyi bir sıra iqtisadi və sosial hədəflər var. “Ağıllı kənd“ modeli təsərrüfat göstəricilərinin artmasına şərait yaratmaqla yanaşı, bəzi proseslərdə qənaət etməyə imkan yaradır. Sistemin göstəriciləri təcrübə ilə sübuta yetirilib”.

© Sputnik / Murad Orujov
Gənc memar Nuran Yasinova

““Ağıllı şəhər” də “ağıllı kənd” kimi daha çox texnologiyalarla idarə olunan və özü-özünü idarə edə bilən sistemdir. Şəhər idarəetməsinin bu modeli şəhər infrastrukturuna daxil olan bütün sistemlərin müasir texnologiyalarla qurulmasına və idarəedilməsinə əsaslanır. Yəni, bu sistemlərin qurulduğu şəhərlər özü-özünü təmin edir və onların ətraf mənbələrdən asılılığı azalır”, – deyə N.Yasinova bildirib. 

943
Teqlər:
infrastruktur, inkişaf, kənd, şəhər, kənd təsərrüfatı, Qarabağ, smart village, smart city
Səmada dron, arxiv şəkli

Azərbaycan səmasında tezliklə xüsusi təyinatlı uçuş aparatları peyda olacaq - VİDEO

59
(Yenilənib 11:55 02.03.2021)
Bu növ xüsusi təyinatlı texniki uçuş aparatlarının işğaldan azad olunmuş ərazilərdə qurulacaq Ağıllı Şəbəkələrdə təşkiledici baza elementi kimi istifadə edilməsi nəzərdə tutulub

BAKI, 2 mart — Sputnik. "Azərişıq" Açıq Səhmdar Cəmiyyəti Ağıllı Şəbəkələr konsepsiyasının həyata keçirilməsində daha bir yenilik edib. Qurumdan Sputnik Azərbaycan-a verilən məlumata görə, söhbət kommunal sektorda ilk dəfə xüsusi təyinatlı uçuş aparatlarının tətbiq edilməsindən gedir.

"Azərişıq"ın Ağıllı Şəbəkələr konsepsiyası tamamilə müasir və innovativ texnologiyaların istifadəsi üzərində qurulub. Bu konsepsiya çərçivəsində, artıq reallaşdırılmış müasir tipli mühafizəli və izolyasiyalı yüksək gərginlikli xətlərinin, 3D-mobil xəritəçilik sisteminin, məsafədən Optik portla elektrik sayğaclarının oxunması və mövcud idarəetmə platformasına inteqrasiya işləri uğurla davam etdirilir.

Rəqəmsal idarəetməyə keçid proqramı istiqamətində aparılan genişmiqyaslı tədbirlər sırasına xüsusi təyinatlı uçuş aparatları ilə Hava Elektrik Veriliş Xətlərinə (HEVX) kompleks və lokal baxış keçirilməsinin təşkili də əlavə edilmək üzrədir. Belə ki, ASC-nin Tədris və İnnovasiyalar Mərkəzində "Şəbəkə qüsurlarının aşkar edilməsində Yüksək texnologiyaların tətbiqi" üzrə təlim-tədris kursuna start verilib. Bu tip pilotsuz uçuş aparatları sadə foto-video çəkilişləri üçün nəzərdə tutulmuş dronlardan xeyli fərqlənir. Bu səbəbdən də onlara Xüsusi Təyinatlı Texniki Uçuş aparatları adı verilib. Belə kameralar 360 dərəcəlik panorama, infraqırmızı spektrdə və temperatur göstəricilərinin vizuallaşdırılması rejimlərində çəkiliş apara bilir. Bundan əlavə, xüsusi yaxınlaşdırma (zoom) funksiyası 25-30 m məsafədən kiçik ölçülü zədələnmələri belə müəyyən etməyə imkan verir.

Ənənəvi üsulla xətlərə texniki baxışın keçirilməsi üzun müddətli və mürəkkəb dispetçer əməliyyatlarının aparılmasını tələb edən bir prosesdir. Burada əlavə işçi heyətin, maşın–mexanizlərin, xüsusi qaldırıcı texnikanın cəlb edilməsi də qaçılmazdır. Nəticədə, elektrik enerjisi verilişində uzunmüddətli fasilələr yaranır, abonent məmnunluğu və xidmət keyfiyyəti göstəriciləri pisləşir. Müasir texnologiyaların tətbiqi ilə bütün bu problemlər aradan qaldırılır, yüksək dəqiqlikli vizual qeydiyyat aparılır, virtual arxivləşdirilir, ən əsası – abonentlərin elektrik enerjisi verilişində fasilələr yaranmır.

Bu növ xüsusi təyinatlı texniki uçuş aparatlarının işğaldan azad olunmuş ərazilərdə qurulacaq Ağıllı Şəbəkələrdə təşkiledici baza elementi kimi istifadə edilməsi nəzərdə tutulub", - deyə qurum bəyan edib.

59
Teqlər:
elektrik xətləri, elektrik naqili, qəza, "Azərişıq" Açıq Səhmdar Cəmiyyəti, dron
İnstagram tətbiqinin loqosu, arxiv şəkli

"Instaqram"da yeni funksiya yaradılır

14
(Yenilənib 10:10 02.03.2021)
İstifadəçilər “Live Rooms”un yardımı ilə müxtəlif interaktiv funksiyalardan istifadə edə biləcəklər.

BAKI, 1 mart - Sputnik. Instagram sosial şəbəkəsi “Live Rooms” funksiyasını istifadəyə verəcək.

Bu barədə “Report” şirkətin saytına istinadən xəbər verir.

Qeyd edilir ki, yeni proqram dörd nəfərə qədər istifadəçini birbaşa yayıma qoşmağa imkan yaradacaq.

"Bu gün sizə dörd nəfərə qədər istifadəçiyə Instaqramda birbaşa yayım aparmağa imkan verəcək “Live Rooms” funksiyasını təqdim edirik. Əvvəl birbaşa yayımı yalnız bir nəfərlə apara bilirdiniz, amma indi sizə birbaşa yayımınızı "üçqat artırmağa" imkan veririk", - xəbərdə deyilir.

Şirkət həmçinin qeyd edib ki, funksiya daha çox biznes qurmaq və pul qazanmaq imkanları yaradacaq. İstifadəçilər “Live Rooms”un köməyi ilə müxtəlif interaktiv funksiyalardan istifadə edə bilərlər. Bunlar arasında birbaşa yayımda alqı və vəsait yığımı da var.

“Live Rooms” funksiyası yaxın vaxtlarda bütün dünyada mümkün olacaq.

14
NATO-nun Baş katibi Yens Stoltenberq, arxiv şəkli

Yens Stoltenberq: Gürcüstan Ukrayna NATO üzvü olacaqlar

0
NATO-nun Baş katibi: "Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik".

BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".

Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.

"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.

Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.

Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.

0
Teqlər:
Gürcüstan, Ukrayna, baş katibi Yens Stoltenberq, Yens Stoltenberq, NATO